OVILINGA 19:11 - Embimbiliya - Bíblia Sagrada em Umbundu

¹¹ Suku wa lingisa ovilimbu vienene lovaka a Paulu.

OVILINGA 19:11 Iomraidhean Croise

YOANO 14:12

Mopia lene siti, Ocili, ocili, u o ñolela, ovilinga ndingainga o vi lingavo, kuenda o linga ovilinga via velapo vali okuti evi vi sule, momo ame ngenda ku Isia.

OVILINGA 14:3

Paulu la Barnaba va kalako osimbu kuenje va longaisa ondaka ya Ñala lutõi. Ñala, poku tava okuti ovilimbu lovikomo vi lingiwa lovaka avo, opo a imbila ondaka yocali caye uvangi.

OVILINGA 15:12

Oco owiñi wosi wohako, kuenje va yevelela Barnaba la Paulu eci va sinumula ovilimbu lovikomo Suku a linga lavo pokati ka vakualofeka.

OVILINGA 16:18

Oco a lingainga oloneke via lua. Puãi Paulu wa ci suvuka, oco wa ñualapo, yu wa popia londele yaco hati, Hu handeleka vonduko ya Yesu Kristu, siti, Weca. Kuenje haico ca weca.

OVILINGA 5:12

Va tuwa oku ongolokela vocindumba ca Salomone. Ovilimbu via lua lovikomo via lingiwa pokati komanu lovaka ovapostolo.

OVILINGA 8:13

Ndaño Simono, eye muẽle, wa tava kuenje, eci a papatisiwa, wa kakatela Filipu. Eci a mola ovilimbu lovikomo vinene via kala loku lingiwa eye wa komoha enene.

VA GALATIA 3:5

U ecaeca kokuene Espiritu kuenje o lingainga ovikomo pokati kene o tẽla oku ci linga hẽ omo vu pokola kovihandeleko ale, ele ciyilila omo vu kolela ondaka yiwa?

VA HEVERU 2:4

Suku layevo wa li imbila uvangi. Wa ci linga poku eca olondimbukiso lovikomo lovilimbu viñi viñi, kuenda poku tepaila omanu olongavelo vie Espiritu Sandu ndeci a panga.