OVILINGA 13:32 - Embimbiliya - Bíblia Sagrada em Umbundu

³² Etu tu vu sapuila ondaka yiwa yokuti ohuminyo yina Suku a likuminya lolosekulu vietu,

OVILINGA 13:32 Iomraidhean Croise

EFETIKILO 12:3

Ava va ku sumũluisa ndi va sumũlũisa, lu o ku siñala ndu siñala; apata osi oluali a sumũlũhila kokuove.

EFETIKILO 22:18

Olofeka viosi viokilu lieve vi sumũlũhila kombuto yove momo wa pokola kondaka yange.

EFETIKILO 26:4

kuenje nduisa ombuto yove ndolombungululu viokilu. Ngeca kombuto yove olofeka evi viosi, okuti olofeka viosi viokilu lieve vi sumũluhila kombuto yove.

EFETIKILO 3:15

Ñapa ukuse pokati kene, love lukãi, lo pokati kombuto yove lombuto yaye. Eye o sasõla utue wove, kuenje ove u lumana kocisendemãi.

EFETIKILO 49:10

Ombueti yonanelo ka yi tundi ku Yuda, ndaño onganji kovitumbulukila viaye, toke Ukuambembua iya, kuenje omanu va pokola kokuaye.

ISAYA 11:1

Ocinjovelela ci tunda kocisingi ca Jese, kuenje ocanja ci tunda kolombombo viaco.

ISAYA 40:9

A Siono, amunga yondaka yiwa, londa komunda yisõvi. Kaluka ondaka yove. A Yerusalãi, amunga yondaka yiwa, kaluka ondaka yove. Ku ka kuate ohele. Sapuila ovaimbo a Yuda huti, Suku yene yu!

ISAYA 41:27

Ame tete nda ci sapula ku Siono. Haime nda tuma omunga ya sapula ondaka yiwa vo Yerusalãi.

ISAYA 52:7

Olomãi viu iya kolomunda londaka yiwa via posoka nye! Eye o sapula ombembua kuenje iya londaka yiwa yesanju. Haeye o sapula eyovo, kuenje o popia la Siono hati, Suku yove o viala.

ISAYA 61:1

Espiritu lia Ñala Yehova lia mbuila, momo Yehova wa mbuavekela oku kundila vakuahali ondaka yiwa. Wa numa oku petula ava va teka itima, loku sapula eyovo kolohute loku pandulula ava va pandekua,

ISAYA 7:14

Oco Ñala eye muẽle u wĩha ondimbukiso. Ota, ufeko o mina, o cita omõla ulume kuenje u luka Emanuele.

YEREMIYA 23:5

Yehova hati, Tala. Oloneke viya okuti njovisila Daviti ocinjovelela cesunga kuenje eye o viala ndosoma, o linga lolondunge, kuenje vofeka o tetuluila lesunga kuenda lesunguluko.

ESEKIELE 34:23

Ndi vi kapa ungombo umosi okuti ukuenje wange Daviti. Eye o vi lisa, o vi lisa kuenje o linga ungombo wavio.

MIKA 5:2

Puãi ove, a-Beteleme Efarata, ove o sule pokati kapata a Yuda, kokuove ku nundila u o linga ombiali ya Isareli. Ocikoti caye ca tunda kosiãhũlu, koloneke viale.

HAGAI 2:7

Ndi tuñunya olofeka viosi okuti kuiya ovina via velapo vi tunda kolofeka viosi, lame njukisa onjo yilo lulamba. Oco ca popia Yehova Ukualohoka.

SAKARIYA 13:1

Keteke liaco kepata lia Daviti lolonungi via Yerusalãi ku tombokela ono yovava a va yelisa kakandu avo kuenda kokuliña kuavo.

SAKARIYA 13:7

Asipata! Somõhẽla ungombo wange una o kasi ocipepi lame. Oco ca popia Yehova Ukualohoka. Mbeta ungombo okuti olomeme vi sandoka. Ndaño otumeme tutito ndi tu vetavo.

SAKARIYA 6:12

Popia laye, huti, Ca popia Yehova Ukualohoka ceci, hati, Tala! Onduko yulume u, eye Cinjovelela. Eye o yovela kocitumãlo caye kuenje o tunga onjo ya Yehova.

SAKARIYA 9:9

Amõla a Siono ukãi, yolela muẽle! Amõla a Yerusalãi ukãi, kaluka lesanju! Momo Soma yove yo, iya kokuove. Eye ukuesunga, haeye upopeli. Wonjuka. Endela kokacimbulu, omõla ocimbulu.

MALAKIYA 3:1

Tala! Ndi tuma omunga yange okuti o mongiyila onjila, kuenje Yehova, u wu sanda sanda, iya ocipikipiki konembele yaye. Ocili, una wa sanjukili, haeye omunga yocisila, iya muẽle. Oco ca popia Yehova Ukualohoka.

MALAKIYA 4:2

Ene puãi wu sumbi onduko yange, Ekumbi liesunga liu tundili, lovolosongo vialio mu kala unene woku sakula. Lene wendi loku tomboaka ndolonãle via kunduluiwa vocunda.

LUKA 1:19

Ungelo wo kumbulula hati, Ame Gabrieli, nalayama kovaso a Suku. Nda tumiwa oku vangula love loku ku sapuila ondaka eyi yiwa.

LUKA 2:10

Ungelo wa popia lavo hati, Ko ka yokoki ño, momo tali, ndu sapuili ondaka yiwa yesanju lia lua liya komanu vosi.

OVILINGA 10:36

Wa kũlĩhi ondaka Suku a tuma ku va Isareli, ndomo a kundika Yesu Kristu, haeye Ñala ya vosi, oku kunda ondaka yiwa yombembua.

OVILINGA 13:23

Suku wopa kombuto ya Daviti onjovoli ya Isareli yokuti Yesu, ndeci a likuminya.

OVILINGA 13:38

Oco akuetu, limbuki okuti komunu waco oko ku u sapuilui ongecelo yakandu,

OVILINGA 14:15

kuenje va vilikiya vati, Alume, eci hẽ, vu ci lingila nye? Etu letuvo timanu lovituwa ndene. Tuo neneli ondaka yiwa okuti vu tinduka kovina evi viaño ha vu pongolokela ku Suku ukuamuenyo, u wa lulika ilu losi kuenda okalunga lovina viosi vi kasimo.

OVILINGA 26:6

Cilo ñasi vekanga mekonda lielavoko ñuetele ohuminyo Suku a likuminya lolosekulu vietu.

OVILINGA 3:19

Oco, likekembeli akandu ene. Pongoloki okuti akandu ene a ecelua, kuenda okuti kuiya oloneke viekavuluko vi tunda ku Suku.

OVILINGA 5:42

Oloneke viosi ka va liwekele oku kundila vonembele lo volonjo, loku longisa okuti Yesu eye Mesiya.

VA ROMA 1:2

yina a likuminya ale, yu ovaprofeto vaye va yi sapula vovisonehua vi kola,

VA ROMA 10:15

Va kunda ndati nda ka va tumiwile? Ndeci ca sonehiwa okuti, Olomãi viava va sapula ondaka yiwa haiyo yombembua, via posoka nye!

VA ROMA 4:13

Momo ohuminyo yina yeya ku Avirahama lo kombuto yaye yokuti o linga kapiñala koluali, ka yeyililile oku pokola kovihandeleko, puãi yeyilila esunga li tunda kekolelo.

VA ROMA 9:4

Ovo va Isareli, omangu yumõla, yayo; lulamba, wavo; lovisila, viavo; lokueciwa kuovihandeleko, kuavo; lokuvumba Suku, kuavo; lolohuminyo, viavo;

ESINUMUĨLO 18:15

Pokati kene, okuti pokati kavamanjene, Yehova, Suku yene, o katulapo uprofeto ndame, eye vu yevelela,