OVILINGA 2:40 - Embimbiliya - Bíblia Sagrada em Umbundu

⁴⁰ Yu wa imba uvangi lolondaka via lua vikuavo, kuenje wa va peya, hati, Lipopeli kocitumbulukila eci cehungu.

OVILINGA 2:40 Iomraidhean Croise

OLOSAPO 9:6

Tinduki kuveke ha vu kala lomuenyo. Endeli vonjila yolondunge.

YEREMIYA 51:45

Amanu vange, tundimo! Omunu omunu a popele omuenyo waye konyeño ya tokota ya Yehova!

MATEO 12:34

Amãla volonyoha, omo vulondingaĩvi, vu tẽla ndati oku popia ovina viwa? Momo eci ca siata vutima oco omẽla u popia.

MATEO 16:4

Ocitumbulukila ca vĩha haico cukahonga ci yongola ocilimbu, puãi ka cihiwa ocilimbu te cina ca Yona. Oco wa va sia, wa enda.

MATEO 17:17

Yesu wa kumbulula hati, Acitumbulukila hacekoleloko, haico ci sivuluka, toke pi ñala lene? toke pi mandikisa lene? U neneli.

MATEO 23:33

Alonyoha, ambuto yolombuta, vu puluka ndati episo lioku enda konjembo?

MARKO 8:38

Momo u o ñuetele osõi vocitumbulukila cilo ca vakahongo haico ca vakuakandu, Mõlomanu u kuatelavo osõi eci eya vulamba wa Isiaye kumue lovangelo vaye va kola.

LUKA 16:28

Momo ñasi la vamanjange vatãlo, oco a va imbe onumbi, sanga veyavo mulo veyambulo lilo.

LUKA 21:36

Puãi lavululi olonjanja viosi loku likutilila okuti vu kala longusu yoku puluka kovina evi viosi viya, ho talami kovaso a Mõlomanu.

YOANO 21:25

Kulivo ovina via lua vikuavo Yesu a linga. Nda viosi via sonehiwile, nda soka siti, voluali, alivulu aco a sonehiwa, nda ka a suimo.

OVILINGA 10:42

Kuenje wa tu usika hati, Kundili omanu. Imbi uvangi okuti ame, ame u Suku a tukuila oku linga onganji yava va kasi lomuenyo lava va fa.

OVILINGA 15:32

Kuenje Yuda la Siluano, omo lavovo ovaprofeto, va lungula vakuomanji waco lolondaka via lua, kuenje va va kolisa.

OVILINGA 20:11

Kovaso yaco Paulu wa londa vali, wa timbula ombolo kuenje wa lia. Noke wa vangula lavo, vangule-e, toke kua ca, kuenje wa tundako.

OVILINGA 20:2

Eci a pita volofeka viaco, loku kolisa ca lua oloñame, oco weya ko Helasi.

OVILINGA 20:21

Va Yudea la va Helasi nda va kundila oku va vetiya okuti va likekembela akandu avo kovaso a Suku loku kolela Ñala yetu Yesu Kristu.

OVILINGA 20:24

Puãi si tendi omuenyo wange ndocina cimue ci silivila pamue ci mepa. Cimosi lika ndi livela ceci, Oku tẽlisa ocikundi cange loku mala upange nda tambula ku Ñala Yesu, loku imbila uvangi ondaka yiwa yocali ca Suku.

OVILINGA 20:9

Ponjinela pa tumala ukuenje umue, onduko yaye Eutuko. Eye wa lemiwa lotulo tua lua kuenje, eci Paulu amisako ca lua ohundo yaye, eye, omo otulo tuo kola, wa kupuka kosapalalo yatatu. Vo yelulapo tupu wa fa.

OVILINGA 28:23

Oco, eci vo tukuila eteke, va lua veya kokuaye vonjo omo a sikila, yu wa va lomboluila ondaka yaco. Wa imbila usoma wa Suku uvangi kovaso avo, kuenje wa seteka oku va tavisa ku Yesu, poku upa olondaka kovihandeleko via Mose kuenda kovaprofeto. Wa ci linga tunde omele toke oñolosi.

OVILINGA 4:36

Oco Yosefe, ovapostolo vo tukula Barnaba, ya lomboloka Omõla elembeleko, eye u Lewi, haeye u Kupro,

II VA KORINDO 5:20

Oco tua linga olomunga via Kristu, okuti elaleko lia Suku li pitiyiwa letu. Vonduko ya Kristu tu vu peya tuti, Linali la Suku.

II VA KORINDO 6:17

Oco, tundi pokati kavo, litepi lavo. Oco ca popia Ñala. Leci ca vĩha ko ka ci lambi. Kuenje ndu tambuli,

VA GALATIA 5:3

Ame ndimbangi yoku sapuila wosi o tetiwa evamba okuti wa likuta koku pokola kovihandeleko viosi.

VA EFESO 4:17

Cimue ndu sapuili longusu, kuenje vonduko ya Ñala ndi cimbila uvangi, ceci, siti, Ka ci tava vali ene oku lingainga nda vakualofeka vakuavo va kasi luveke wovovitima.

ESINUMUĨLO 32:5

Vo lueyela. Ka va lingi vali omala vaye omo atondelo avo alua. Ocitumbulukila caco ocitumbulukila cumbinde, haico covilinga via penga.

VA FILIPOI 2:15

okuti vu linga omãla va Suku ve lipua, haene vu pua etondelo, kuenje vu kala pokati kocitumbulukila cilo cevĩho loku tatama ndomanu va pua eko. Voluali lulo luowelema vu tua ndolombungululu.

I VA TESALONIKE 2:11

Vu ci ndeci tua kala lene okuti tua soka nda isia lomãla vaye muẽle. Tuo lunguli omunu omunu, loku u kolisi, loku u kundiki ocikundi

I TIMOTEO 4:16

Lilava ove muẽle. Lavavo okulongisa kuove. Pandikisa lovina evi, omo, nda o ci linga, o lipopela ove muẽle, o popelavo ava va ku yeva.

I PETULU 5:12

Okokanda kalo ñasi loku ka tuma kokuene peka lia manjange nda kolela ca lua, Siluano. Nda ka tuma oku vu lungula loku imba uvangi okuti ocali eci nda lombolola oco ocali cocili ca Suku. Kolipo laco.