OVILINGA 2:4 - Embimbiliya - Bíblia Sagrada em Umbundu

⁴ Oco va yukisua le Espiritu Sandu, kuenje va fetika oku vangula alimi aiñi aiñi, ndeci Espiritu Sandu a va iha oku popia.

OVILINGA 2:4 Iomraidhean Croise

II SAMUELE 23:2

Espiritu lia Yehova li popia, ame ndinga Mitakati. Ondaka yaye yi kasi kelimi liange.

ISAYA 28:11

Oco hacoko. Puãi Yehova o popia lomanu vaye lovimẽla via vakualofeka haivo vakuelimi liñi.

ISAYA 59:21

Yehova wa linga hati, Eci oco ocisila cange kokuavo: Espiritu liange li kasi kokuove kuenje olondaka viange nda vi kapa vomela wove. Ka vi tundi vomela wove, pamue vomẽla womãla vove, pamue vomẽla wombuto yomãla vove tunde cilo toke oloneke ka vi pui. Oco ca popia Yehova.

YEREMIYA 6:11

Oco nde yuka onyeño ya Yehova, nda kava oku yi tutuiya. Ca popia Yehova ceci, hati, Yi itila komãla vokololo, kuenda kovisukungu viakuenje. Ulume lukai waye va kuatiwila kumuamue, lekongo kumue lukulu.

ESEKIELE 3:11

Kuende kolomandekua viaco havo omanu vove. Popia lavo, huti, Ca popia Ñala Yehova ceci, nda va yeva, nda ka va yevi.

MIKA 3:8

Puãi ame, ame nde yuka ongusu. Ñasi le Espiritu lia Yehova, ñasivo lesunga kuenda olohõlo vioku sapuila Yakoba okulueya kuaye, kuenda Isareli ekandu liaye.

MATEO 10:19

Eci vo tuali kekanga, ko ka kuati ohele, hoti, Tu popia ndati, pamue tu popia nye? Momo ola yaco eci vu popia cu wihiwi.

MARKO 16:17

Ovilimbu vi linga ava va kolela, vievi: Va tundisa ilũlu londuko yange. Va popia lalimi okaliye.

LUKA 1:15

momo o linga unene kovaso a Ñala. Ka nyui ovinyu levi vi koluisa, puãi o yuka Espiritu Sandu tunde vimo lia inaye.

LUKA 1:41

Eci Elisavete a yeva ocilamo ca Maria oco omõla vimo wa lisenga, kuenje Elisavete wa yukisua Espiritu Sandu.

LUKA 1:67

Isiaye, Sakariya, we yukisua Espiritu Sandu, kuenje wa imba owanji, hati,

LUKA 12:12

momo kola yaco muẽle Espiritu Sandu u longisi eci co sesameli oku popia.

LUKA 21:15

Momo ame ndu wihi omẽla lolondunge vina okuti ovanyali vene vosi ka va tẽla oku vi tamalaila pamue oku vi patãla.

LUKA 4:1

Oco Yesu we yuka Espiritu Sandu, wa tunda ko Yordão kuenje wa songuilua kekalasoko le Espiritu.

YOANO 14:26

Puãi Ñuatisi, haeye Espiritu Sandu, una Isia a tumila vonduko yange, eye u longisa ovina viosi, kuenda o wivaluisi ovina viosi nda popia lene.

YOANO 20:22

Eci a ci popia wa va fuimila, yu wa popia lavo hati, Tambuli Espiritu Sandu.

OVILINGA 1:5

Momo Yoano wa papataisa lovava, puãi ene, kovaso yoloneke vimue ño, vu papatisiwa le Espiritu Sandu.

OVILINGA 1:8

Puãi, eci Espiritu Sandu o wili, oco vu kuata unene, kuenje vu linga olombangi viange vo Yerusalãi, lo vo Yudea yosi, lo vo Samária, kuenda toke kasulilo okilu lieve.

OVILINGA 10:46

Momo va va yeva ndomo va popia alimi aiñi aiñi loku pandiya Suku. Oco Petulu wa pula hati,

OVILINGA 10:47

Umue o tẽla oku timbuiya ovava okuti ava va kuata Espiritu Sandu ndetu muẽle ka va papatisiwa?

OVILINGA 11:15

Eci nda fetika oku popia, Espiritu Sandu wa va wila ndeci a tu wila etu kefetikilo.

OVILINGA 11:24

Momo eye ulume wa sunguluka, we yuka Espiritu Sandu lekolelo. Omanu va lua va livandeka ku Ñala.

OVILINGA 13:52

Kuenje oloñame vie yuka onjolela kuenda Espiritu Sandu.

OVILINGA 13:9

Puãi Saulu, haeye wa tukuiwavo Paulu, haeye we yuka Espiritu Sandu, wo tunguila ovaso,

OVILINGA 15:8

Kuenje Suku, u wa kũlĩha ovitima, eye wa va imbila uvangi, kuenje wa va iha Espiritu Sandu ndeci a li eca kokuetu.

OVILINGA 19:6

Oco, eci Paulu a va kapa ovaka, Espiritu Sandu weya kokuavo, kuenje va popia alimi aiñi aiñi loku imba owanji wuprofeto.

OVILINGA 2:11

va Kurete la va Arabia, tu yeva ndomo va vangula ovilinga vinene via Suku valimi etu.

OVILINGA 2:3

Kua va tukulukila alimi a setahala ondalu, kuenje a lisandola loku va vata omunu omunu.

OVILINGA 4:31

Eci va likutilila, oco onjo, omu va likongela, ya lisenga. Vosi ve yukisua Espiritu Sandu, kuenje va popia ondaka ya Suku lutõi.

OVILINGA 4:8

Petulu we yuka Espiritu Sandu kuenje wa popia lavo hati, Ene akulu vomanu, lene alombuale,

OVILINGA 6:3

Oco a vamanji, pokati kene nolipo alume epanduvali va kolelua, ve yuka Espiritu lolondunge, ha tu va tukuila upange waco.

OVILINGA 6:5

Ondaka eyi ya sunguluka kowiñi wosi, kuenje va nola Stefano, ulume we yuka ekolelo le Espiritu Sandu, la Filipu, la Prokoro, la Nikonoro, la Timone, la Parmena, kuenda Nikolau omongoloke yo ka Antiokea.

OVILINGA 6:8

Stefano, eye omunu we yuka ocali ca Suku kuenda unene, wa linga ovikomo kuenda ovilimbu vinene pokati komanu.

OVILINGA 7:55

Puãi eye we yuka Espiritu Sandu, kuenje, oku tunguila ovaso kilu, wa mola ulamba wa Suku, la Yesu yo, o tãi kondio ya Suku.

OVILINGA 8:17

Noke Petulu la Yoano va va kapa ovaka avo, kuenje va tambula Espiritu Sandu.

OVILINGA 9:17

Oco Ananiya wa enda, wa iñila vonjo. Wa kapa Saulu ovaka aye hati, A manjange, a Saulu, Ñala Yesu, una wa ku tukulukila vonjila eci veya, eye wa numa kokuove okuti o letuluka kuenje o yuka Espiritu Sandu.

VA ROMA 15:13

Suku yelavoko o yukisi esanju liosi lombembua vekolelo liene okuti, longusu ye Espiritu Sandu, vu supoka lelavoko.

I VA KORINDO 12:10

ukuavo oku linga ovilimbu; ukuavo owanji wuprofeto, ukuavo oku limbuka loku tepisa aspiritu, ukuavo alimi aiñi aiñi, ukuavo oku pitiya alimi.

I VA KORINDO 13:1

Ndaño mopia alimi omanu la-a ovangelo, puãi si kuete ocisola, nda linga ocivela congula ci ñoña, pamue ongonge yi yokoya.

I VA KORINDO 13:8

Ocisola lalimue eteke ci tokoka. Awanji ovaprofeto, puãi, a imuha, ndaño alimi a liweka, kuenda ukũlĩhiso wimuha.

I VA KORINDO 14:18

Mandula Suku omo, koku popia alimi, ame nda velapo, ene vosi vu sule.

I VA KORINDO 14:5

Kaliye njongola okuti ene vosi vu popia alimi, puãi njongola ca velapo okuti vu popia ovitumasuku. U o popia ovitumasuku wa velapo, u o popia ño elimi ka li yevala o sule, te nda umue o pitiya, okuti ekongelo li kolisua.

VA EFESO 3:19

Ndu likutilili okuti vu kũlĩhavo ocisola ca Kristu cina ca pitahãla ukũlĩhiso, okuti vu yukisua okuyuka kuosi kua Suku.

VA EFESO 5:18

Ko ka kolui lovinyu, momo oco ci koka oku nyõleha, puãi yuki Espiritu.

VA EFESO 6:18

Likutilili ve Espiritu olonjanja viosi. Sapuli ku Suku apingilo ene loku a felevela. Pandikisi locituwa caco loku likutililila olosandu viosi.

I PETULU 1:12

Ca situluiwa kokuavo okuti ovo muẽle havoko ovina viaco via sapuiwilua. Cilo, ava vo kundili ondaka yiwa ya va ihiwa le Espiritu Sandu lia tumiwa tunde kilu, ovio ovina vo sapuili. Kuenje ovangelo va livela oku lengelela vovina viaco.

II PETULU 1:21

momo la-umue owanji wovaprofeto weya locipango comunu, puãi omanu va kola va vetiyiwa le Espiritu Sandu va popia ondaka ya tunda ku Suku.

I SAMUELE 1:14

Eli yu wa popia laye hati, Toke kotembo yipi o kolua? Litepa lovinyu.

I SAMUELE 10:10

Eci veya ko Givea oco ovaprofeto vamue va ñualẽhela. Espiritu lia Suku lio wila longusu ya lua kuenje eye wa imba owanji pokati kavo.