OVILINGA 21:32 - Embimbiliya - Bíblia Sagrada em Umbundu

³² Tuli a ci yeva haico a pañinya asualali lasongui vavo kuenje wa lupukila kokuavo. Eci va mola kesongo lasualali, va liwekako oku tipula Paulu.

OVILINGA 21:32 Iomraidhean Croise

ISAYA 3:15

Wa keleketeli nye omanu vange loku sasõla ovipala violosuke? Oco ca popia Ñala Yehova Ukualohoka.

YOANO 18:12

Oco ocisoko casualali la kesongo liaco kuenda akuenje va va Yudea va kuata Yesu, kuenje vo kuta.

OVILINGA 18:17

Vosi yavo va kuata Sositene, eye ukulu wosunangonga, kuenje vo tipuila posamua yonjo yekanga. Eci puãi, Galio ka co tukuile utima.

OVILINGA 22:19

Nda linga siti, A Ñala, ovo muẽle va kũliha okuti, volosunangonga viosi, ava va ku tava nda va yikila votuyike loku va tipula.

OVILINGA 23:27

Ulume u wa kuatiwa la va Yudea yu va soka oku wipa. Omo nda yeva okuti u Roma oco ndeya kokuaye lasualali kuenje ndo popela.

OVILINGA 24:6

Eteke limue wa seteka oku vĩhisa onembele, puãi tuo kuata, kuenje tua yonguile oku u tetuluila lovihandeleko vietu.

OVILINGA 5:40

Oco va tava kokuaye, kuenje, eci va pañinya ovapostolo, va va tipula. Noke va va handeleka, vati, Ka ci tava oku longisa vali vonduko ya Yesu, kuenje va va eca.