OVILINGA 22:30 - Embimbiliya - Bíblia Sagrada em Umbundu

³⁰ Puãi hẽla yaco Kesongo wa kutulula Paulu, omo wa yongola oku kũlĩha cocili eci va Yudea vo pindikila. Wa pañinya ovitunda vinene lonjango yosi oku ongoloka. Noke wa nena Paulu kuenje wo talamisa kovaso avo.

OVILINGA 22:30 Iomraidhean Croise

MATEO 10:17

Lunguki lomanu momo vo pakuila kakanga kuenje vo tipuila volosunangonga viavo.

MATEO 27:2

Kuenje vo kuta, vo wambatela kukolo, yu vo weca ku nguluvulu Pilato.

MATEO 5:22

Puãi ame mopia lene siti, Wosi o tema lokuavo o tualiwa vekanga; lu o popia lokuavo hati, Vucitumbefe, o tualiwa vekanga linene; lu o popia hati, Vuveke, wa loña konjembo yondalu.

OVILINGA 21:11

weya kokuetu, wa nyañula uvia wa Paulu, kuenje wa likuta kovolu lo kovoko, hati, Ca popia Espiritu Sandu ceci, hati, Va Yudea vo ko Yerusalãi haico va ka kuta ukuovia ulo loku u pakuila ku vakualofeka.

OVILINGA 21:33

Oco kesongo wa amako yu wo kuata kuenje wa handeleka okuti vo kuta lalienge avali. Noke wa pula onduko yaye kuenda eci a linga.

OVILINGA 22:5

ndeci ocitunda cinene lonjango yosi yakulu va tẽla oku njimbila uvangi. Nda tambula kokuavo ovikanda via sonehiwila vamanji vo ko Damasko, kuenje nda ileko oku ka kuta ava va kalako loku va nena ko Yerusalãi okuti va yambuiwa.

OVILINGA 23:1

Paulu wa imba ovaso konjango, kuenje wa popia hati. A vamanji, omuneyo wange wosi nda vumba Suku lutima wa pua eko toke etaili lilo.

OVILINGA 23:15

Oco ene, kumue lonjango, tumi ku Kesongo oco o nene kokuene. Ci lingiwe letutu. Ci molehe okuti tu yongola oku patisa ondaka yaye lutate. Etu tu taĩlili oku wipa osimbu ka pitilile.

OVILINGA 23:20

Eye hati, Va Yudea va livangula oku ku pinga okuti hẽla o va nenela Paulu konjango, vati, Tu ka patisa vali ondaka yaye lutate.

OVILINGA 23:28

Eci nda yongola oku limbuka ondaka vo pindikila, ndaile laye konjango yavo.

OVILINGA 23:6

Puãi, eci Paulu a limbuka okuti vamue va Sandukeo, kuenda vamue va Fariseo, oco a popia lonjango lolukandi hati, Akuetu, ame ndu Fariseo, haime ndimõla a va Fariseo. Ñasi loku sombisilua elavoko liepinduko lia vakualufa.

OVILINGA 26:29

Paulu hati, Ci kale ndopo, ci kale noke, ndi livela kovaso a Suku okuti, haveko lika puãi vosi va njeva etaili, nda va kala ndame,— ovikolo evi ovio lika havioko.

OVILINGA 5:21

Eci va ci yeva oco va iñila vonembele omele, kongula, kuenje va longisa. Oco, ocitunda cinene ceya, lava va kala laye. Vongolola onjango yavo lakulu va va Isareli kuenje va tuma kokayike oku ka vopa.