OVILINGA 12:3 - Embimbiliya - Bíblia Sagrada em Umbundu

³ Eci a limbuka okuti va Yudea va ci sola oco wa kuatavo Petulu. Ca kala koloneke viofesta yombolo ka yi kuete etumbisa.

OVILINGA 12:3 Iomraidhean Croise

OLOSAMO 76:10

Ocili, onyeño yomunu yi ku sivaya. Onyeño yi supapo o litika layo.

ETUNDILO 23:15

Vu lingainga ofesta yombolo ka yi kuete etumbisa. Ndeci nda vu handeleka, haico vu linga okuti vu lialia ombolo ka yi kuete etumbisa oloneke epanduvali kotembo ya tukuiwa vosãi ya Aviva, omo oyo osãi wa tundi ke Egito. Lomue iya kokuange upolokoso.

MATEO 26:17

Keteke liatete lioloneke violombolo ka vi kuete etumbisa oco olondonge vieya ku Yesu, vio pula viti, Ku pi o yongola okuti oko tu ku yalela okulia kuo Pascoa?

YOANO 12:43

momo va sola ca lua oku sivayiwa lomanu, oku sivayiwa la Suku ci sule.

YOANO 19:11

Yesu wo kumbulula hati, Ove nda kua kuatele omoko lame, nda omoko yaco ka ya tundile kilu, yu ya ku ihiwa. Oco, u wa makula kokuove, eye o kasi lekandu lia piala.

YOANO 21:18

Mopia love siti, Ocili, ocili, kumalehe wove wa liñaiña uvia ove muẽle, kuenje wa enda enda kuosi wa panga, puãi kukulu wove o nyanyumula ovoko ove kuenje umue wiñi o ku iña, loku enda love oko kua pangele.

OVILINGA 12:4

Eci o kuata wo wimba vokayike, kuenje wo kundika kolohoka vikuãla viasualali oku u lava. Wa soka oku u tundisila komanu pana okuti o Pascoa ya pita.

OVILINGA 2:14

Puãi Petulu wa talama vilu kumue lekui liaco lamosi, kuenje, oku popia lolukandi, wa va kundila ondaka, hati, Alume va Yudea, lene vosi wa tungi vo Yerusalãi, yeveleli olondaka viange. Cu lomboloki okuti,

OVILINGA 20:6

Etu puãi tua talamela ofesta yombolo ka yi kuete etumbisa. Kovaso yaco tua tunda ko Filipoi oku enda lonaviyu. Tua enda oloneke vitãlo kuenje tua va sanga ko Torasi, oko tua tumala oloneke epanduvali.

OVILINGA 24:27

Puãi, eci pa pita anyamo avali, oco Porkio Festo a piñala komangu ya Feliki. Feliki, omo a yongola oku sanjuisa va Yudea, wa sia Paulu vokayike.

OVILINGA 25:9

Puãi Festo, omo a yongola oku livondela la va Yudea, wa pula hati, O yongola oku lamanela ko Yerusalãi okuti oko ha ku tetuluila ovina evi?

OVILINGA 4:13

Eci va mola utõi wa Petulu la Yoano, leci va va limbuka okuti omanu vaño, haivo ka va longisiwile, oco va komoha, kuenje va limbuka okuti va kala la Yesu.

VA GALATIA 1:10

Ame hẽ, ñasi loku sanda oku panduiwa lomanu, ele oku panduiwa la Suku? Nda likapa hẽ koku sanjuisa omanu? Nda nda likapa koku sanjuisa omanu siukuenje wa Kristuko.

I VA TESALONIKE 2:4

Puãi, ndeci tua hanguiwa la Suku, omo a tu kundika oku longisa ondaka yiwa, haico tu vangula, haku sanjuisako omanu, puãi oku sanjuisa Suku u o setaeka ovitima vietu.