OVILINGA 15:18 - Embimbiliya - Bíblia Sagrada em Umbundu

¹⁸ Oco ca popia Ñala, u o linga ovina evi viosi. Ovina evi via kũlĩhiwa la Suku tunde kosiahũlu.

OVILINGA 15:18 Iomraidhean Croise

ISAYA 44:7

Helie wa lisoka lame? A votoke, a ci sapule loku ci ndomboluila. Tunde kosiahũlu helie wa imbaimba owanji wovina vi laika oku iya? Va tu sapuile ovina viya kovaso.

ISAYA 45:21

Sapuli ondaka yene, yi lombololi, oco muẽle, va ci vangule pokati. Helie wa ci sapuile ale osimbu? Helie wa ci lomboluile ale kosiahũlu? Sia ci lingile hẽ, ame ndi Yehova? Kuenje ka ku li Suku yikuavo, te ame, Ame ndi Suku yesunga, haime ndupopeli; ka ku li yikuavo, te ame.

AMOSI 9:12

okuti va kuata vali ava va supa ve Edome, lolofeka viosi vi tukuiwa londuko yange. Oco ca popia Yehova, u o ci linga.

SAKARIYA 14:7

Eteke liaco lia kũlihiwa la Yehova. Li kala locinyi ka cimi. Ka li kala lutanya luteke momo ndaño koñolosi ku kala ocinyi.

ATENDELO 23:19

Suku hamunuko okuti o kemba, pamue omõla omunu okuti o pongoloka. Eci a popia ka ci lingi hẽ?

MATEO 13:35

Ca lingiwila okuti eci ca popiwa luprofeto ci lingiwa, cokuti Ngasama lolosapo. Mopia ovina via sitikiwa tunde koku seveta oluali.

MATEO 25:34

Oco Soma o popia lava va kasi kondio yaye hati, Enjui ene wa sumũlũisui la Tate, ndo piñali usoma wo wangiliyilui tunde koku seveta oluali.

OVILINGA 17:26

Oku fetika lomunu umuamue wa sovola apata osi omanu va tunga kilu lieve, kuenje wa va tukuila ovovo lolongave violofeka viavo.

VA EFESO 1:11

Suku, una o suisapo ovina viosi ndeci ca soka locipango caye, eye wa panga okuti

VA EFESO 1:4

Osimbu oluali ka lua sevetiwile handi wa tu nola okuti vu Kristu tu kola kuenda tu lipua evelo kovaso aye.

VA EFESO 3:9

loku situluila omanu vosi ndomo mu kasi elumbu lina lia vundisua tunde nunde vu Suku Usovoli wovina viosi.

II VA TESALONIKE 2:13

Etu, puãi, a vamanji wa soliwi la Ñala, ca tu sesamela oku vu panduila ku Suku olonjanja viosi, momo tunde kefetikilo Suku wo noli okuti vu popelua loku kolisua le Espiritu, kuenda loku kolela ondaka yocili.

I PETULU 1:20

Eye Kristu wa ci tukuiwila ale osimbu oluali ka lua sevetiwile handi, puãi wa molehisua kesulilo lioloneke mekonda liene.

ESITULUILO 13:8

Vosi va tunga kilu lieve va ci fendela, okuti vosi ava olonduko viavo ka via sonehiwile velivulu liomuenyo lia Kameme ipaiwa, oku sonehiwa osimbu oluali ka lua sevetiwile.

ESITULUILO 17:8

Ocinyama cina wa mola, ca kaile, cilo puãi ka ci kasi vali. Ci laika oku tunda vonjembo loku enda k'Enyõleho. Ava va tunga kilu lieve, okuti vava olonduko viavo ka via sonehiwile velivulu liomuenyo tunde kefetikilo lioluali, va komoha eci va mola ocinyama caco, ndomo ca kaile kuenje cilo ka ci kasi, puãi ci tukuluka vali noke.