OVILINGA 2:33 - Embimbiliya - Bíblia Sagrada em Umbundu

³³ Omo a yeluiwa londio ya Suku, lomo a tambula ku Isia ohuminyo ye Espiritu Sandu, oco wa tu sukumuila eci vu lete leci vu yevite.

OVILINGA 2:33 Iomraidhean Croise

OLOSAMO 118:16

Eka lia Yehova liondio lia kemãla. Eka lia Yehova liondio li lingainga lolohõlo.

OLOSAMO 89:19

Kosiahũlu wa popia lu wove wa koleliwa. Wa popela vocinjoinjoi, huti, Nda kapa ekolowa kumue wa pama. Nda kemalisa umue wa noliwa pokati komanu.

OLOSAMO 89:24

Kokuaye puãi ku tiama ocili cange kuenda ocisola cange ka ci pui. Ombinga yaye yi kemalisua mekonda lionduko yange.

ISAYA 52:13

Tala, ukuenje wange o sumũlũha, o kemãlĩsua, o kapiwa kunene. O linga muẽle omunu unene.

ISAYA 53:12

Oco ndu tepisa onepa lava vanene, kuenje o liamũila eci ca pundiwa kumue la vakualohõlo: momo wa pesela omuenyo waye toke kokufa kuenje wa tendiwa lava va lueya; haimo wambata akandu omanu va lua, kuenje wa fundila ava va lueya.

MATEO 28:18

Kuenje Yesu weya kokuavo, wa popia lavo hati, Uviali wosi wokilu lowu wokilu lieve wa nyihiwa.

MARKO 16:19

Oco Ñala Yesu, eci a mala oku popia lavo, wa yeluiwa vilu, kuenje wa tumala kondio ya Suku.

LUKA 24:49

Kuenje ndu tumisi ohuminyo ya Tate, puãi kali vimbo toke wa walisiwi lunene wokilu.

YOANO 14:16

Kuenje ndi pinga ku Isia okuti o wihi Oñuatisi yikuavo yi kala ño-o hũ lene.

YOANO 14:26

Puãi Ñuatisi, haeye Espiritu Sandu, una Isia a tumila vonduko yange, eye u longisa ovina viosi, kuenda o wivaluisi ovina viosi nda popia lene.

YOANO 15:26

Puãi eci Ñuatisi eya, u o tunda ku Isia kuenje ndu tuma kokuene, haeye Espiritu liocili o tunda ku Isia, eye o njimbila uvangi.

YOANO 17:5

Kaliye, a Tate, muise ulamba kovaso ove. Muise ulamba una nda kaile lawo kumue love, osimbu oluali ka lua lulikiwile.

OVILINGA 1:4

Eci a kala loku lia kumue lavo oco wa vosika hati, Ko ka tundi ko Yerusalãi, puãi talameli ohuminyo ya Isia yina wa yevi kokuange.

OVILINGA 10:45

Vakuevamba veya la Petulu, haivo va linga ale vakuetavo, va komoha ndomo ocali ce Espiritu Sandu ca eciwavo ku vakualofeka.

OVILINGA 2:17

Suku hati, Koloneke vi sulako, ndi sukumuila Espiritu liange komanu vosi. Omãla vene valume lomãla vene vakãi va imba owanji. Amalehe vene va mola ovinjoinjoi, lolosekulu viene vi lota olonjoi.

OVILINGA 5:31

haeye Suku a kemalisila kondio yaye ha lingi Njalu kuenda Upopeli oku eca ku va Isareli oku likekembela akandu longecelo yao.

VA ROMA 5:5

lelavoko ka li tu kutisa osõi, momo ocisola ca Suku ca sukumuhila vitima vietu le Espiritu Sandu una wa tu ihiwa.

VA GALATIA 3:14

Wa ci lingila okuti esumũlũho lina lia kala la Avirahama liyavo la Yesu Kristu ku vakualofeka ha tu tambula ohuminyo ye Espiritu lekolelo.

VA EFESO 1:13

Kuenda vali, ene wa yevi ale ondaka yocili haiyo ondaka yiwa yeyovo liene, haene eci wa kali vu Kristu wo koleli, ene wa kapiwi ondimbukiso y'Espiritu Sandu lia likuminyiwa.

VA EFESO 4:8

Oco ca popiwila citi, Poku londa wa ambata owiñi wolohute, kuenje wa eca olongavelo komanu.

TITO 3:6

lina a tu sukumuila la Mitakati Yesu Kristu Upopeli wetu.

VA HEVERU 10:12

Kristu puãi, eci a lumbila akandu ocilumba cimuamue, oco a tumala oloneke ka vi pui kondio ya Suku.

VA HEVERU 2:9

Puãi tu lete Yesu, u, okasimbu kaño, wa kambisiwa naito lovangelo. Tu u lete okuti, omo a tala ohali lokufa, oco wa futisua lulamba lesumbilo, okuti, locali ca Suku, o mahela omanu vosi okufa.

I PETULU 1:21

Omo Kristu wa moleha oco ene wa koleli Suku u wo pindula kuava va fa kuenje wo wiha ulamba. Kuenje oco ekolelo liene lelavoko liene li kasilili ku Suku.

I PETULU 3:22

Yesu Kristu wa enda kilu, yu o kasi kondio ya Suku, kuenje ovangelo lolombiali lolosoma via tiamisua kokuaye.