OVILINGA 21:8 - Embimbiliya - Bíblia Sagrada em Umbundu

⁸ Eteke likuavo tua tundako kuenje tueya ko Kaisarea. Tueya konjo yukundi Filipu kuenje oko tua sikila. Filipu u eye Filipu una wa kala pokati komanu vana epanduvali va noliwile.

OVILINGA 21:8 Iomraidhean Croise

OVILINGA 10:1

Ko Kaisarea kua kala ulume umue, onduko yaye Korneliu, haeye kesongo liohoka ya tukuiwa Ohoka ya Itália.

OVILINGA 16:10

Eci a mola ocinjoinjoi haico tua wila vonjila oku enda ko Makedonia, tuti, Suku wa tu kovongela oku va kundila ondaka yiwa.

OVILINGA 16:13

Kesambata tua tundila kombundi yimbo kuenje tua enda kekulo liolui, omo tua soka tuti, Oko va likutalaila. Tua tumala kuenje tua vangula lakãi va liongoluilako.

OVILINGA 16:16

Eci tua kala loku enda kocilikutililo, ufeko umue upika, ukuandele ya nalunja, wa ñualẽhẽla letu. Eye wa nganyalaela vacime caye olombongo via lua lokusingila kuaye.

OVILINGA 18:22

Eci a pitila ko Kaisarea wa lamanela ko Yerusalãi kuenje wa lama ekongelo. Kovaso yaco wa lokila ka Antiokea.

OVILINGA 20:13

Etu, tua livanga kovaso lonaviyu kuenje tueya ka Aso, momo oko tua liusikile oku tokekela la Paulu. Eye muẽle, Paulu, wa endela posi.

OVILINGA 20:6

Etu puãi tua talamela ofesta yombolo ka yi kuete etumbisa. Kovaso yaco tua tunda ko Filipoi oku enda lonaviyu. Tua enda oloneke vitãlo kuenje tua va sanga ko Torasi, oko tua tumala oloneke epanduvali.

OVILINGA 21:16

Oloñame vimue vio ko Kaisarea via enda letu, kuenje via tu tuala konjo ya Manasone u Kupro, haeye oñame ya tava osimbu. Eye wa tu yekisa vonjo yaye.

OVILINGA 23:23

Noke wa kovonga asongui vavali vovisoko viocita ocita, hati, Mãlẽhisi ovita vivali viasualali, kuenda vakuakuendela kotuvalu akui epanduvali kuenda ovita vivali via vakualonjelia. Va lipongiye okuti va tunda kola yatatu kuteke, va ende ko Kaisarea.

OVILINGA 27:1

Eci ca sokiyiwa okuti tu enda lonaviyu ki Italia oco va kundika Paulu lolomandekua vikuavo ku kesongo limue liocita, onduko yaye Juliu, eye ukuahoka ya Augustu.

OVILINGA 28:11

Eci pa pita olosãi vitatu, oco tua tunda lonaviyu yimue yo ko Alexandria ya kala kocifuka olosãi viombambi. Ondimbukiso yayo olonjamba.

OVILINGA 28:16

Eci tua pitila ko Roma kesongo liocita wa eca olomandekua kusongui wolohoka, Paulu puãi va tava okuti o likalela lesualali liu lava.

OVILINGA 6:5

Ondaka eyi ya sunguluka kowiñi wosi, kuenje va nola Stefano, ulume we yuka ekolelo le Espiritu Sandu, la Filipu, la Prokoro, la Nikonoro, la Timone, la Parmena, kuenda Nikolau omongoloke yo ka Antiokea.

OVILINGA 9:30

Eci vakuetavo va ci limbuka oco vo tuala ko Kaisarea kuenje vo tuma ko Tarso.

VA EFESO 4:11

Wa va kapa okuti vamue va linga ovapostolo, vamue ovaprofeto, vamue ovakundi vondaka yiwa, vamue ovangombo, vamue alongisi.

II TIMOTEO 4:5

Ove puãi, lilava kovina viosi. Pandikisa kohali. Linga ukundi wondaka yiwa. Tẽlisa ocikundi cupange wove.