OVILINGA 13:43 - Embimbiliya - Bíblia Sagrada em Umbundu

⁴³ Eci va tunda vosunangonga oco va Yudea va lua kuenda olomongoloke via sumbila Suku, va kuama Paulu la Barnaba. Ovo, eci va vangula lavo, va va lungula vati, Pandikisili vocali ca Suku.

OVILINGA 13:43 Iomraidhean Croise

MATEO 23:15

Ene a vakuavisonehua, lene a va Fariseo, wakuambambe, ngongo yene! Momo vu ñuala ñuala kokalunga lo kongongo ho lingisa omongoloke yimuamue. Leci ya pongoloka, vu yi lingisa omõla onjembo okuti wo velipo luvali.

OVILINGA 11:23

Eye, eci a pitila kuenje wa mola ocali ca Suku, oco wa yolela, yu wa va vetiya vosi hati, Kakateli Ñala locipango cutima.

OVILINGA 13:50

Puãi va Yudea va tutuminya akãi vakuambili yefendelo haivo va kemala, kuenda olosekulu viovimbo, yu va wenguila Paulu la Barnaba ema, kuenje va va tundisa vofeka yavo.

OVILINGA 14:22

Va kolisa ovitima violoñame. Va va vetiya vati, Lamelẽli ketavo, momo ka tu iñila vusoma wa Suku te lohali ya lua.

OVILINGA 14:3

Paulu la Barnaba va kalako osimbu kuenje va longaisa ondaka ya Ñala lutõi. Ñala, poku tava okuti ovilimbu lovikomo vi lingiwa lovaka avo, opo a imbila ondaka yocali caye uvangi.

OVILINGA 16:14

Pokati kava va tu yeva pa kala ukãi umue u Tuatero, onduko yaye Ludia. Eye ondandisi yolonanga viohusu, haeye ukuakufendela Suku. Utima waye Ñala wo situluila oku yeva olondaka via popia Paulu.

OVILINGA 17:17

Oco volosunangonga eye wa likumbolola la va Yudea kuenda vakuambili yoku fendela Suku, lo vocitanda, oloneke viosi, wa likumbolola la vosi ño a sangamo.

OVILINGA 17:34

Puãi alume vamue vo lamẽlela kuenje va kolela. Pokati kavo pa kala Dionusio, umue u Areópago, lukãi umue, onduko yaye Damarisi, kuenda vamue vakuavo.

OVILINGA 17:4

Oco, vamue pokati kavo va tava, kuenje va litokeka la Paulu kuenda Siluano. Haico ca lingavo va lua pokati ka va Helasi, ava vakuambili yefendelo, kuenda va lua pokati kakãi va kemala.

OVILINGA 18:7

Oco wa tundamo kuenje wa enda konjo yumue, onduko yaye Tito Justo, eye ukuakufendela Suku. Onjo yaye yi lisungue losunangonga.

OVILINGA 2:10

lo vo Frugia lo vo Pamfulia lo ve Egito lo volofeka via Libia evi vi lisungue la Kurene, akombe vo ko Roma, va Yudea lolomongoloke viaco,

OVILINGA 28:23

Oco, eci vo tukuila eteke, va lua veya kokuaye vonjo omo a sikila, yu wa va lomboluila ondaka yaco. Wa imbila usoma wa Suku uvangi kovaso avo, kuenje wa seteka oku va tavisa ku Yesu, poku upa olondaka kovihandeleko via Mose kuenda kovaprofeto. Wa ci linga tunde omele toke oñolosi.

OVILINGA 6:5

Ondaka eyi ya sunguluka kowiñi wosi, kuenje va nola Stefano, ulume we yuka ekolelo le Espiritu Sandu, la Filipu, la Prokoro, la Nikonoro, la Timone, la Parmena, kuenda Nikolau omongoloke yo ka Antiokea.

VA ROMA 11:6

Puãi, nda ca noliwa locali, ca lomboloka okuti ka ca noliwilile ovilinga. Momo, nda hacoko, nda ocali hacaliko vali.

VA ROMA 3:24

Cilo puãi, omo Suku wa eca Omõlaye Yesu Kristu, lomo eye, Yesu Kristu, a pesela osonde yaye ha lingi ocimuenyo cava va kolela,

VA ROMA 5:2

Omo eye wa linga Mitakati oco tua pitisua lekolelo vocali caco omu tu tailili ndeti, kuenje tu yolela elavoko lioku iñila vulamba wa Suku.

VA ROMA 5:21

okuti, ndeci ekandu lia viala vuviali wokufa, haico ocali ci viala vuviali wesunga lina li fulila vomuenyo ko pui, una Yesu Kristu Ñala yetu a tu nenela.

II VA KORINDO 5:11

Oco, omo tua kũlĩha oku sumbila Ñala, oco tu peya omanu. Puãi, ndomo tua tuwa ocili mua kũlĩhiwa la Suku, kuenje ndavoka okuti mua kũlĩhiwavo lovitima viene.

II VA KORINDO 6:1

Oco, poku talavayela kumuamue laye, tu vu peya okuti ka vu tambula ocali ca Suku leselula.

VA GALATIA 5:1

Kristu wa tu yovola ha tu lingi muẽle omãla vamãle. Oco talami ndi, ko ka likueki vali lomi yupika.

VA GALATIA 5:4

Ene wa soki oku tendiwa nda vakuesunga mekonda lioku pokola kovihandeleko wa litepi la Kristu, wa konyohi kocali ca Suku.

VA EFESO 2:8

Wa popelui ocali omo wa kaili lekolelo. Ka wa ci lingili ene muẽle puãi ca tunda ocali ku Suku.

VA FILIPOI 3:16

Cimosi lika okuti, eci cocili tu kasi ale laco tu pandikisi laco.

VA FILIPOI 4:1

Oco, a vamanji wa soliwi, haene ndu kueteli ongeva, ene vusanju liange, haene vukolowa liange, kolisiko vu Ñala, a vakuacisola cange.

VA KOLOSAI 1:23

Okuinalisa kuaco kuiya nda vu pandikisa vekolelo, okuti vu sevetiwa cocili loku pama, kuenje ka vu tundi kelavoko li kasi vondaka yiwa, yina wa yevi, haiyo ya kundiwila omanu vosi voluali. Lamevo ndi Paulu ñasi loku yi kunda kunda.

VA KOLOSAI 1:28

Eye tu kunda. Lolondunge vietu viosi tu lungula omanu vosi, omunu omunu, loku longisa omanu vosi, omunu omunu, okuti noke tu lekisa omanu vosi, omunu omunu, tu va lekisa tupu va pua atondelo vu Kristu.

TITO 2:11

Momo ocali ca Suku ca tukulukila omanu vosi oku va nenela epopelo.

VA HEVERU 12:15

Lavululi sanga umue o lipumbisa ohenda ya Suku. Kali lutate sanga olumbombo lumue lu koka oku lula lu yova, kuenje lu tatamisa, okuti va lua va vĩhisua laluo.

VA HEVERU 13:9

Ko ka lueyisui lovilongua viñi viñi, haivio vi tunda kuiñi kuiñi. Momo ca sunguluka okuti utima u kolisua locali ca Suku, haloviliako, evi ka via kuatisile ava va pindamua lavio.

I PETULU 5:12

Okokanda kalo ñasi loku ka tuma kokuene peka lia manjange nda kolela ca lua, Siluano. Nda ka tuma oku vu lungula loku imba uvangi okuti ocali eci nda lombolola oco ocali cocili ca Suku. Kolipo laco.

II PETULU 3:14

Oco a vakuacisola, omo vu lavoka ovina evi, kolisiko okuti eci vu sangiwa laye, vu kala lombembua, amome mbu, ndaño atime.

I YOANO 2:28

Kaliye, atumãla, kali vokuaye okuti eci a tukuluka tu kala lutõi, kuenje ka tu u kuatela osõi eci a tukuluka.

II YOANO 1:9

Wosi o liamisako ño lesanda kuenje ka kala vovilongua via Kristu, ka kuete Suku. U o kala vovilongua via Kristu eye o kuete Isia kuenda Omõla.