OVILINGA 13:5 - Embimbiliya - Bíblia Sagrada em Umbundu

⁵ Eci va pitila vo Salami va kundila ondaka ya Suku volosunangonga via va Yudea. Yoano wa linga oñuatisi yavo.

OVILINGA 13:5 Iomraidhean Croise

I OLOSOMA 19:21

Eci a tiuka koku landula Eliya, wa kuata okanga yolongombe, wa vipa kuenje wa teleka ositu yavio loku yi siakãlela lolokanga violongombe. Yu wavela omanu lovo va lia. Noke wa katuka, wa kuama Eliya, kuenje wo vumba.

I OLOSOMA 19:3

Eliya wa saluka, wa katuka, yu wa enda ha popela omuenyo waye. Weya ko Beresieva, yo ko Yuda, kuenje haiko a sia ukuenje waye.

II OLOSOMA 3:11

Puãi Yehosafata hati, Kulo ka kuli hẽ uprofeto umue wa Yehova, ha tu pulilako ku Yehova? Oco umue povakuenje va Soma ya Isareli wa kumbulula hati, Elisia omõla a Siafata o kasi kulo, una wa itilaile ovava povaka a Eliya.

ETUNDILO 24:13

Oco Mose wa votoka, eye la Yehosua oñuatisi yaye, kuenje mose wa lamanela komunda ya Suku.

MATEO 20:26

Ka ci ka kale ndomo pokati kene, puãi u o yongola oku linga fu pokati kene a linge ukuenje wene.

OVILINGA 12:12

Oco, eci a ci sokolola, wa enda konjo ya Maria ina ya Yoano wa tukuiwa Marko. Omu mua liongoluila va lua va kala loku likutilila.

OVILINGA 12:25

Eci va mala upange wavo, Barnaba la Saulu va tunda ko Yerusalãi. Vambata Yoano wa tukuiwa Marko.

OVILINGA 13:14

Oku tunda ko Perga va amako, yu veya ka Antiokea ko Pisidia. Eteke liesambata va iñila vosunangonga kuenje omo va tumala.

OVILINGA 13:46

Oco Paulu la Barnaba va popia lutõi, vati, Ca sungulukile okuti ondaka ya Suku yu kundiwili ene tete. Puãi, omo wa yi likali, kuenje wa lisimili hoti, Ka tua posokelele omuenyo ko pui, cilo tu enda ku vakualofeka.

OVILINGA 14:1

Oco, ki Ikoniyu, va iñila vosunangonga ya va Yudea, kuenje va kundilamo ohundo ya tua okuti va lua va tava, la va Yudea, la va Helasi.

OVILINGA 15:37

Barnaba wa yongola oku enda la Yoano wa tukuiwa Marko.

OVILINGA 17:17

Oco volosunangonga eye wa likumbolola la va Yudea kuenda vakuambili yoku fendela Suku, lo vocitanda, oloneke viosi, wa likumbolola la vosi ño a sangamo.

OVILINGA 18:4

Asambata osi wa longaisaila vosunangonga, kuenje, ndaño wa sanga olonamalala vialua, haimo wa tavisa va Yudea la va Helasi.

OVILINGA 19:22

Eci a tuma oloñuatisi viaye vivali, Timoteo la Erasto, ko Makedonia, eye muẽle wa siala vali okasimbu kamue ka Asia.

OVILINGA 19:29

Oco imbo lie yuka onjuela yaco, kuenje omanu vosi va lupukila vocila. Va kuata Gaio la Aristarko, va Makedonia vana va endela kumue la Paulu, kuenje va va nanañinyila vocila.

OVILINGA 19:8

Oco Paulu wa iñila vosunangonga kuenje wa kunda kunda lutõi olosãi vitatu. Wa likumbulula lomanu kuenje wa toñomãla loku va lomboluila usoma wa Suku.

OVILINGA 9:20

haico muẽle a kundila Yesu volosunangonga okuti eye Mõla a Suku.

VA KOLOSAI 4:10

Aristarko o kasi lame kumandekua wa tuma oku vu lama. Kuenje Marko, ocimumba ca Barnaba,— wo yevi ale ndomo tuo lombolola, nda iya, u tambuli,—

II TIMOTEO 4:11

Luka lika o kasi lame. Pitula Marko hu iya laye momo o ñuatisa ca lua kupange wange.