OVILINGA 13:22 - Embimbiliya - Bíblia Sagrada em Umbundu

²² Eci a vopako oco wa katula Daviti ha lingi Soma yavo, yu wo wimbila uvangi hati, Nda sanga Daviti, omõla a Jese, haeye ulume ukuotima wange, o lingainga ocipango cange cosi.

OVILINGA 13:22 Iomraidhean Croise

II SAMUELE 2:4

oko alume va Yuda veya, kuenje va waveka Daviti ha lingi osoma yepata lia Yuda. Eci va sapuila Daviti okuti va Yavesi Gileada ovo va kenda Saulu,

II SAMUELE 7:15

Puãi ocisola cange ka ci pongoloka si cupi kokuaye ndeci nda cupile ku Saulu una wa livanga oku viala.

II SAMUELE 7:8

Oco, popia lukuenje wange Daviti, huti, Ca popia Yehova Ukualohoka ceci, hati, Nda kupa kovisenge koku tata olomeme okuti o linga Soma yomanu vange va Isareli.

I OLOSOMA 15:3

Wa endaila vakandu osi a lingaile ale isiaye. Utima waye ka wa tiamelele wosi ku Yehova Suku yaye, ndutima wa isiaye Daviti.

I OLOSOMA 15:5

Momo Daviti wa lingainga eci ca sunguluka kovaso a Yehova, kuenje oloneke viosi viomuenyo waye ka pambukile kocihandeleko cimue ca Yehova, te lika kondaka ya Uriya, u Hiti.

I ASAPULO 10:13

Oco Saulu wa fila ongole yaye yina a lueyela Yehova, momo ka pokuile kondaka ya Yehova, kuenda vo omo a ka tahele kukualondele oku sanda esituluko,

I ASAPULO 2:12

Boasi wa cita Ovede. Ovede wa cita Jese.

OLOSAMO 2:6

Nda kapa osoma yange komunda yange yi kola, Siono.

YEREMIYA 33:21

nda oco vu tẽla, nda ci tava okuti ocisila cange nda lisila lukuenje wange Daviti cimũha, kuenje o pumba omõlaye o tumãla kocalo caye. Leci nda lisila la va Lewi haivo ovitunda haivo olombumba viange, lacovo cimuha.

YEREMIYA 33:26

oco nakumũla ombuto ya Yakoba leyi yukuenje wange Daviti, kuenje si nõli umue kombuto yaye ha lingi ombiali yombuto ya Avirahama, kuenda Isake, kuenda Yakoba. Momo numbulula esumũlũho liavo kuenje ndi va linga ohenda.

ESEKIELE 34:23

Ndi vi kapa ungombo umosi okuti ukuenje wange Daviti. Eye o vi lisa, o vi lisa kuenje o linga ungombo wavio.

HOSEA 3:5

Noke omãla va Isareli va pongoloka ha va sandi Yehova Suku yavo, la Daviti Soma yavo. Kovaso veya lesumbilo ku Yehova lohenda yaye.

OVILINGA 13:36

Momo Daviti, eci a linga ocipango ca Suku vocitumbulukila caye, wa fa, wa kendiwila kumue lolosekulu viaye, kuenje wa mola oku futa.

OVILINGA 15:8

Kuenje Suku, u wa kũlĩha ovitima, eye wa va imbila uvangi, kuenje wa va iha Espiritu Sandu ndeci a li eca kokuetu.

OVILINGA 7:46

Eye wa sanga esumũlũho ku Suku kuenje wa pinga oku tungila Suku ya Yakoba onjo.

I SAMUELE 12:25

Puãi nda haimo vu lingili ekandu vu nyõleha, lene la Soma yene.

I SAMUELE 15:11

Nda livela omo nda nola Saulu oku linga osoma, momo wa liweka oku ñuama loku pokola kovihandeleko viange. Samuele yu wa tema kuenje wa likutilila ku Suku uteke wosi.

I SAMUELE 15:23

Momo okusina kua lisoka lekandu liokutãha, lumbinde wa lisoka levĩho lioku fendela oviteka. Omo ove wa pañula ondaka ya Yehova oco eye wa ku pañulãvo okuti ku lingi vali osoma.

I SAMUELE 15:26

Samuele wa kumbulula Saulu hati, Si tiukila love momo ove wa likala ondaka ya Yehova kuenje Yehova wa ku pañula okuti ku lingi vali osoma ya va Isareli.

I SAMUELE 15:28

Samuele yu wa popia la Saulu hati, Etaili Yehova wa ku nyẽha uviali wa va Isareli, wo weca kukuẽle wa ku velapo.

I SAMUELE 16:1

Yehova wa popia la Samuele hati, Oloneke viñami o sumuĩla Saulu? Siti ame ndo pañula okuti ka lingi vali osoma ya va Isareli. Yukisa ombinga yove lulela. Kuende. Hu tuma ku Jese u Beteleme momo pokati komãla vaye valume opo nda linolẽla osoma.

I SAMUELE 16:13

Oco Samuele wa nyañula ombinga yulela, wo wavekela pokati ka vahuvaye. Espiritu lia Yehova lia wila Daviti lunene walua tunde keteke liaco. Samuele wa votoka, wa enda ko Rama.

I SAMUELE 28:16

Samuele yu wa pula hati, Nda Suku wa ku yanduluka loku linga unyali wove nye o mulila ame?

I SAMUELE 31:6

Oco Saulu kuenda omala vaye valume vatatu lukuenje ukuavimaleho viaye kumue lalume vaye vosi, vosi muẽle va fila pamosi eteke liongongo.