OVILINGA 20:7 - Embimbiliya - Bíblia Sagrada em Umbundu

⁷ Keteke liatete kosimanu tua liongoluila oku timbula ombolo. Paulu wa va kupuila ohundo omo a soka oku tundako hẽla, kuenje wa amisako ohundo yaye toke vokati kuteke.

OVILINGA 20:7 Iomraidhean Croise

NEHEMIYA 8:3

Yu wa vi tangela polusenje lua imba ovaso kombundi yovava, tunde komele toke ekumbi pongunji wa vi tangela kovaso alume lakãi la vosi va tẽla oku yevako. Omanu vosi va kala loku yevelela lutate eci ca tangiwa velivulu.

NEHEMIYA 9:3

Va votoka kuenje va tanga velivulu liovihandeleko via Yehova Suku yavo. Va tepisa eteke olonepa vikuãla. Onepa yimue va tanga velivulu lia Yehova Suku yavo. Onepa yikuavo va litavela loku fendela Yehova Suku yavo.

MARKO 16:9

Kaliye, eci a pinduka omele ociteketeke, keteke liatete kosimanu, wa tukuluka tete ku Maria u Magadala, una a tundisa ilũlu epanduvali.

LUKA 22:19

Yu wa nyañula ombolo, kuenje eci a yi panduila, wa yi timbula, yu wa yeca kokuavo hati, Eyi etimba liange lio wecelui. Ci lingili onjivaluiso yange.

LUKA 24:35

Oco Kelopa lukuavo va lombolola cosi ca pita vonjila, lomo vo limbukila poku timbula ombolo.

YOANO 20:1

Keteke lia tete kosimanu, kociteketeke, okuti owelema haiko u li, Maria u Magadala weya keleva, kuenje wa mola okuti ewe keleva liopiwako ale.

YOANO 20:19

Koñolosi yeteke liaco, hailio eteke liatete kosimanu, osimbu apito a yikiwilua usumba wa va Yudea, oco Yesu weya vohondo omu olondonge via kala. Wa talama pokati kavo, yu wa popia lavo hati, Ombembua yi kale lene.

YOANO 20:26

Eci pa pita oloneke ecelãla olondonge viaye via kala vali vonjo, kuenje Tomasi wa kala kumue lavo. Apito a yikiwa, puãi Yesu weya, wa talama pokati kavo, kuenje wa popia hati, Ombembua yi kale lene.

OVILINGA 16:10

Eci a mola ocinjoinjoi haico tua wila vonjila oku enda ko Makedonia, tuti, Suku wa tu kovongela oku va kundila ondaka yiwa.

OVILINGA 2:42

Kuenje va pandakaisa oku yeva ovilongua viovapostolo, Kuenda kongongela yavo, loku timbula ombolo, kuenda koku likutilila.

OVILINGA 2:46

Eteke keteke va endaila pamosi vonembele. Volonjo viavo va timbowaila Pamosi ombolo. Va lia lia okulia kuavo lesanju lesunguluko liutima.

OVILINGA 20:11

Kovaso yaco Paulu wa londa vali, wa timbula ombolo kuenje wa lia. Noke wa vangula lavo, vangule-e, toke kua ca, kuenje wa tundako.

OVILINGA 20:31

Oco lavululi, loku ivaluka okuti anyamo atatu, utanya luteke, sia liwekele oku u lunguli lasuelẽla, omunu omunu.

OVILINGA 20:5

Ovo va pita kovaso kuenje va tu talamela ko Torasi.

OVILINGA 20:9

Ponjinela pa tumala ukuenje umue, onduko yaye Eutuko. Eye wa lemiwa lotulo tua lua kuenje, eci Paulu amisako ca lua ohundo yaye, eye, omo otulo tuo kola, wa kupuka kosapalalo yatatu. Vo yelulapo tupu wa fa.

OVILINGA 28:23

Oco, eci vo tukuila eteke, va lua veya kokuaye vonjo omo a sikila, yu wa va lomboluila ondaka yaco. Wa imbila usoma wa Suku uvangi kovaso avo, kuenje wa seteka oku va tavisa ku Yesu, poku upa olondaka kovihandeleko via Mose kuenda kovaprofeto. Wa ci linga tunde omele toke oñolosi.

I VA KORINDO 10:16

Okopo yesumũluho yina tu panduila hayoko hẽ ongongela yosonde ya Kristu? Ombolo yina tu timbola, hayoko hẽ ongongela yetimba lia Kristu?

I VA KORINDO 15:10

Puãi, locali ca Suku, ñasi ndeci ñasi. Ocali caye kokuange ka ca ndingililile esanda. Koku talavaya nda piãla vosi. Ame hameko puãi, te ocali ca Suku ci kasi lame.

I VA KORINDO 16:2

Eteke liatete kosimanu ene vosi, omunu omunu a siliye cimue ndomo a sumũlũha, okuti eci njiya ka va vetiya vali oku kongola.

II TIMOTEO 4:2

Kunda ondaka. Kolisako, ndaño kotembo yaco, ndaño hakotembo yacoko. Tamalala lava va yi pengisa. Lemela. Lungula. Ku ka tepuluke kepandi ndaño koku longisa.

ESITULUILO 1:10

Nda kala ve Espiritu eteke lia Ñala. Nda yeva konyima yange ondaka yinene, huti ño yolumbeta, ya linga yiti,