OVILINGA 13:15 - Embimbiliya - Bíblia Sagrada em Umbundu

¹⁵ Kovaso yoku tanga ovihandeleko lovaprofeto oco akulu vosunangonga va tuma kokuavo vati, Akuetu, nda vu kuete ondaka yoku lungula, kundi ño.

OVILINGA 13:15 Iomraidhean Croise

MARKO 5:22

Kueya umue ukulu wosunangonga, onduko yaye Yairo. Oku mola Yesu, wo fendela,

LUKA 16:16

Ovihandeleko lovaprofeto va kala toke ku Yoano. Tunde apa, ondaka yiwa yusoma wa Suku ya kundiwa, kuenje vosi va lisindiliyilamo.

OVILINGA 1:16

Ene a vamanji, ocisonehua cina condaka ya popia ale Espiritu Sandu lomẽla wa Daviti, haiyo ya tukula Yuda una wa songuila ava va kuata Yesu, ka ci tava okuti ka ci lingiwa.

OVILINGA 13:27

Ava va tunga vo Yerusalãi lolombiali viavo, omo ka vo limbukile, lomo olondaka viovaprofeto, vina via tangiwa asambata osi, ka via va lombolokele, oco va vi tẽlisa eci vo pisa.

OVILINGA 15:21

Momo, tunde kosiahũlu, vovaimbo osi, mua kala kala ava va lombolola Mose, momo ovisonehua viaye vi tangiwa volosunangonga asambata osi.

OVILINGA 15:7

Oco, eci va lihoya ca lua, Petulu wa votoka kuenje wa popia lavo hati, Ene a vamanji, ene vu ci okuti, tunde koloneke viefetikilo, Suku pokati kene wa nolapo ame okuti, komẽla wange, oko vakualofeka va yevela ondaka yiwa, kuenje va yi tava.

OVILINGA 18:17

Vosi yavo va kuata Sositene, eye ukulu wosunangonga, kuenje vo tipuila posamua yonjo yekanga. Eci puãi, Galio ka co tukuile utima.

OVILINGA 18:8

Krispo, eye ukulu wosunangonga, wa tava ku Ñala la vakuanjo yaye vosi. Va Korindo va lua va yeva ondaka va tava kuenje va papatisiwa.

OVILINGA 2:29

Akuetu, nẽla oku tukula kukululu yetu Daviti. Eye wa fa kuenje wa kendiwa, leyambo liaye tu kasi lalio toke etaili lilo.

OVILINGA 2:37

Oco, eci va ci yeva va tomiwa vovitima, kuenje va popia la Petulu lovapostolo vakuavo, vati, Akuetu, tu linga nye?

OVILINGA 2:4

Oco va yukisua le Espiritu Sandu, kuenje va fetika oku vangula alimi aiñi aiñi, ndeci Espiritu Sandu a va iha oku popia.

OVILINGA 20:2

Eci a pita volofeka viaco, loku kolisa ca lua oloñame, oco weya ko Helasi.

OVILINGA 22:1

A vamanji, lene vu vo tate, yeveleli uvangi wange ndi popia lene cilo.

OVILINGA 4:36

Oco Yosefe, ovapostolo vo tukula Barnaba, ya lomboloka Omõla elembeleko, eye u Lewi, haeye u Kupro,

OVILINGA 7:2

Stefano wa kumbulula, hati, Ene akuetu, lene alosekulu, njeveleli, Suku ukuolamba wa tukulukilile ku kukululu yetu, Avirahama, cina a kaile vo Mesopotamia, osimbu ka tungile handi vo Harana.

VA ROMA 12:8

nda oku lungula, a lungule, nda oku lumba vombango, ka ka lumbe ndofufi, nda oku songuila vakuavo, a songuile lombili, nda oku linga ohenda, a yi linge lesanju.

I VA KORINDO 14:3

Puãi u o popia ovitumasuku o popia lomanu oku va kolisa, loku va lungula, loku va lembeleka.

II VA KORINDO 3:14

Ovitima viavo puãi via tĩlisua, momo toke ketaili lilo, eci va tanga ocisila cale, okuvuvika kuaco muẽle haiko ku kasi, momo oku ku imula kuiya lika la Kristu.

I VA TESALONIKE 2:3

Momo elungulo lietu haliesandako, pamue lievĩho, pamue lielimbi.

VA HEVERU 13:22

A vamanji, ndu pingi okuti vu kolisako londaka yange yelungulo, momo ndo soneheli olondaka ka via luile.