OVILINGA 13:17 - Embimbiliya - Bíblia Sagrada em Umbundu

¹⁷ Suku yomanu ava va Isareli wa nola olosekulu vietu, yu wa kemainyaisa omanu vaco osimbu va kala ve Egito, kuenje wa va tundisa ve Egito lokuokuo kua kola.

OVILINGA 13:17 Iomraidhean Croise

OLOSAMO 135:4

Ocili, Yehova wa linolela Yakoba, Isareli ha lingi waye muẽle.

ETUNDILO 12:51

Eteke liaco hailio muẽle Yehova opa va Isareli vofeka ye Egito, ava lolohoka viavo, ava lolohoka viavo.

ETUNDILO 13:14

Noke kovaso, eci omõla a pula hati, Eci ca lomboloka ndati? ove unjali u lomboluila huti, Yehova wa tupa ve Egito, vonjo yupika, leka lia pama.

ETUNDILO 13:16

Ci linga ndondimbukiso yopeka liove pamue ndonjivaluko yokocipala cove. Momo Yehova wa tu upa ve Egito leka lia pama.

ETUNDILO 14:8

Yehova wa tĩlĩsa utima wa Fareo, Soma ye Egito, kuenje wa landula va Isareli, osimbu va Isareli va kala loku amako lutõi.

ETUNDILO 18:11

Kaliye nda kulĩha okuti Yehova wa piãla, olosuku viosi vi sule, omo wa popela omanu peka lia va Egito eci va va talisa ohali.

ISAYA 44:1

Puãi cilo okuenje wange, a Yakoba, a Isareli, u nda nõla, yevelela.

AMOSI 2:10

Kuenda vali ndo vupi vofeka ye Egito. Akũi akuãla kanyamo ndo songuili vekalasoko oku u muisi ofeka ya va Amori.

MIKA 6:4

Momo ame ndo vupi vofeka ye Egito, ndo yovoli vonjo yupika, kuenje nda tuma Mose la Arone kuenda Miriama ha vo pitili kovaso.

ESINUMUĨLO 10:22

Olosekulu viene via lokile ke Egito lakuĩ epanduvali komanu. Kaliye puãi Yehova, Suku yene, wa luisa owiñi wene, toke wa soka ndowu wolombungululu viokilu.

ESINUMUĨLO 14:2

Momo wupata li kola ku Yehova, Suku yene, kuenje pokati kapata osi okilu lieve, Yehova wo nolipo ene oku linga epata liaye muẽle.

ESINUMUĨLO 4:20

Puãi Yehova wo nõli ene, kuenda wo wupi vofolono yutale okuti ve Egito, ho lingi omanu vaye muẽle ndeci vu kasi etaili.

ESINUMUĨLO 4:34

Kuli hẽ osuku yimue ya la seteka oku enda oku ka liupila epata vokati kepata likuavo ndeci Yehova Suku yene a linga? Ene muẽle wa moli lovaso ene ndeci Yehova a enda ke Egito kuenje wo wupilili lohali kuenda ovindekaise lovikomo lovita kuenda eka lia pama lokuokuo kuolõha levi vi yokokisa.

ESINUMUĨLO 4:37

Kuenje omo a sola olosekulu viene loku nola ombuto yavo, lomo eye muẽle a wupi ve Egito lunene waye wa lua;

ESINUMUĨLO 7:19

Ivaluki ndomo wa tali ohali yalua. Ivalukivo eka lia pama lokuokuo kuolõha kuenda olondimbukiso lovikomo vina Yehova, Suku yene, a wupi lavio. Haico Yehova, Suku yene, a linga lapata osi vu kueteli usumba.

ESINUMUĨLO 9:5

Esunga liove pamue ocili cutima wove hacoko ca ku muisa oku kuata ofeka yaco. Yehova, Suku yove, o kasi loku hangisa omanu vaco kovaso ove omo ahuku avo o-o alua. Yehova o kasi loku ci lingila oku telisa ocisila a lisila lolosekulu viove Avirahama la Isake kuenda Yakoba.

I PETULU 2:9

Ene puãi, vumbuto ya noliwa, haene vuvitunda viusoma, vufeka yi kola, vucikumba ca Suku, okuti vu lekisa ovilinga vi komohisa viona wo kovongi ho tundi vowelema, ha wivi kocinyi caye ci komohisa.

I SAMUELE 4:8

Ngongo yetu we! Helie o tu popela kongusu yolosuku viaco via pama? Ovio olosuku via veta va Egito lolohali viosi eci va kala vekalasoko.