OVILINGA 18:21 - Embimbiliya - Bíblia Sagrada em Umbundu

²¹ Puãi, eci a liusika lavo, wa popia hati, Niuka vali kokuene nda Suku wa panga. Oco wa tunda ke Efeso lonaviyu.

OVILINGA 18:21 Iomraidhean Croise

MATEO 26:39

Oco wa amako kamue, wa tuvika ocipala posi kuenje wa likutilila hati, A Tate, nda ci tava, okopo eyi yi ndomboke, puãi ndeci nda panga hacoko, te eci ove o panga.

MARKO 6:46

Eci a vosika oco wa enda komunda oku ka likutilila.

LUKA 9:61

Ukuavo wa popiavo laye hati, A Ñala, hu kuama, puãi tava okuti tete ngenda hosika vakuanjo yange.

OVILINGA 15:29

vu yuvula ovina via lumbiwa koviteka, kuenda osonde, lovina via lekiwa ekõle, kuenda oku pekelisa. Nda vu litata kovina viaco vu kala ciwa. Lalipo.

OVILINGA 18:19

Noke veya ke Efeso kuenje oko a va sia. Eye Paulu puãi wa iñila vosunangonga kuenje wa likumbulula la va Yudea.

OVILINGA 18:20

Eci va seteka oku u tiula okuti imbisapo naito, eye ka tavele.

OVILINGA 18:24

Oco u Yudea umue, onduko yaye Apolosi, kimbo liavo ka Alexandria, weya ke Efeso. Eye wa kala onoño yoku kunda, kuenda wa loñoloha lovisonehua.

OVILINGA 19:1

Osimbu Apolosi a kala ko Korindo, Paulu wa ñuala kolofeka viokonano kuenje weya ke Efeso. Wa sangako oloñame vimue,

OVILINGA 19:17

Cosi eci ca yevala ku va Yudea vosi lo ku va Helasi va tunga ke Efeso. Vosi yavo va kuata usumba, kuenje onduko ya Ñala Yesu ya kemanyaiwa.

OVILINGA 19:21

Kovaso yovina evi Espiritu lia katuila Paulu oku pita vo Makedonia lo va Akaya okuti enda ko Yerusalãi. Wa likapelakovo hati, Ko Yerusalãi ñalako otuneke tumue, kovaso yaco ngenda ha molavo ko Roma.

OVILINGA 20:16

Momo Paulu wa panga oku pita ombamba ke Efeso, okuti ka talukila va Asia, momo wa kala lonjanga yoku kala vo Yerusalãi keteke lia Pentekoste, nda ci tẽliwa.

OVILINGA 21:14

Omo ka ca tavele oku u tiula oco tua liwekako, tuti, Ocipango ca Ñala ci lingiwe.

OVILINGA 21:29

Va ci popia momo konyima yoloneke va muile Trofimo u Efeso wa kala loku pita vimbo kumue la Paulu, oco va soka vati, Paulu wa iñila laye vonembele.

VA ROMA 1:10

Ndi likutilila okuti, nda ci tava, ocipango ca Suku ci muisa onjila yimue yoku iya kokuene.

VA ROMA 15:32

Nda oco, njiya kokuene lonjolela locipango ca Suku, si puyukila kokuene.

I VA KORINDO 15:32

Mopia ndeci ci popia popia omanu kuenje mula siti, Ndaño nda yaka lovinyama via tema ke Efeso, haimo nda ca ñuatisa ndati? Nda ava va fa ka va pinduiwa, tu li, tu nyui, momo hẽla tu fa.

I VA KORINDO 16:7

Si yongola oku u moli cilo poku pita ño ombamba. Ndavoka oku kala lene oloneke vimue nda Ñala wa panga.

I VA KORINDO 16:8

Puãi ñala handi ke Efeso toke ko Pendekoste,

I VA KORINDO 4:19

Puãi ndopo njiya kokuene, nda Suku wa ci panga, kuenje olombangulo viava va lipandiya haivioko ñulĩhisa, te unene wavo.

II VA KORINDO 13:11

Oco, a vamanji, sanjuki. Penguluisi olonjila viene. Yevi kondaka yange. Kuati utima umosi. Kali lombembua, kuenje Suku yocisola lombembua o kala lene.

VA EFESO 1:1

Ame ndi Paulu haime ndupostolo wa Kristu Yesu, momo oco ca panga Suku, Sonehela olosandu vi kasi ke Efeso, haivio vakuekolelo vocili vu Kristu Yesu.

ESINUMUĨLO 16:1

Ivaloka osãi ya Aviva loku lingila Yehova, Suku yove, o Pascoa. Momo vosãi ya Aviva omo Yehova, Suku yove, wa ku upa uteke ke Egito.

VA HEVERU 6:3

Eci tu ci linga nda Suku wa panga.

TIAGO 4:15

Co velelipo oku popia hoti, Nda Suku wa panga, kuenda tu kala lomuenyo, tu linga eci leci.

I PETULU 3:17

Momo, hise oku yambuiwa mekonda lioku linga esunga, nda oco Suku a panga, oku yambuiwa mekonda lioku linga cĩvi, hacoko.

ESITULUILO 1:11

Eci o mola ci soneha velivulu. Ci tuma kakongelo epanduvali, ke Efeso, lo ko Smurna, lo ko Pergamo, lo ko Tuatera, lo ko Sardesi, lo ko Filadélfia, lo ko Laodikea.

ESITULUILO 2:1

Sonehela ungelo wekongelo lio ke Efeso, huti, Ca popia u o kuete olombungululu epanduvali kondio, haeye endela pokati kolovela epanduvali viulu, ceci,