OVILINGA 22:3 - Embimbiliya - Bíblia Sagrada em Umbundu

³ Ame ndu Yudea. Nda citiwila ko Tarso ko Kilikia, puãi nda pindisiwila vimbo lilo. Ovisila violosekulu vietu nda vi lilongisila vongolo yulongisi Gamalieli. Nda pindisiwa oku pokola lutate kovihandeleko viosi violosekulu vietu. Nda kala lombili yoku fendela Suku ndeci ene vosi vu kasi layo etaili.

OVILINGA 22:3 Iomraidhean Croise

II SAMUELE 21:2

Oco Soma wa kovonga va Giveone. Ca kala okuti va Giveone ha va Isareliko puãi vakuacisupe cina ca va Amori. Kuenje ndaño va Isareli va likuminyile oku va supisapo haimo Saulu wa setekele oku va ponda omo ombili yaye yoku tata va Isareli la va Yuda oyo yalua.

II OLOSOMA 4:38

Elisia weya vali ko Giligali. Vofeka mua kala onjala. Vakuacisoko covaprofeto va tumãla kovaso aye. Wa popia lukuenje waye hati, Tumbika ombia yinene piko, hu telekela vakuacisoko covaprofeto ovisolososo.

LUKA 10:39

Marta wa kala lumue manjaye, onduko yaye Maria, eye wa tumala polomãi via Ñala oku yeva olondaka viaye.

LUKA 2:46

Kovaso yoloneke vitatu vo sanga vonembele, wa tumala pokati kalongisi oku va yevelela loku va pula pula.

LUKA 8:35

Oco omanu va tunda vovaimbo, veya oku tala eci ca lingiwa. Veya ku Yesu, kuenje va sanga omunu wa tundisua ovilũlu, yu wa tumala kolomãi via Yesu, wa wala, wa kala vali lolondunge. Kuenje va kala lusumba.

OVILINGA 11:25

Oco Barnaba wa enda ko Tarso oku sanda Saulu.

OVILINGA 15:23

Va soneha ukanda kuenje vo tuma peka liavo vati, Etu tuvapostolo kuenda akulu, haetu tuvamanjene, tu u soneheli, ene vuvamanjetu vakualofeka vu kasi ka Antiokea lo ko Suria kuenda ko Kilikiya. Epasu liwa.

OVILINGA 15:41

Wa pita ko Suria lo ko Kilikia oku kolisa alongelo.

OVILINGA 21:20

Oco, eci va ci yeva, va tumbangiya Suku, kuenje va popia la Paulu, vati, Okuetu, o lete okuti olohuluwa via lua via va Yudea via tava. Kuenje, vosi yavo lopo vakuambili yovihandeleko.

OVILINGA 21:39

Paulu wa kumbulula hati, Ame ndu Yudea, haime ndu Tarso ko Kilikia, ndinungi yimbo haliañoko. Nda pinga kokuove siti. Va nave okuti mopia lomanu.

OVILINGA 23:34

Eci Nguluvulu a tanga ukanda oco wa pula hati, Omunu u wa tunda kofeka yipi? Eci a yeva okuti ko Kilikia,

OVILINGA 23:6

Puãi, eci Paulu a limbuka okuti vamue va Sandukeo, kuenda vamue va Fariseo, oco a popia lonjango lolukandi hati, Akuetu, ame ndu Fariseo, haime ndimõla a va Fariseo. Ñasi loku sombisilua elavoko liepinduko lia vakualufa.

OVILINGA 26:5

Va ñulĩha osimbu, nda va yongola oku cimbila uvangi, okuti nda kaile u Fariseo, kuenje va Fariseo ovo va piãla oku tõlisa ovihandeleko vietavo lietu.

OVILINGA 26:9

Ame muẽle nda sokele siti, Ca mosokela oku linga ovina via lua vioku tamalala londuko ya Yesu u Nasara,

OVILINGA 5:34

Puãi vonjango mua kala u Fariseo umue, onduko yaye Gamalieli, eye ulongisi wovihandeleko kuenje wa sumbiwa lomanu vosi. Eye wa votoka, kuenje wa popia hati, Omanu vaco va tundile handi posamua.

OVILINGA 6:9

Oco, vamue vakuasunangonga ya tukuiwa Yavavayovoka, okuti vamue va Kurene la vamue va Alesandria, kuendavo vamue va tunda ko Kilikiya lo ka Asia, va katuka kuenje va likumbulula la Stefano.

OVILINGA 9:1

Saulu puãi, lopo wa kala loku lendela olondonge via Ñala loku vi salowaisa oku vi ponda. Wa enda kocitunda cinene,

OVILINGA 9:11

Oco Ñala wa popia laye hati, Katuka, kuende koluwa lua tukuiwa Luasuñama. Ka vanje umue o tukuiwa Saulu u Tarso vonjo ya Yuda. Momo o kasi loku likutilila,

OVILINGA 9:30

Eci vakuetavo va ci limbuka oco vo tuala ko Kaisarea kuenje vo tuma ko Tarso.

VA ROMA 11:1

Oco ndi pula siti, Suku hẽ, wa pukula omanu vaye? Ka pukuile. Momo lamevo ndu Isareli, ndimbuto ya Avirahama, ndukuepata lia Benjamini.

II VA KORINDO 11:22

Ovo hẽ, va Heveru? Lamevo ndu Heveru, Ovo hẽ, va Isareli? Lamevo ndu Isareli. Ovo hẽ, ombuto ya Avirahama? Lamevo ndimbuto ya Avirahama.

VA GALATIA 1:14

Ombili yovisila violosekulu vietu nda kaile layo ya luile enene, okuti kovina viefendelo lia va Yudea nda pitahãla vakuosue wange va lua vombuto yetu.

VA GALATIA 1:21

Noke nda enda kolofeka via Suria la Kilikia.

ESINUMUĨLO 33:3

Wa sola ocili omanu vaye. Olohoka viaye vi kola via kala povaka aye. Oco via kuama volomãi viove kuenje via songuiwa love,