Oco Nevukandesa wama kuvelo wofolono ya tokota, yu wa popia hati, Ene a Sadrake la Mesake la Aved-Nego, wakuenje va Suku Tõlo, tundi, enjui. Oco Sadrake la Mesake la Aved-Nego va tunda vokati kondalu.
Nevukandesa wa popia hati, Suku ya Sadrake la Mesake la Aved-Nego a sivayiwe! Wa tuma ungelo waye, wa popela akuenje vaye vo kolela, kuenje va sinila ocihandeleko ca Soma loku eca atimba avo oco ka va ka vumbe ndaño oku fendela osuku yimue yiñi, te lika Suku yavo muẽle.
Vo tundisa pokati komãla vomanu; utima waye wa linga ndu wovinyama, locitumãlo caye ca kala pokati kovisema viusenge; wa lisua owangu ndolongombe, kuenda etimba liaye lia yula lowume wokilu; toke a limbuka okuti Suku Tõlo o viala ovosoma omanu haeye o vialekapo u a panga.
Oco Soma yu wa handeleka, kuenje va nena Daniele, yu vo wimba veleva liolohosi. Soma yu wa popia la Daniele hati, Suku yove, una o vumbavumba, a ku popele.
Eci a pitila keleva, yu wa kovonga Daniele londaka yesumuo. Soma yu wa popia la Daniele hati, A Daniele, vukuenje wa Suku Ukuamuenyo, Suku yove, una o vumbavumba, wa tẽla hẽ oku ku popela kolohosi?
Va tuma olondonge viavo kumue la va Herode vati, Olongisi, tu ci okuti vukuacili kuenda o longaisa onjila ya Suku locili. Lomue o ku vindula ohele, momo ku vanji kovipala viomanu.
Eci veya va popia laye vati, Olongisi, tu ci okuti vukuacili, lomue o ku vindula ohele, momo ku vanji ovipala viomanu, puãi ocili o longisa onjila ya Suku. Ci tava oku lambuila Kaisare ele, ale ka ci tava?
Oku vilikiya londaka ya lua, wa linga hati, A Yesu, A Mõla a Suku Tõlo, o yongola oku linga nye lame? Hu livondela vonduko ya Suku, siti, Ku ka njambule.
Va lua ovilũlu via va tunda yu via vilikiya viti, Ove vumõla a Suku. Yesu puãi wa vi lemela, ka tavele okuti vi popia omo via kũlĩha okuti eye o Mesiya.
Eci a mola Yesu, wa vilikiya, kuenje wa wila posi kovaso aye. Wa popia lolukandi hati, Tu likuetele nye love, a Yesu, a Mõla a Suku Tõlo? Hu pinga siti, Ku ka njambule.
Ovimbanda vimue via va Yudea, haivio via ñuala ñuala oku sakula, via fetika oku tukuila ava va kuetiwe laspiritu ãvi onduko ya Yesu, vati, Hu lisila la Yesu, u Paulu a kasi loku longisa.