OVILINGA 17:11 - Embimbiliya - Bíblia Sagrada em Umbundu

¹¹ Va Yudea vaco va sunguluka ca lua, okuti va Yudea va sangele ko Tesalonike ci sule, momo va yeva ondaka lombili kuenje, oloneke viosi, va tanga tanga ovisonehua oku kũlĩhisa nda hẽ ovina viaco viocili nda ndati.

OVILINGA 17:11 Iomraidhean Croise

YOVI 23:12

Sia sinile ovihandeleko viomẽla waye. Olondaka viomẽla waye nda vi soleka vutima wange.

OLOSAMO 119:100

Vimue ka via lombolokele kovakulu, ame via ndomboloka, momo mokola kalungulo ove.

OLOSAMO 119:148

Osimbu okulendela kuteke ka kueyile, ovaso ange a lavulula okuti sokolola ondaka yove.

OLOSAMO 119:97

Sole simue ovihandeleko viove. Ndukuaku vi sokolola ño-o eteke liosi.

OLOSAPO 1:5

Ukualondunge layevo o tẽla oku yeva loku amamako kukũlĩhiso, lu wa lunguka o tẽla oku liupilako uloño

OLOSAPO 8:10

Kuati alungulo ange, opalata hayoko, kuenda uloño, ulu hawoko, ndaño ulu wa nõliwa.

OLOSAPO 9:9

Longa ukualondunge kuenje eye amamako kolondunge. Longisa ukuesunga kuenje eye amamako kukũlĩhiso.

ISAYA 34:16

Vanjiliyi velivulu lia Yehova loku tangamo. Pokati kevi viosi lacimue cimosi ci kambapo; lacimue ci kamba ukuavo. Momo omẽla wa Yehova wa ci handeleka, kuenje Espiritu liaye lia vi ongolola.

ISAYA 8:20

Kolela ovilongua kuenda uvangi! Ongula ka yi cila ondaka eyi va popia.

YEREMIYA 2:21

Haimo nda ku tuika nduyuva wa nõlĩwa kombuto yocili. Wa pongoloka ndati okuti wa linga olunjuanjua?

MATEO 13:23

U wa kũliwa vongongo yiwa eye u o yeva ondaka yaco yu yo yevala. Ocili omunu waco ima epako, umue ocita, umue akui epandu, umue akui atatu.

LUKA 1:2

ndeci via tu sapuilua etu lava va linga olombangi loloñuatisi viondaka, tunde kefetikilo,

LUKA 11:3

Eteke keteke tu ihe okulia kuaco.

LUKA 16:29

Puãi Avirahama wa linga hati, Va kuete Mose lovaprofeto, va va yeve.

LUKA 24:44

Yu wa popia lavo hati, Evi ovio olondaka viange nda popele lene, cina nda kala kumue lene, okuti ovina viosi via sonehelua ame vovihandeleko via Mose lovaprofeto lolosamo vi lingiwa.

YOANO 3:21

Puãi, u o linga ocili, iya kocinyi, oco ovilinga viaye vi molehe okuti via lingiwila vu Suku.

YOANO 5:39

Vu konomuisa ovisonehua, momo wa soki hoti, Omo tu muila omuenyo ko pui, kuenje evi ovio vi njimbila uvangi;

OVILINGA 10:33

Oco nda ku kovongela lonjanga. Wa linga ciwa omo weya. Oco cilo, etu vosi tu kasi mulo kovaso a Suku oku yeva viosi Ñala a ku iha oku popia.

OVILINGA 11:1

Ovapostolo la vakuetavo vo vo Yudea va yeva okuti vakualofeka lavovo va tava kondaka ya Suku.

OVILINGA 17:1

Eci va pita ka Amfipoli kuenda ka Apolonia veya ko Tesalonike, oko kua kala osunangonga ya va Yudea.

OVILINGA 2:41

Oco, ava va tava kondaka yaye va papatisiwa, kuenje eteke liaco kua vandeka ca soka ndolohũlũkãi vitatu viomanu.

ESINUMUĨLO 29:29

Evi via sitikiwa ovio via Yehova, Suku yetu. Evi via situluiwa puãi vi tiamẽla kokuetu kuenda komãla vetu oloneke viosi, okuti tu linga olondaka viosi viovihandeleko vilo.

I VA TESALONIKE 1:6

Kuenje wa tu setukuli, etu la Ñala, momo wa kali lohali ya lua eci wa tambuli ondaka lesanju lio wihiwi le Espiritu Sandu.

I VA TESALONIKE 2:13

Cikuavo tu ci pandowaila ku Suku ceci okuti, eci wa tambuli ondaka ya Suku, yina wa yevi kokuetu, wa yi tambuli ndomo yi kasi ocili okuti, handaka yomanuko, puãi ondaka ya Suku, haiyo yi talavaya vovitima viene, ene wakuetavo.

II VA TESALONIKE 2:10

Li kalavo lelimbi liosi lievĩho kuava va nyõleha, momo ka va tavele kocisola condaka yocili ha va popelua.

TIAGO 1:21

Oco, imbipo evĩho liosi lahuku a kula lonjanga. Tambuli lumbombe ondaka ya kũliwa, haiyo yi tẽla oku popela ovimuenyo viene.

I PETULU 2:2

Liveli ndoloñaña asenjele ovitima ana ka a kuete elimbi. A liveli okuti vu kulila kepopelo,