OVILINGA 12:23 - Embimbiliya - Bíblia Sagrada em Umbundu

²³ Kuenje haico ungelo wa Ñala o veta omo ka muisile Suku ulamba. Noke wa liwa lapuka kuenje wa fa.

OVILINGA 12:23 Iomraidhean Croise

II OLOSOMA 19:35

Oco uteke waco, ungelo wa Yehova wa katuka, wa ipa ocita lakui ecelala kolohũlũkãi kolohũlũkãi vitãlo komanu vocilombo ca va Suria. Eci omanu va pasuka omele ociteketeke, tala, vosi yavo va linga ovivimbi.

II ASAPULO 32:21

Yehova wa tuma ungelo, leye wa kundula alume vosi va pama vakuotoi lasongui lavakesongo vocilombo ca Soma ya Asuria. Oco wa tiukila kofeka yaye osõi ka likuete. Eci a iñila vonjo ya suku yaye, oco omãla vaye muẽle va wipa losipata.

YOVI 19:26

Etimba eli li nyõlẽha muẽle, puãi kovaso yaco mõla Suku.

YOVI 7:5

Etimba liange lia wala ovanyo leliño. Apute ange a linga olombande puãi noke a tuñuluha.

OLOSAMO 115:1

A Yehova, etu hetuko, hetuko muẽle, puãi muisa onduko yove ulamba, mekonda liocisola cove ka ci pui kuenda ocili cove.

ETUNDILO 10:3

Oco Mose la Arone va enda ku Fareo, va popia laye vati, Ca popia Yehova, Suku ya va Heveru, ceci, hati, Okulikala kuove oku sambela kokuange ku sulila eteke lipi? eca omanu vange ha va fendela.

ETUNDILO 12:12

Momo uteke waco mita vofeka ye Egito. Nyõla olonuñulu viosi viofeka ye Egito, ndaño viomanu ndaño viovinyama. Njambulavo olosuku viosi vi Egito, ame ndi Yehova.

ETUNDILO 12:23

Omo Yehova o pita oku nyõla va Egito. Leci a mõla osonde kocipamba lokovikuli vivali Yehova o pitahãla uvelo waco, ka tava okuti ocinyõi ciñila volonjo viene oku u nyõli.

ETUNDILO 12:29

Pokati kuteke Yehova wa nyõla olonuñulu viosi viofeka ye Egito, tunde konuñulu ya Fareo wa tumãla komangu yusoma, toke konuñulu yomandekua ya kala vokaliavoso, lolonoñulu viosi viovinyama.

ETUNDILO 9:17

Lopo wa tilĩsila omanu vange utima wove kuenje ku tava oku va eca.

OLOSAPO 12:8

Omunu o sivayiwa ndolondunge viaye, ukuemande puãi o lavisiwa.

ISAYA 14:11

Ulamba wove wa kupuilua vonjembo, kuenda okusika kuotucẽke tuove. Ovanyo a linga ula wove, lasunjulu a linga onyime yove.

ISAYA 37:23

Ove wa sawula elie? Wa yola elie epembe? Wa kalukila elie loku u tunguila ovaso? Wa ci lingila U o kola wa Isareli.

ISAYA 51:8

Momo ombunji yi va lia nduwalo, epuka li va lia ndeci li lia ovonya olomeme; puãi epopelo liange ka li pui, ndaño eyovo liange liokovitumbulukila viosi.

ISAYA 66:24

Kuenje va tunda, va ka vanja ovivimbi viomanu va sina lame. Momo enyo liavo ka li fi, kuenda ondalu yavo ka yimi; kuenje va linga ocinyuãni ca vakuetimba vosi.

ESEKIELE 28:2

A Mõlõmunu, popia losoma ya Turo huti, Ca popia Ñala Yehova ceci, hati, Omo utima wove wa tumba yu wa popia huti, Ame ndisuku yimue, numãla komangu yolosuku vokati kokalunga; haimo ove wumunu, kuenje kusukuko, ndaño wa lisima huti, Kolondunge nda soka losuku.—

ESEKIELE 28:9

Haimo nga o popela kovaso ava va ku ipãla, pamue povaka ava va ku tomba, huti, Ame ndisuku,— osimbu ove wumunu, kusukuko?

OVILINGA 12:22

Oco omanu va sambiliya, vati, Ondaka eyi yosuku, hayomunuko.

OVILINGA 5:19

Puãi pokati kuteke, ungelo wa Ñala wa yikulula apito okayike, wa vopamo kuenje wa popia hati,

II VA TESALONIKE 2:4

una o patãla, kuenje o lipiãlisa kovina viosi vi tukuiwa olosuku, levi vi fendalaiwa, okuti eye o tumala vonembele ya Suku oku litukola hati, Ame Suku.

I SAMUELE 25:38

Kovaso yoloneke ekui Yehova wa veta Nabala kuenje wa fe.