OVILINGA 2:43 - Embimbiliya - Bíblia Sagrada em Umbundu

⁴³ Usumba wa kuata omanu vosi. Ovikomo via lua lovilimbu via lingiwa lovapostolo.

OVILINGA 2:43 Iomraidhean Croise

ESTER 8:17

Kuenje volofeka viosi lovovaimbo osi omu mua yevala ondaka ya Soma locihandeleko caye, va Yudea va kala lesanju lonjolela lofesta kuenda oloneke viepuyuko. Kuenje omanu va lua vakuafeka va litukula vati, Tu va Yudea, momo usumba wa va Yudea wa va kuata.

YEREMIYA 33:9

Kuenje imbo lilo li nenela esanju lesivayo kuenda ulamba, kovaso olofeka viosi viokilu lieve eci vi yeva ovina viosi vina nda li linga. Vi yokoka loku lulumĩla ovina viwa viosi lokusalala kuosi nda li muĩsa.

HOSEA 3:5

Noke omãla va Isareli va pongoloka ha va sandi Yehova Suku yavo, la Daviti Soma yavo. Kovaso veya lesumbilo ku Yehova lohenda yaye.

MARKO 16:17

Ovilimbu vi linga ava va kolela, vievi: Va tundisa ilũlu londuko yange. Va popia lalimi okaliye.

LUKA 7:16

Usumba wa va kuata vosi, kuenje va tumbangiya Suku vati, Uprofeto unene wa katukila pokati ketu; kuenda vali vati, Suku wa pasula omanu vaye.

LUKA 8:37

Oco omanu vosi vakuafeka yi lisungue la Gerasa va livondela Yesu oku tunda kokuavo momo va kala lusumba wa lua. Oco wa wila vowato kuenje wa tiukila.

YOANO 14:12

Mopia lene siti, Ocili, ocili, u o ñolela, ovilinga ndingainga o vi lingavo, kuenda o linga ovilinga via velapo vali okuti evi vi sule, momo ame ngenda ku Isia.

OVILINGA 2:22

Ene alume va Isareli, yeveleli olondaka evi: Yesu u Nasara, ulume una Suku a lombolola kokuene kuenje wo wimbila uvangi mekonda liovonene lovikomo kuenda ovilimbu Suku a linga laye pokati kene, ndeci wa ci kũlĩhi ene muẽle,

OVILINGA 4:33

Ovapostolo va imbaimba uvangi wepinduko lia Ñala Yesu lunene wa lua. Ocali ca lua ca va wila vosi.

OVILINGA 5:5

Eci Ananiya a yeva olondaka evi wa kupuka kuenje wa fa. Usumba wa lua wa kuata vosi va ci yeva.

OVILINGA 9:34

Petulu wa popia laye hati, A Ainea, Yesu Kristu wa ku kayisa. Votoka. Yalula ula wove, kuenje haico a votoka.

OVILINGA 9:40

Petulu puãi, eci a va tundisamo vosi, wa kekama kolongolo, kuenje wa likutilila. Oco, oku pongolokela kocivimbi, wa popia hati, A Tavita, pasuka, kuenje eye wa patuluka. Eci a mola Petulu, wa tumala,