OVILINGA 16:39 - Embimbiliya - Bíblia Sagrada em Umbundu

³⁹ Oco vieya kuenje via va livondela. Noke via vopamo, kuenje via va pinga okuti va tunda vimbo.

OVILINGA 16:39 Iomraidhean Croise

ETUNDILO 11:8

Akuenje vove vosi veya kokuange, va petamẽla kokuange vati, Va tundemo, lomanu vosi va ku kuama lavovo. Noke nunda. Kuenje wa tunda ku Fareo lonyeño ya lua.

ISAYA 45:14

Ca popia Yehova ceci, hati, Ukuasi we Egito wiya kokuove, kuenje u linga wove; ndaño ufũlo wa va Etiõpia lowu wa va Savea, omanu vaco va lepa. Va ku kuama, va kutiwa lalienge kuenje veya, va ku fendela. Va livondela kokuove, vati, Suku o kasi love lika wove. Ka kuli vali osuku yikuavo te eye.

ISAYA 49:23

Olosoma vi linga ovilelamãla viove kuenda vainakulu vavo va linga ovanyamisi vove. Va ku fendela lovipala viavo posi, va lesa oneketela yopolomãi viove. Oco o kũlĩha okuti ame ndi Yehova, kuenje ava va njimbila ovaso ka va kutiwa osõi.

ISAYA 60:14

Omãla vomanu va ku talisile ohali veya oku ku fendela. Vosi va ku lavisile va petamẽla polomãi viove. Va ku tukula vati, Imbo lia Yehova. Siono liu o kola wa Isareli.

DANIELE 6:16

Oco Soma yu wa handeleka, kuenje va nena Daniele, yu vo wimba veleva liolohosi. Soma yu wa popia la Daniele hati, Suku yove, una o vumbavumba, a ku popele.

DANIELE 6:23

Oco Soma wa sanjuka cimue, yu wa handeleka oku upa Daniele keleva. Oco Daniele wopiwa keleva, kuenje lalimue epute vo sanga lalio, momo wa kolela Suku yaye.

MATEO 8:34

Oco imbo liosi lia tunda oku ñualehela la Yesu. Eci vo mola vo pinga oku tunda vofeka yavo.

MARKO 5:17

Oco va fetika oku livondela Yesu okuti o tunda vofeka yavo.

ESITULUILO 3:9

Tala ndomo ndinga lava vakuasunangonga ya Satana, haivo va litukola vati, Tu va Yudea, ndaño hava Yudeako, cosi oku kemba lika. Eci ndinga lavo ceci, ndi va nena, ndi va kekamisila kolomãi viove, loku va limbukisa okuti ame nda ku sola.