OVILINGA 13:23 - Embimbiliya - Bíblia Sagrada em Umbundu

²³ Suku wopa kombuto ya Daviti onjovoli ya Isareli yokuti Yesu, ndeci a likuminya.

OVILINGA 13:23 Iomraidhean Croise

II SAMUELE 7:12

Eci oloneke viove vi telisua love o pekela lolosekulu viove, oco noke ñatula omõlove wa tunda koviongo viove muẽle kuenje numalisa uviali waye.

OLOSAMO 132:11

Yehova wa lisinga la Daviti esingo liocili, kuenje ka tiukamo, hati, Ñapa kocalo cove umue pomãla vove wa cita.

ISAYA 11:1

Ocinjovelela ci tunda kocisingi ca Jese, kuenje ocanja ci tunda kolombombo viaco.

ISAYA 11:10

Eteke liaco olumbombo lua Jese lu linga ndepandela ku vakualofeka. Olofeka vi lipungikila kokuaye, kuenje ocitumãlo caye ci linga culamba.

ISAYA 43:11

Ame, ame ndi Yehova ka ku li upopeli, te ame.

ISAYA 45:21

Sapuli ondaka yene, yi lombololi, oco muẽle, va ci vangule pokati. Helie wa ci sapuile ale osimbu? Helie wa ci lomboluile ale kosiahũlu? Sia ci lingile hẽ, ame ndi Yehova? Kuenje ka ku li Suku yikuavo, te ame, Ame ndi Suku yesunga, haime ndupopeli; ka ku li yikuavo, te ame.

ISAYA 7:13

Kuenje eye hati, Kaliye njeveleli, anjo ya Daviti: oku kavisa omanu cu lingila citito, okuti vu kavisavo Suku yange.

YEREMIYA 30:9

Puãi va vumba Yehova Suku yavo, kuenda Daviti Soma yavo, u ndi va katuila.

AMOSI 9:11

Eteke liaco numbulula vali onembele ya Daviti yina ya kupuka. Sitika apangu ayo. Numbulula vali ovingululu viayo. Ndi yi tunga ndokoloneke viosiãhũlu,

SAKARIYA 9:9

Amõla a Siono ukãi, yolela muẽle! Amõla a Yerusalãi ukãi, kaluka lesanju! Momo Soma yove yo, iya kokuove. Eye ukuesunga, haeye upopeli. Wonjuka. Endela kokacimbulu, omõla ocimbulu.

MATEO 1:1

Elivulu liocikoti ca Yesu Kristu, omõla a Daviti, omõla a Avirahama.

MATEO 1:21

kuenje o cita omõla ulume, u luka Yesu momo eye o popela omanu vaye kakandu avo.

MATEO 21:9

Kuenje owiñi wo pitila kovaso lu wo kuama konyima, vosi va vilikiya vati, Hosana ku Mõla a Daviti. U iyilila onduko ya Ñala a sivayiwe! Kilu va vilikiyevo, vati, Hosana.

MATEO 22:42

hati, Wa sokeli ndati Kristu? Omõla elie? Vo kumbulula vati, Omõla a Daviti.

LUKA 1:69

Wa tu katuila onjovoli ya pama vonjo yukuenje waye Daviti,

YOANO 4:42

Oco va popia lukãi vati, Cilo ka tua tavelelele ño olondaka viove, momo tua liyevela etu muẽle, kuenje tua limbuka okuti ocili eye Upopeli woluali.

YOANO 7:42

Ocisonehua hẽ, ka ca popele citi, Mesiya ukuambuto ya Daviti, o tunda ko Beteleme, kimbo oko kua tungile Daviti?

OVILINGA 13:32

Etu tu vu sapuila ondaka yiwa yokuti ohuminyo yina Suku a likuminya lolosekulu vietu,

OVILINGA 2:30

Omo a kaile uprofeto, kuenje wa kũlĩha okuti Suku wa likuminya laye loku lisila okuti umue kombuto yaye o tumala kocalo caye,

OVILINGA 3:26

Suku wa katula Omõlaye kuenje wo tuma tete kokuene okuti, koku vu tinduisa kolohõle viene oko u sumuluisili vosi, omunu, omunu.

OVILINGA 4:12

Omo vemi lilu ka muli onduko yikuavo ya eciwa komanu okuti tu popeliwa layo, oco epopelo kumue wiñi ka kuli.

VA ROMA 1:3

haiyo yi lombolola Omõlaye, una wa citiwa ketimba vepata lia Daviti.

VA ROMA 11:26

Kotembo yaco va Isareli vosi va popeliwa, ndeci ca sonehiwa okuti, Ko Siono ku tunda Onjovoli. O tundisa ku Yakoba okutomba Suku.

TITO 1:4

Ndi sonehela Tito omõlange wocili vekolelo lietu limuamue. Ocali lombembua yi tunda ku Suku Isietu kuenda ku Kristu Yesu Upopeli wetu yi kale love.

II PETULU 1:1

Ame ndi Simono Petulu ndukuenje wa Yesu Kristu, haime ndupostolo waye, Ndi sonehela ava va tambula ekolelo li kola lia lisoka lekolelo lietu vesunga lia Suku yetu lupopeli wetu Yesu Kristu.

II PETULU 1:11

Oco noke, ku vu sokiyiwila uvelo unene wokuti wiñili vusoma ka u pui wa Ñala yetu Yesu Kristu haeye Upopeli wetu.

II PETULU 2:20

Momo eci va puluka ale kevĩho lioluali omo va kasi lukũlĩhiso wonjovoli yetu Ñala Yesu Kristu, nda va tangiwa vali lalio kuenje va yuliwa, esulilo liavo li vĩha enene, cina va kaile tete hise.

II PETULU 3:18

Puãi kulili vocali kuenda vukũlĩhiso woku kũlĩha Ñala Yesu Kristu haeye Onjovoli yetu. Kokuaye ku kale ulamba etaili kuenda toke keteke ka li pui. Amene.

II PETULU 3:2

okuti wivaluki olondaka via popia ale ovaprofeto va kola, locihandeleko ca Ñala, haeye Upopeli, cina wa ci popia lovapostolo vene.

I YOANO 4:14

Letu tua mola, kuenje tu imba uvangi okuti, Isiaco wa tuma Omõlaye ha lingi Upopeli woluali.

YUDA 1:25

okuti ku Suku, eye lika Suku, haeye Upopeli wetu wa tu popela leka lia Ñala yetu Yesu Kristu, kokuaye ku kale ulamba luwale luviali lunene, tunde kuna ka kua kaile otembo, la cilo, kuenda toke koloneke vi enda ño-o hũ. Amene.

ESITULUILO 22:16

Ame Yesu nda tuma kokuene ungelo wange okuti wimbi uvangi wovina evi kakongelo. Ame ndisĩla lia Daviti, haime ndimbuto yaye, haime ndilumbungululu lua tua luomele.