OVILINGA 13:19 - Embimbiliya - Bíblia Sagrada em Umbundu

¹⁹ Eci a nyõla epanduvali liolofeka vo Kanana oco wa va piñalisa osi yavo ovita vikuãla kanyamo kanyamo akui atãlo.

OVILINGA 13:19 Iomraidhean Croise

EFETIKILO 12:5

Avirama wa enda lukãi waye Sarai, la Lote ocimumba caye; wambata ovikuata viavo viosi va longeka, kumue lomanu va fukila vo Harane. Va tundako oku enda kofeka ya Kanana. Eci va iñila vofeka ya Kanana,

EFETIKILO 17:8

Kokuove lokombuto yove yu ku kuãi ngeca ofeka omu o kasi loku tuñayala, okuti ofeka yosi ya Kanana, ha yi lingi ocipiñalo ka ci pui. Lame ndinga Suku yavo.

I OLOSOMA 6:1

Kunyamo wovita vikuãla lakui ecelala kovaso yokutunda kua va Isareli kofeka yEgito, kunyamo wakuãla wuviali wa Salomone kIsareli, kosãi ya Sivi, haiyo osãi yavali, oco Salomone a fetika oku tunga onjo ya Yehova.

NEHEMIYA 9:24

Oco omãla vavo va iñilamo, va kuata ofeka yaco, kuenje ove wa va yulisa. Va yula olonungi viofeka okuti va Kanana, lolonungi viaco wa vi eca peka liavo, kumosi lolosoma viavio lomanu vavio, okuti va linga lavio ndeci va panga.

OLOSAMO 135:11

Siyoni, Soma ya va Amori, Oge, Soma ya Basiane, lovosoma osi a Kanana.

OLOSAMO 78:55

Wa lupula olofeka kovaso avo. Wa amula ocipiñalo cavo loseteko. Wa tungisa apata a Isareli kolombalaka viavo.

ISAYA 34:17

Eye wa vimbila ocela, kuenje eka liaye lia vi tepisila olofeka lukolo woku seteka. Kuenje ovio muẽle vi tungamo otembo ka yi pui, vi kalamo tunde kocitumbulukila toke kocitumbulukila.

OVILINGA 7:45

Olosekulu vietu via yi tambula kuenje via enda layo eci via iñila kumue la Yehosua volofeka viomanu Suku a tundisila kovaso olosekulu vietu. Haimo ya kala toke koloneke via Daviti.

ESINUMUĨLO 7:1

Eci Yehova, Suku yene, a wiñisi vofeka wendi oku ka yi kuata, leci o tundisisilimo apata a lua okuti, va Hiti la va Girigasi la va Amori la va Kanana la va Perisi la va Hiwi la va Yevusi, haivo apata epanduvali vo velipo kunene lokongusu;

YEHOSUA 14:1

Ovipiñalo va Isareli va tambula vofeka ya Manana, vina via va tepela ocitunda Eleasara la Yehosua, omõla a Nune, lakulu vapata a va Isareli, via kala ndomo:

YEHOSUA 18:10

Yehosua wa va imbila ocela kovaso a Yehova, ko Silo. Haiko Yehosua a tepaila va Isareli ofeka, epata lepata onepa yalio.

YEHOSUA 19:51

Evi ovio ovipiñalo via tepa tepa ocitunda Eleasara, la Yehosua, omõla a Nune, kumue lakulu vapata a va Isareli. Va ci linga locela kovaso a Yehova, ko Silo, kuvelo wombalaka yoku ñualehela la Yehova. Oco va malusula oku tepa tepa ofeka.

YEHOSUA 23:4

Olofeka evi via supapo kumue lolofeka viosi nda kundula ale, tunde ko Yordão toke kokalunga kanene kutakelo, tala, ndo vĩhĩ locela ha vi lingi ocipiñalo capata ene.

YEHOSUA 24:11

Wa yoki Yordão, yu weyi ko Yeriko. Omanu va Yeriko va liyaka lene, ndaño va Amori, la va Perisi, la va Kanana, la va Hiti, la va Girigasi, la va Hiwi, la va Yevusi. Kuenje nda va eca peka liene.

LIOLONGANJI 11:26

Ovita vitatu kanyamo Isareli wa tumala ko Hesibone lokovikanjo viaco, lo kAroere lokovikanjo viaco, lokovaimbo osi okonele yolui Arinone. Anyamo aco osi, nye ka wa pundilili vali ovaimbo andeti?