OVILINGA 2:46 - Embimbiliya - Bíblia Sagrada em Umbundu

⁴⁶ Eteke keteke va endaila pamosi vonembele. Volonjo viavo va timbowaila Pamosi ombolo. Va lia lia okulia kuavo lesanju lesunguluko liutima.

OVILINGA 2:46 Iomraidhean Croise

NEHEMIYA 8:10

Kuenda Esera wa popia lavo hati, Kuendi, ka li evi vi pepa, loku nyua ovinyu vi sosa loku tumisa ovikepa kuava ka va angiliyile cimue, momo etali eteke li kola ku Suku. Ko ka nyumali momo esanju lioku sanjukila Yehova olio ongusu yene.

OLOSAMO 86:11

Ndongise onjila yove, a Yehova, okuti ngendaenda locili cove. Pandeka utima wange kesumbilo lionduko yove.

UKUNDI 9:7

Kuende, ka lie okulia kuove lonjolela, kuende, ka nyue ovinyu viove lutima wa sanjuka; momo Suku wa sanjukila ale ovilinga viove.

MATEO 6:22

Iso olio ondiyelo yetimba. Oco iso liove, nda li yela, etimba liove liosi li kala locinyi.

LUKA 11:41

Ca velapo, yelisi tete vokati. Kovaso yaco ovina viosi vi yela kokuene.

LUKA 24:30

Eci a tumala kumue lavo komesa, oco wa nyañula ombolo kuenje wa yi panduila. Eci a yi timbula wa yeca kokuavo.

LUKA 24:53

Va tongeka ño-o oku sivaya Suku vonembele.

OVILINGA 16:34

Noke wa va tuala vonjo yaye, kuenje wa va iha okulia. Wa yolela ca lua kumue la vakuanjo yaye vosi omo wa kolela Suku.

OVILINGA 2:42

Kuenje va pandakaisa oku yeva ovilongua viovapostolo, Kuenda kongongela yavo, loku timbula ombolo, kuenda koku likutilila.

OVILINGA 20:7

Keteke liatete kosimanu tua liongoluila oku timbula ombolo. Paulu wa va kupuila ohundo omo a soka oku tundako hẽla, kuenje wa amisako ohundo yaye toke vokati kuteke.

OVILINGA 3:1

Petulu la Yoano va kala loku lamanela konembele kola yoku likutilila, ola yaco yatatu kekumbi.

OVILINGA 5:21

Eci va ci yeva oco va iñila vonembele omele, kongula, kuenje va longisa. Oco, ocitunda cinene ceya, lava va kala laye. Vongolola onjango yavo lakulu va va Isareli kuenje va tuma kokayike oku ka vopa.

OVILINGA 5:42

Oloneke viosi ka va liwekele oku kundila vonembele lo volonjo, loku longisa okuti Yesu eye Mesiya.

VA ROMA 12:8

nda oku lungula, a lungule, nda oku lumba vombango, ka ka lumbe ndofufi, nda oku songuila vakuavo, a songuile lombili, nda oku linga ohenda, a yi linge lesanju.

I VA KORINDO 10:16

Okopo yesumũluho yina tu panduila hayoko hẽ ongongela yosonde ya Kristu? Ombolo yina tu timbola, hayoko hẽ ongongela yetimba lia Kristu?

II VA KORINDO 1:12

Momo, eci tu lipanda laco, haico uvangi wovitima vietu, ceci, okuti, voluali tua kala lokulipua kuenda okusunguluka kua sesamela Suku, puãi ca piãla vali pokati kene, oku ci linga lolondunge vietimba hacoko, te lohenda ya Suku.

II VA KORINDO 11:3

Puãi ñuete ohele yokuti, ndeci onyoha ya yonja Heva letutu liayo, haico ovitima viene vi pambukavo koku vumba Kristu lesunguluko kuenda lonjelo.

VA EFESO 6:5

Ene akuenje, pokoli ku vacime cene va palo posi. Va sumbili loku limbuka ocikele cene. Va vumbi lutima wocili ndeci vu vumba Kristu.

ESINUMUĨLO 12:12

Kuenje ene lomãla vene valume, lomãla vene vakãi, lapika vene valume, lapika vene vakãi, ndaño va Lewi va kasi vovaimbo ene, momo ovo ka va kuete onepa pamue ocipiñalo kumue lene, vosi yene vu sanjukila kovaso a Yehova, Suku yene.

ESINUMUĨLO 12:7

kuenje haiko vu lila kovaso a Yehova, Suku yene. Kuenje ene lolonjo viene vu sanjukila onima yupange wovaka ene yina Yehova Suku yene o sumũluĩsa layo.

ESINUMUĨLO 16:11

Kuenje o kala lesanju kovaso a Yehova, Suku yove, ove, lomõlõve ulume, lomõlõve ukãi, lupika wove ulume, lupika wove ukãi, lu Lewi o kasi vimbo liove, locingendeleyi, losiwe, locimbumba, ava va kasi pokati kene. Vosi muẽle vu sanjukila pamosi vocitumãlo Yehova, Suku yove, a nola oku tungisilako onduko yaye onjo yoku kala.

VA KOLOSAI 3:22

Ene apika, pokoli ku vacime cene va palo posi kovina viosi. Ko ka lingi upange wene eci vacime va kasi loku vu vanja lika, ndava va livela oku panduiwa lomanu. Puãi, kupange wene, kuatiko lutima wosi ndava va sumbila ocili Ñala.