OVILINGA 18:5 - Embimbiliya - Bíblia Sagrada em Umbundu

⁵ Siluano la Timoteo va tunda ko Makedonia. Eci va pitila ko Korindo va sanga Paulu wa sakalala loku kunda. Wa kala loku sapuila va Yudea hati, Yesu eye Mesiya.

OVILINGA 18:5 Iomraidhean Croise

YEREMIYA 20:9

Nda ndinga siti, Siu tukula vali. Si imbi vali owanji vonduko yaye,— oco vutima wange mu kala ca soka ndondalu yi taima ya yikiwila vakepa ange. Nda kava loku likandangiya oku ci sapula. Oku cuhila vali si ci tẽla.

YEREMIYA 6:11

Oco nde yuka onyeño ya Yehova, nda kava oku yi tutuiya. Ca popia Yehova ceci, hati, Yi itila komãla vokololo, kuenda kovisukungu viakuenje. Ulume lukai waye va kuatiwila kumuamue, lekongo kumue lukulu.

ESEKIELE 3:14

Oco espiritu lia njelula kuenje lia ngambata, yu nda enda lesumuo lutima wa feluka. Leka lia Yehova lia mbuila longusu.

MIKA 3:8

Puãi ame, ame nde yuka ongusu. Ñasi le Espiritu lia Yehova, ñasivo lesunga kuenda olohõlo vioku sapuila Yakoba okulueya kuaye, kuenda Isareli ekandu liaye.

LUKA 12:50

Kuli epapatiso okuti ndi papatisiwa lalio kuenda nda sakalala nye toke li telisua!

LUKA 16:28

Momo ñasi la vamanjange vatãlo, oco a va imbe onumbi, sanga veyavo mulo veyambulo lilo.

YOANO 1:41

Eye wa sanga tete manjaye Simono, yu wa popia laye hati, Tua sanga Mesiya, ca lomboloka, Kristu.

YOANO 10:24

Oco va Yudea veya, vo ñuala ocingonja. Kuenje va popia laye vati, Toke pi o tu sila ño atatahãi? Nda ove vu Kristu, tu ci sapuile.

YOANO 15:27

Ene vu njimbilavo uvangi, momo wa kaili lame tunde kefetikilo.

YOANO 3:28

Ene muẽle vulombangi viange okuti nda linga siti, Hameko Mesiya, puãi nda tumiwila oku pitila Mesiya kovaso.

OVILINGA 10:42

Kuenje wa tu usika hati, Kundili omanu. Imbi uvangi okuti ame, ame u Suku a tukuila oku linga onganji yava va kasi lomuenyo lava va fa.

OVILINGA 15:22

Oco ovapostolo lakulu lekongelo liosi va sima vati, Ciwa nda pokati kakulu tu nolapo vamue, okuti tu va tuma ka Antiokea kumue la Paulu la Barnaba. Oco va nola Yuda wa tukuiwa Barsamba, la Siluano, haivo ovasongui vumanji waco.

OVILINGA 16:1

Paulu wa pitilavo ko Derbe lo ko Lustra. Oko kua kala oñame yimue onduko yaye Timoteo. Inaye u Yudea ukuetavo, isiaye puãi u Helasi.

OVILINGA 16:12

Oku tundako tua enda ko Filipoi, olio imbo lia velapo vofeka ya Makedonia, hailio ombonge ya va Roma. Vimbo liaco tua tumalamo oloneke vimue.

OVILINGA 16:9

Kuteke Paulu wa mola ocinjoinjoi cokuti, ulume umue u Makedonia o tãi, wo peya hati, Yokila ko Makedonia oco o tu kuatise.

OVILINGA 17:3

Wa lombolola, kuenda wa lekisa okuti Mesiya, co sokiyilua oku tala ohali loku pinduka ku vakuavilangu. Noke wa teta onimbu hati, Yesu u ñasi loku u vu lomboluila, eye Mesiya.

OVILINGA 18:28

momo wa tamalala la va Yudea kovaso omanu, kuenje wa lekisa lovisonehua viavo muẽle okuti Yesu eye Mesiya.

OVILINGA 2:36

Oco, epata liosi lia Isareli li limbuke okuti ocili, u Yesu, una ene wa valeli kekulusu, Suku wo lingisa Ñala kuenda Kristu.

OVILINGA 20:21

Va Yudea la va Helasi nda va kundila oku va vetiya okuti va likekembela akandu avo kovaso a Suku loku kolela Ñala yetu Yesu Kristu.

OVILINGA 20:23

Cimosi lika nda kũlĩha ceci okuti, kovaimbo osi mita, Espiritu Sandu o njimbaimba onumbi hati, Ovikolo lohali vi ku tãilili.

OVILINGA 20:24

Puãi si tendi omuenyo wange ndocina cimue ci silivila pamue ci mepa. Cimosi lika ndi livela ceci, Oku tẽlisa ocikundi cange loku mala upange nda tambula ku Ñala Yesu, loku imbila uvangi ondaka yiwa yocali ca Suku.

OVILINGA 4:20

Momo etu, lacimue vali tu tẽla oku linga, te oku popia eci tua mola leci tua yeva.

OVILINGA 9:22

Saulu puãi wa amamako kongusu, kuenje wa tangelekisa va Yudea va tunga vo Damasko, momo wa toñomãla okuti Yesu eye Kristu.

II VA KORINDO 1:19

Momo omõla a Suku, Kristu Yesu, u ame la Siluano la Timoteo tua kunda pokati kene, heyeko oco kuenda hacoko, kokuaye kuli lika oco.

II VA KORINDO 11:9

Leci nda kala lene kuenje nda suka, sia sakalaisaile umue okuti o nekula, momo vakuetu va tunda ko Makedonia va ñuatisa ndeci nda suka. Oco nda yuvula oku vu sakalaisa, kuenje oco ndingainga.

II VA KORINDO 5:14

Momo ocisola ca Kristu oco ci tu vetiya, omo tua kolela okuti umuamue wa fila vosi; oco vosi va fa.

VA FILIPOI 1:23

Pokati kovina viaco vivali nda saka oku nola. Ndi livela oku tunda loku kala la Kristu, omo oco ca velapo ca lua.

I VA TESALONIKE 3:2

Yu tua tuma manjetu Timoteo, haeye ukuopange wa Suku vondaka yiwa ya Kristu. Tuo tuma okuti o vu kolisa vetavo liene, loku vu lungula,

I VA TESALONIKE 3:6

Cilo puãi, Timoteo wa tunda kokuene loku iya kokuetu, kuenje wa tu sanjuisa. Wa tu lomboluila ekolelo liene locisola cene, kuenje wa tu sapuila ndomo vu tu ivaloka olonjanja viosi, lomo vu livela oku tu mola, ndeci etuvo tu livela oku u moli.

I PETULU 5:12

Okokanda kalo ñasi loku ka tuma kokuene peka lia manjange nda kolela ca lua, Siluano. Nda ka tuma oku vu lungula loku imba uvangi okuti ocali eci nda lombolola oco ocali cocili ca Suku. Kolipo laco.