OVILINGA 18:26 - Embimbiliya - Bíblia Sagrada em Umbundu

²⁶ Wa fetika oku longisa vosunangonga lutõi. Puãi, eci Prisila la Akuila vo yeva, vo pañinya kuenje vo wimba onumbi ya velapo yonjila ya Suku.

OVILINGA 18:26 Iomraidhean Croise

OLOSAPO 1:5

Ukualondunge layevo o tẽla oku yeva loku amamako kukũlĩhiso, lu wa lunguka o tẽla oku liupilako uloño

OLOSAPO 25:12

Ondunguli ya sunguluka ketui li yeva, ya soka ndocingẽlengẽle culu pamue etoloso liulu.

OLOSAPO 9:9

Longa ukualondunge kuenje eye amamako kolondunge. Longisa ukuesunga kuenje eye amamako kukũlĩhiso.

ISAYA 58:1

Vilikiya, ku ka liweke, kaluka londaka ya lua ndolumbeta. Sapuila omanu vange okulueya kuavo, kuenda onjo ya Yakoba akandu avo.

MARKO 10:15

Mopia lene siti, Ocili, u ka tambula usoma wa Suku ndokamõla ka iñilamo.

LUKA 19:26

Ndu sapuili siti, U o kuete ale vo vokiya, puãi u ka kuete vo nyeha ndaño eci a kuete.

LUKA 24:27

Eye wa va lomboluila ovisonehua viosi via tiamela kokuaye, loku fetika levi via Mose kuenda evi viovaprofeto vosi.

YOANO 7:17

Nda umue wa panga oku linga ocipango caye, eye o kũlĩha okulonga kuaco, nda hẽ kua Suku, ele nda ci popia ño ame muẽle.

OVILINGA 14:3

Paulu la Barnaba va kalako osimbu kuenje va longaisa ondaka ya Ñala lutõi. Ñala, poku tava okuti ovilimbu lovikomo vi lingiwa lovaka avo, opo a imbila ondaka yocali caye uvangi.

OVILINGA 18:18

Kovaso yovina evi Paulu wa tumalako vali oloneke via lua. Noke wa liusika la vamanji vaco kuenje wa endela vonaviyu toke ko Suria. Prisila la Akuila va enda laye! Eci a kala ko Kengerai, oco wa lipemula esenye, momo wa lisinga ocisingo caco.

OVILINGA 18:25

Eye wa longisiwa onjila ya Ñala, haeye ukuambili yovutima, oco wa sapula loku longisa lutate ovina via Yesu, ndaño wa kũlĩha lika epapatiso lia Yoano.

OVILINGA 19:8

Oco Paulu wa iñila vosunangonga kuenje wa kunda kunda lutõi olosãi vitatu. Wa likumbulula lomanu kuenje wa toñomãla loku va lomboluila usoma wa Suku.

OVILINGA 28:23

Oco, eci vo tukuila eteke, va lua veya kokuaye vonjo omo a sikila, yu wa va lomboluila ondaka yaco. Wa imbila usoma wa Suku uvangi kovaso avo, kuenje wa seteka oku va tavisa ku Yesu, poku upa olondaka kovihandeleko via Mose kuenda kovaprofeto. Wa ci linga tunde omele toke oñolosi.

OVILINGA 8:31

Eye wo kumbulula hati, Ci ndomboloka ndati nda lomue o ndomboluila? Oco wa pañinya Filipu oku londa kekãlu loku tumala kumue laye.

I VA KORINDO 12:21

Ka ci tava iso oku popia leka hati, Siu ku sukila; pamue vali utue oku popia lolomãi hati, Siu u sukili.

I VA KORINDO 3:18

Lomue ka ka likembe. Nda umue pokati kene wa soka hati, Ndukualondunge violuali lulo, a linge eveke hã ha lingi ukualondunge viocili.

I VA KORINDO 8:2

Nda umue wa soka okuti wa loñoloha ca piãla, ka loñolohele handi ndeci co sesamela oku loñoloha.

VA HEVERU 6:1

Oco tu si ovina viefetikilo liovilongua via Kristu loku amela kovina via sesamela akulu. Ka tu ka sakalali ño-o hũ lovina viociseveto, okuti oku kisika ño-o hũ oku likekembela akandu, loku sia ovilinga vi koka okufa, kuenda oku kolela Suku.

II PETULU 3:18

Puãi kulili vocali kuenda vukũlĩhiso woku kũlĩha Ñala Yesu Kristu haeye Onjovoli yetu. Kokuaye ku kale ulamba etaili kuenda toke keteke ka li pui. Amene.