OVILINGA 19:8 - Embimbiliya - Bíblia Sagrada em Umbundu

⁸ Oco Paulu wa iñila vosunangonga kuenje wa kunda kunda lutõi olosãi vitatu. Wa likumbulula lomanu kuenje wa toñomãla loku va lomboluila usoma wa Suku.

OVILINGA 19:8 Iomraidhean Croise

OVILINGA 1:3

Kovaso yotokua yaye wa limolehisa kokuavo lomuenyo akui akuãla koloneke. Wa limolehisa okuti ka tatãliwa kuenje wa popia lavo ovina viusoma wa Suku.

OVILINGA 13:14

Oku tunda ko Perga va amako, yu veya ka Antiokea ko Pisidia. Eteke liesambata va iñila vosunangonga kuenje omo va tumala.

OVILINGA 13:46

Oco Paulu la Barnaba va popia lutõi, vati, Ca sungulukile okuti ondaka ya Suku yu kundiwili ene tete. Puãi, omo wa yi likali, kuenje wa lisimili hoti, Ka tua posokelele omuenyo ko pui, cilo tu enda ku vakualofeka.

OVILINGA 14:1

Oco, ki Ikoniyu, va iñila vosunangonga ya va Yudea, kuenje va kundilamo ohundo ya tua okuti va lua va tava, la va Yudea, la va Helasi.

OVILINGA 17:17

Oco volosunangonga eye wa likumbolola la va Yudea kuenda vakuambili yoku fendela Suku, lo vocitanda, oloneke viosi, wa likumbolola la vosi ño a sangamo.

OVILINGA 18:19

Noke veya ke Efeso kuenje oko a va sia. Eye Paulu puãi wa iñila vosunangonga kuenje wa likumbulula la va Yudea.

OVILINGA 18:26

Wa fetika oku longisa vosunangonga lutõi. Puãi, eci Prisila la Akuila vo yeva, vo pañinya kuenje vo wimba onumbi ya velapo yonjila ya Suku.

OVILINGA 18:4

Asambata osi wa longaisaila vosunangonga, kuenje, ndaño wa sanga olonamalala vialua, haimo wa tavisa va Yudea la va Helasi.

OVILINGA 19:10

Eci ca lingiwa anyamo avali, kuenje omanu vosi va tunga ka Asia, va Yudea la va Helasi, va yeva ondaka ya Ñala.

OVILINGA 19:7

Va kala ekui lialume kalume vavali.

OVILINGA 19:9

Puãi, eci vamue va siva yu ka va kolelele, kuenje va pembuila onjila yaco kovaso omanu, oco wa tunda kokuavo, wambata oloñame, kuenje eteke keteke wa longisa vosikola ya Turano.

OVILINGA 20:31

Oco lavululi, loku ivaluka okuti anyamo atatu, utanya luteke, sia liwekele oku u lunguli lasuelẽla, omunu omunu.

OVILINGA 28:23

Oco, eci vo tukuila eteke, va lua veya kokuaye vonjo omo a sikila, yu wa va lomboluila ondaka yaco. Wa imbila usoma wa Suku uvangi kovaso avo, kuenje wa seteka oku va tavisa ku Yesu, poku upa olondaka kovihandeleko via Mose kuenda kovaprofeto. Wa ci linga tunde omele toke oñolosi.

YUDA 1:3

A vakuacisola, nda kaile lutima woku vu sonehela oku vangula lene ondaka yeyovo lietu, puãi nda vetiwa onjanga yoku vu sonehela loku vu peya okuti vu yakela ekolelo lina lia eciwa olumue ku vakuetavo.