OVILINGA 15:22 - Embimbiliya - Bíblia Sagrada em Umbundu

²² Oco ovapostolo lakulu lekongelo liosi va sima vati, Ciwa nda pokati kakulu tu nolapo vamue, okuti tu va tuma ka Antiokea kumue la Paulu la Barnaba. Oco va nola Yuda wa tukuiwa Barsamba, la Siluano, haivo ovasongui vumanji waco.

OVILINGA 15:22 Iomraidhean Croise

II SAMUELE 3:36

Omanu vosi va ci mõla kuenje ca va sanjuisa ndeci cosi ca linga Soma ca sanjuisa omanu.

II ASAPULO 30:12

Eka lia Suku lia kalavo ko Yuda oku va iha utima umuamue ha va lingi eci Soma kumue lolombuale viaye va handeleka londaka ya Yehova.

II ASAPULO 30:4

Ondaka yaco ya sungulukila Soma lohongele yosi.

OVILINGA 1:23

Yu va tukula vavali, Yosefe wa tukuiwa Barsamba, onduko yaye yikuavo Justo, kuenda Matiya.

OVILINGA 11:19

Ava va sandokaila ekangiso lina lia fetikila ku Stefano, va enda toke ko Foinike lo ko Kupro lo ka Antiokea. Ka va kundilile ondaka yaco omanu vakuavo te va Yudea lika.

OVILINGA 11:20

Puãi vamue pokati kavo, okuti alume va Kupro la va Kurene, eci veya ka Antiokea, va vangulavo la va Helasi oku va lomboluila ondaka yiwa ya Ñala Yesu.

OVILINGA 11:22

Ondaka yavo ya yevala kekongelo lio ko Yerusalãi, oco va tuma Barnaba ka Antiokea.

OVILINGA 11:27

Koloneke viaco ovaprofeto vamue va tunda ko Yerusalãi veya ka Antiokea.

OVILINGA 15:23

Va soneha ukanda kuenje vo tuma peka liavo vati, Etu tuvapostolo kuenda akulu, haetu tuvamanjene, tu u soneheli, ene vuvamanjetu vakualofeka vu kasi ka Antiokea lo ko Suria kuenda ko Kilikiya. Epasu liwa.

OVILINGA 15:25

Oco etu vosi tua kala vonjango tua soka tuti, Ciwa oku nola akulu ha tu va tumi kokuene kumue la vakuetu va soliwa, Barnaba la Paulu,

OVILINGA 15:27

Oco tua tuma Yuda la Siluano, okuti olondaka tua soneha haivio vo lomboluili lomẽla

OVILINGA 15:3

Oco, eci va katuiwa lekongelo, va pita vo Foinike lo vo Samária kuenje va sapula epongoloko lia vakualofeka. Ca sanjuisa ca lua vosi vakuomanji waco wa Kristu.

OVILINGA 15:30

Eci va katuiwa ndomo va lokila ka Antiokea. Oco vongolola omanu vaco vosi kuenje va eca ukanda.

OVILINGA 15:32

Kuenje Yuda la Siluano, omo lavovo ovaprofeto, va lungula vakuomanji waco lolondaka via lua, kuenje va va kolisa.

OVILINGA 15:40

Paulu puãi wa nola Siluano kuenje, eci vamanji vo kundika kocali ca Ñala, oco wa tunda.

OVILINGA 16:19

Puãi eci vacime caye va limbuka okuti elavoko lionganyu yavo lia fa, oco va kuata Paulu la Siluano kuenje va va nanañanyaila kocitanda kolombiali.

OVILINGA 16:25

Puãi vokati kuteke, Paulu la Siluano va kala loku likutilila loku imbila Suku ovisungo, kuenje olomandekua via va yevelela.

OVILINGA 16:29

Oco, kalei wa pañinya oku u nenela ovimihi kuenje wa iñila lonjanga. Wa wila posi kolomãi via Paulu la Siluano loku luluma lusumba.

OVILINGA 17:10

Eteke liaco hailio vamanji va tuma Paulu la Siluano ko Berea kuteke. Eci veyako va iñila vosunangonga ya va Yudea.

OVILINGA 17:14

Tuli veya haico vamanji va tuma Paulu toke ocipepi lokokalunga, Siluano la Timoteo puãi va siala.

OVILINGA 17:4

Oco, vamue pokati kavo va tava, kuenje va litokeka la Paulu kuenda Siluano. Haico ca lingavo va lua pokati ka va Helasi, ava vakuambili yefendelo, kuenda va lua pokati kakãi va kemala.

OVILINGA 18:5

Siluano la Timoteo va tunda ko Makedonia. Eci va pitila ko Korindo va sanga Paulu wa sakalala loku kunda. Wa kala loku sapuila va Yudea hati, Yesu eye Mesiya.

OVILINGA 8:14

Eci ovapostolo va kala vo Yerusalãi va yeva okuti va Samária va tava kondaka ya Suku oco va tuma kokuavo Petulu la Yoano.

II VA KORINDO 1:19

Momo omõla a Suku, Kristu Yesu, u ame la Siluano la Timoteo tua kunda pokati kene, heyeko oco kuenda hacoko, kokuaye kuli lika oco.

I VA TESALONIKE 1:1

Ame ndi Paulu, la Siluano, kuenda Timoteo, Tu sonehela ekongelo lia Kristu lia va Tesalonike li kasi vu Suku Isia kuenda vu Ñala Yesu Kristu. Kokuene ku kale ocali lombembua.

II VA TESALONIKE 1:1

Ame ndi Paulu, la Siluano, kuenda Timoteo, Tu sonehela ekongelo lia va Tesalonike li kasi vu Suku Isietu kuenda vu Ñala yetu Yesu Kristu.

I PETULU 5:12

Okokanda kalo ñasi loku ka tuma kokuene peka lia manjange nda kolela ca lua, Siluano. Nda ka tuma oku vu lungula loku imba uvangi okuti ocali eci nda lombolola oco ocali cocili ca Suku. Kolipo laco.