OVILINGA 2:3 - Embimbiliya - Bíblia Sagrada em Umbundu

³ Kua va tukulukila alimi a setahala ondalu, kuenje a lisandola loku va vata omunu omunu.

OVILINGA 2:3 Iomraidhean Croise

EFETIKILO 11:6

Yehova yu wa linga hati, Ota, epata eli limosi, elimi limuamue va kuete pokati kavo vosi; leci efetikilo ño liovina va laika oku linga; cilo ka va tokoka vali cimue va panga oku linga.

OLOSAMO 55:9

Va nyõla, a Yehova. Tola alimi avo. Momo mola ungangala luyaki vimbo.

ISAYA 6:5

Oco nda linga siti, Ngongo yange we, nda nyõlẽha momo ndukuamẽla wevĩho, ame ñasi pokati kavakuavimẽla vievĩho; omo ovaso ange a mõla Soma, Yehova Ukualohoka.

YEREMIYA 23:29

Yehova wa pula hati, Ondaka yange hẽ ka ya sokele londalu pamue ndomalatelo yi sasõla ewe?

MATEO 3:11

Ame ndu papatisili vovava, oku vu papatisila epongoloko liutima, puãi u o ñuai vonyima wa mbelapo. Sia sungulukilile oku ambata olohaku viaye. Eye u papatisili le Espiritu Sandu londalu.

MATEO 3:15

Yesu wo kumbulula hati, Handi ci kale ndomo ci kasi, momo ca tu sesamela oku tẽlisa esunga liosi. Oco wo tava.

LUKA 24:32

Yu va livangula pokati vati, Ovitima vietu ka via tokotele hẽ osimbu a vangula letu vonjila, cina a tu situluila ovisonehua?

OVILINGA 1:15

Owiñi waco wa tẽla ocita kakui avali komanu. Koloneke viaco Petulu wa votoka pokati koloñame, kuenje wa linga hati,

OVILINGA 2:11

va Kurete la va Arabia, tu yeva ndomo va vangula ovilinga vinene via Suku valimi etu.

OVILINGA 2:2

Kuenje, ocipikipiki, kilu kua tunda ocileñi ndokuõla kuocipepe ca tema, yu ca yukisa onjo yosi omu va tumala.

OVILINGA 2:4

Oco va yukisua le Espiritu Sandu, kuenje va fetika oku vangula alimi aiñi aiñi, ndeci Espiritu Sandu a va iha oku popia.

I VA KORINDO 12:10

ukuavo oku linga ovilimbu; ukuavo owanji wuprofeto, ukuavo oku limbuka loku tepisa aspiritu, ukuavo alimi aiñi aiñi, ukuavo oku pitiya alimi.

TIAGO 3:6

Elimi ondalu. Vatimba etu lia linga uviali wevĩho pokati kovimatamata. Li vĩhisa etimba liosi. Cosi covimuenyo vietu ci mihiwa lalio. Ondalu yonjembo yi li miha.

ESITULUILO 11:3

Ngeca kolombangi viange vivali unene woku popia ovitumasuku ca soka ohũlũkãi kovita vivali kakui epandu koloneke. Osimbu va popia va wala wala ovikelei.

ESITULUILO 14:6

Oco nda mola ungelo ukuavo. Wa kala loku palala vokati kilu. Wambata esapulo liwa liotembo ka yi pui oku sapula komanu va tunga kilu lieve, lo kolofeka viosi, lo kapata osi, lo ku vakualimi aiñi aiñi osi, lo komanu vosi.