OVILINGA 20:21 - Embimbiliya - Bíblia Sagrada em Umbundu

²¹ Va Yudea la va Helasi nda va kundila oku va vetiya okuti va likekembela akandu avo kovaso a Suku loku kolela Ñala yetu Yesu Kristu.

OVILINGA 20:21 Iomraidhean Croise

MATEO 3:2

Likekembeli akandu ene momo usoma wokilu u kasi ocipepi.

MATEO 4:17

Tunde opo Yesu wa fetika oku kunda hati, Likekembeli akandu ene, momo usoma wokilu u kasi ocipepi.

MARKO 1:15

hati, Kaliye otembo ya tẽlisua, usoma wa Suku u kasi ocipepi. Likekembeli akandu ene. Tavi kondaka yiwa.

MARKO 6:12

Oco va tunda, kuenje va kunda kunda vati, Likekembeli akandu ene.

LUKA 13:3

Ndu sapuili siti, Hacoko, puãi ene, nda ko likekembela akandu ene, lene vosi vu nyõlehavo ndovo.

LUKA 13:5

Ndu sapuili siti, Hacoko, puãi ene, nda ko likekembela akandu ene, lene vosi vu nyõlehavo ndovo.

LUKA 15:10

Mopia lene siti, Haico pokati kovangelo va Suku pa kala onjolela eci ukuakandu umuamue a likekembela akandu aye.

LUKA 15:7

Mopia lene siti, Haico kilu va yolela ca lua ukuakandu umuamue o likekembela akandu aye, akui ecea lecea komanu vakuesunga ka va sukila oku likekembela akandu, ci sule.

LUKA 16:28

Momo ñasi la vamanjange vatãlo, oco a va imbe onumbi, sanga veyavo mulo veyambulo lilo.

LUKA 24:47

citivo okulikekembela akandu kuenda okuecelua ku kundilua vonduko yaye kolofeka viosi oku fetikila ko Yerusalãi.

YOANO 20:31

Puãi ovina evi via sonehiwila okuti vu kolela okuti Yesu eye Kristu, haeye Mõla a Suku, kuenje, omo wa koleli, oco vu muila omuenyo ko pui vonduko yaye.

YOANO 3:36

U o kolela Mõla o kuete omuenyo ko pui, puãi u ka kolela Mõla, eye ka moli omuenyo, puãi onyeño ya Suku yi kala ño-o laye.

OVILINGA 10:43

Ovaprofeto vosi vo wimbila uvangi, vati, Vosi va tava kokuaye va mola ongecelo yakandu vonduko yaye.

OVILINGA 11:18

Oco, eci va yeva ovina evi, va liweka oku popia. Kuenje va tumbangiya Suku, vati, Ocili vakualofeka lavovo, Suku wa va iha utima woku likekembela akandu okuti va mola omuenyo.

OVILINGA 16:31

Oco va popia laye vati, Kolela Ñala Yesu kuenje o popeliwa, ove lonjo yove yosi.

OVILINGA 17:30

Suku wa simuila oloneke viapungunjumba, puãi cilo o pañinya omanu vosi koluali luosi hati, Likekembeli akandu ene,

OVILINGA 19:17

Cosi eci ca yevala ku va Yudea vosi lo ku va Helasi va tunga ke Efeso. Vosi yavo va kuata usumba, kuenje onduko ya Ñala Yesu ya kemanyaiwa.

OVILINGA 2:38

Kuenje Petulu wa popia lavo hati, Ene vosi omunu omunu, likekembeli akandu ene, papatisilui ongecelo yakandu vonduko ya Yesu Kristu, oco vu mola ocali ce Espiritu Sandu.

OVILINGA 2:40

Yu wa imba uvangi lolondaka via lua vikuavo, kuenje wa va peya, hati, Lipopeli kocitumbulukila eci cehungu.

OVILINGA 20:23

Cimosi lika nda kũlĩha ceci okuti, kovaimbo osi mita, Espiritu Sandu o njimbaimba onumbi hati, Ovikolo lohali vi ku tãilili.

OVILINGA 20:24

Puãi si tendi omuenyo wange ndocina cimue ci silivila pamue ci mepa. Cimosi lika ndi livela ceci, Oku tẽlisa ocikundi cange loku mala upange nda tambula ku Ñala Yesu, loku imbila uvangi ondaka yiwa yocali ca Suku.

OVILINGA 24:24

Eci pa pita oloneke vimue oco Feliki weyako lukãi waye Drusila, eye u Yudea. Feliki wa tumila Paulu kuenje wo yeva ndomo a lombolola ekolelo lioku kolela Yesu Kristu.

OVILINGA 26:18

oku patulula ovaso avo. O va patulula okuti va tunda kowelema ha va sangi utanya, loku tunda kuviali wa Satana ha va tiama ku Suku. Veya ku Suku okuti va mola ongecelo yakandu kuenda ocipiñalo pokati kava va yelisua omo va ñolela.

OVILINGA 26:20

Oco tete nda kundila va Damasko, noke va Yerusalai, noke vofeka yosi ya Yudea, kovaso yaco vakualofeka. Vosi yavo nda va kundila, siti, Likekembeli akandu ene. Kondolokeli ku Suku. Kali lovilinga vi lekisa ocili okulikekemba kuene.

OVILINGA 28:23

Oco, eci vo tukuila eteke, va lua veya kokuaye vonjo omo a sikila, yu wa va lomboluila ondaka yaco. Wa imbila usoma wa Suku uvangi kovaso avo, kuenje wa seteka oku va tavisa ku Yesu, poku upa olondaka kovihandeleko via Mose kuenda kovaprofeto. Wa ci linga tunde omele toke oñolosi.

OVILINGA 3:19

Oco, likekembeli akandu ene. Pongoloki okuti akandu ene a ecelua, kuenda okuti kuiya oloneke viekavuluko vi tunda ku Suku.

OVILINGA 8:25

Eci Petulu la Yoano va imba uvangi wavo, leci va kunda ondaka ya Ñala, oco va tiukila ko Yerusalãi. Vonjila, poku enda, va kundila ondaka yiwa vovaimbo a lua a va Samária.

VA ROMA 1:14

Ñuete ofuka yocikundi ci kola coku kundila va Helasi lolongoya, kuenda vakualondunge lava ka va kuete olondunge.

VA ROMA 1:16

Momo si kuete osõi yondaka yiwa. Ondaka yaco oyo unene wa Suku u popela vosi va kuete ekolelo, tete va Yudea, noke va Helasi.

VA ROMA 10:9

Momo, nda o popia lomẽla wove, huti, Yesu eye Ñala, kuenda o kolela lutima wove okuti Suku wo pindula kuava va fa, o popeliwa.

VA ROMA 2:4

Ale wa lavisa ño ukuasi wohenda ya Suku lepandi liaye lokutoñomala kuaye? Kua kũlĩhile nga okuti ohenda ya Suku yi lingiwila oku ku tuala koku likekembela akandu?

VA ROMA 4:24

puãi letu le via tu sonehiwila, etu tu kolela U wa pindula kuava va fa Yesu, Ñala yetu,

VA ROMA 5:1

Oco, omo, eci tu kuete ekolelo tu tendiwa nda vakuesunga, oco tu kuete ombembua la Suku, Mitakati yaco Ñala yetu Yesu Kristu.

I VA KORINDO 1:22

Momo va Yudea va pilaika olondimbukiso, va Helasi va sanda olondunge.

II VA KORINDO 7:10

Momo esumuo li limbuka ocipango ca Suku li koka okulikekemba ku tuala kepopelo, kuna ku koka oku livela hakuoko. Puãi esumuo li tunda ño kutima wesanda lioluali li koka okufa.

VA GALATIA 2:16

puãi tua kũlĩha okuti omunu ka tendiwa ndukuesunga loku pokola kovihandeleko te loku kolela Yesu Kristu, kuenje tua kolela Kristu Yesu ha tu tendiwa nda vakuesunga loku kolela Kristu, haloku pokola kovihandelekoko, momo lomue o tendiwa ndukuesunga loku pokola kovihandeleko.

VA GALATIA 2:20

Nda valeliwa kekulusu kumue la Kristu. Hameko vali ñasi lomuenyo, te Kristu eye o kasi lomuenyo vokati kange, kuenje omuenyo ñasi lawo vetimba ñasi lawo omo nda kolela Omõla a Suku u wa sola haeye wa liecela oku mopela.

VA GALATIA 3:22

Puãi ovisonehua vi lombolola okuti cosi ci kasi vokayike kakandu, okuti eci ca likuminyiwa kuava va kolela Yesu Kristu ceciwa ocili kokuavo.

VA EFESO 1:15

Oco, omo nda yeva ndomo wa koleli ocili Ñala Yesu Kristu, lomo vu sole olosandu viosi,

VA KOLOSAI 2:5

Momo, ndaño si kasi lene vetimba, haimo vutima ñasi lene. Nda sanjuka ca lua oku mola ndomo wa lisokiyi ciwa, loku mola ndomo ekolelo liene lioku kolela Kristu lia pama ocili.

FILEMONE 1:5

Hu panduila omo njeva njeva ocisola cove, lekolelo o kuetele Ñala Yesu lolosandu viosi.

I YOANO 5:1

Wosi o tava okuti Yesu eye Mesiya eye wa citiwa la Suku, kuenda wosi o sole onjali o solevo omõla.

I YOANO 5:5

U o yula oluali helie, nda hayuko o tava okuti Yesu eye Omõla a Suku?