OVILINGA 2:24 - Embimbiliya - Bíblia Sagrada em Umbundu

²⁴ Puãi Suku wo pindula, wa kutulula ovikolo viokufa, momo ka ca tẽliwile eye oku pandekiwa lakuo.

OVILINGA 2:24 Iomraidhean Croise

OLOSAMO 116:16

A Yehova, ame ndukuenje wove, ndukuenje wove, ndumõla ufeko wove. Ove wa ñutulula ovikolo viange.

ISAYA 10:7

Haimo eye ka pangele ndomo, ndaño utima waye ka wa simile ndoco, puãi eci ci kasi vutima waye ceci, oku kundula loku nyõla olofeka via lua.

ISAYA 25:8

O takisa olumue okufa, kuenje Ñala Yehova o puenya asuẽlẽla kovipala viosi; kuenda osõi yomanu vaye o yupa kilu lieve liosi; momo Yehova wa popia.

ISAYA 26:19

Ava va fa va kala lomuenyo, ovivimbi viavo vi pinduka. Ava va kasi vayambo va pasuka, va imba lonjolela. Momo owume wove owume wocinyi, kuenje ove o u lokisa vayambo owelema.

ISAYA 53:10

Lopo Suku wa panga oku u talisa ohali, wo velisa, eci a lingisa omuenyo waye ocimuenyo cakandu, oco a mõla ombuto yaye, o luisa oloneke viaye. Ocipango ca Yehova ci suisilua peka liaye.

HOSEA 13:14

Ame nga, ndi va yovola kunene wonjembo? Kokufa ndi va yovola? A Kufa, olohali viove vi kasi pi? A Njembo, ekundu liove li kasi pi? Vutima wange ka mũli oku pongoloka.

MATEO 27:63

kuenje vati, A Kuku, tua ivaluka okuti ondimbiki eyi, eci a kala lomuenyo, wa lingile hati, Kovaso yoloneke vitatu minduka.

YOANO 10:18

Lomue u njupa, puãi ndu pesela ame muele, ñasi lomoko yoku u pesela, ñasivo lomoko yoku u mola vali. Eci, oco ocikundi Tate a ñundika.

YOANO 10:35

Nda omanu va yeva ondaka ya Suku va tukuiwa olosuku, kuenje ka ci tava oku nyõla ocisonehua,

YOANO 12:39

Oco ka va tẽlelele oku kolela. Momo Isaya wa popia vali, hati,

YOANO 20:9

Momo ocisonehua cina ca popia citi, O pinduka ku vakualufa, ka ca va lombolokele handi.

OVILINGA 1:16

Ene a vamanji, ocisonehua cina condaka ya popia ale Espiritu Sandu lomẽla wa Daviti, haiyo ya tukula Yuda una wa songuila ava va kuata Yesu, ka ci tava okuti ka ci lingiwa.

OVILINGA 13:30

Suku puãi wo pindula ku vakualufa,

OVILINGA 13:37

U puãi Suku wo pindula ka muile oku futa.

OVILINGA 17:31

momo wa tukula eteke lioku tetuluila oluali lesunga, kuenje wa nola ale ulume o linga onganji yaco. Poku pindula ulume waco ku vakualufa opo a lekisila komanu vosi okuti ondaka yaye yocili.

OVILINGA 2:32

Yesu u-u, Suku a pindula, etu vosi tulombangi viaco.

OVILINGA 3:15

Oco, ene wa ipayi usovoli womuenyo, Suku puãi wo pindula ku vakuavilangu. Eci, etu muẽle tua cimbila uvangi.

OVILINGA 3:26

Suku wa katula Omõlaye kuenje wo tuma tete kokuene okuti, koku vu tinduisa kolohõle viene oko u sumuluisili vosi, omunu, omunu.

OVILINGA 4:10

ci limbukiwe lene vosi, lomanu vosi va Isareli, okuti ulume u o tãi kovaso ene, o ñuai, momo wa sakuiwa vonduko ya Yesu Kristu u Nasara. Eye una ene wa valeli kekulusu, kuenje Suku wo pindula ku vakualufa.

OVILINGA 5:30

Suku yolosekulu vietu wa pindula Yesu, una ene wa pondi loku u nyoñamisila kuti,

VA ROMA 10:9

Momo, nda o popia lomẽla wove, huti, Yesu eye Ñala, kuenda o kolela lutima wove okuti Suku wo pindula kuava va fa, o popeliwa.

VA ROMA 14:9

Momo, eci Kristu a fila, leci a kasilili vali lomuenyo, ceci okuti, o linga Ñala yava va fa lava va kasi lomuenyo.

VA ROMA 4:24

puãi letu le via tu sonehiwila, etu tu kolela U wa pindula kuava va fa Yesu, Ñala yetu,

VA ROMA 6:4

Oco tua kendiwila kumue laye omo tua papatisiwila vokufa kuaye, okuti, ndeci Kristu a pinduiwa kuava va fa lulamba wa Tate, haico etu tu endaenda lomuenyo wokaliye.

VA ROMA 8:11

Puãi, nda Espiritu liu wa pindula Yesu kuava va fa li tunga vovitima viene, oco, u wa pindula Kristu kuava va fa o muisavo omuenyo atimba ene a fa fa. O ci linga loku talavaya le Espiritu liaye lina li kasi vovitima viene.

VA ROMA 8:34

u o pisa elie? Kristu Yesu hẽ, u wa fa haeye wa pinduiwa kuava va fa, kuenje o kasi kondio ya Suku oku tu livondelelako, eye nga o pisa?

I VA KORINDO 15:12

Cilo, nda tu kunda tuti, Kristu wa pinduiwa kuava va fa, vamue pokati kene va popia ndati vati, Ka kuli epinduko liava va fa?

I VA KORINDO 15:15

Nda oco, etu tua linga olombangi via Suku viuhembi, momo tua imbila Suku uvangi wokuti wa pindula Kristu. Puãi, nda ocili ava va fa ka va pinduiwa, nda Suku ka pinduile Kristu.

I VA KORINDO 15:20

Ondaka yocili puãi yeyi, Kristu wa pinduiwa kuava va fa, haeye epako liatete kuava va pekela.

I VA KORINDO 15:4

Wa kendiwa. Wa pinduiwa veteke liatatu, ndeci ca tukula ovisonehua.

I VA KORINDO 6:14

Suku wa pindula Ñala, kuenje o tu pindulavo lunene waye.

II VA KORINDO 4:14

Tua kũliha okuti una wa pindula Ñala Yesu o tu pinduilavo kumuamue la Yesu loku tu nenela kumuamue lene kovaso aye.

VA GALATIA 1:1

Ame ndi Paulu ndupostolo. Sia noliwile lomunu. Sia tumbikiwile lomunu. Ndupostolo omo nda noliwa la Yesu Kristu kuenda la Suku Isia, u wo pindula kuava va fa.

VA EFESO 1:20

a lingilile vu Kristu poku u pindula kuava va fa loku u tumalisa kovailu kondio yaye.

VA KOLOSAI 2:12

Eci wa papatisui wa kendiwi kumue laye, kuenje wa pinduiwivo kumue laye. Wa pinduiwi omo wa koleli unene wa Suku una wa pindula Yesu kuava va fa.

I VA TESALONIKE 1:10

kuenda oku lavoka Omõlaye o tunda kilu, una Suku a pindula kuava va fa, okuti Yesu, u o tu popela konyeño yi laika oku iya.

VA HEVERU 13:20

Kaliye Suku yombembua, u wopa kuava va fa ungombo unene wolomeme, Ñala yetu Yesu Kristu, losonde yocisila ka ci pui,

VA HEVERU 2:14

Oco, omo omãla va kuete ositu losonde, eye layevo haivio a wala, okuti o yula lokufa u o kasi longusu yokufa, okuti eliapu,

I PETULU 1:21

Omo Kristu wa moleha oco ene wa koleli Suku u wo pindula kuava va fa kuenje wo wiha ulamba. Kuenje oco ekolelo liene lelavoko liene li kasilili ku Suku.

ESITULUILO 1:18

haime ñasi lomuenyo. Nda file kuenje cilo ñasi lomuenyo woloneke ka vi pui, haime ñuete olosapi viokufa levi vionjembo.