OVILINGA 11:12 - Embimbiliya - Bíblia Sagrada em Umbundu

¹² Kuenje Espiritu wa mañinya hati, Kuende lavo. Ku ka kale latatahãi. Vakuetu ava epandu va sindikila, kuenje tua iñila vonjo yulume waco.

OVILINGA 11:12 Iomraidhean Croise

MATEO 1:20

Puãi, osimbu a sokolola ovina evi, ungelo wa Yehova wo tukulukila konjoi, wa linga hati, A Yosefe, amõla a Daviti, ku ka kale lohele yoku kuela ukãi wove Maria, momo wa ihiwa imo le Espiritu Sandu,

YOANO 16:13

Eci Espiritu liocili eya, eye u songuili kocili cosi, momo ka popi lomoko yaye, puãi cosi a yeva oco a popia, kuenje u sapuili ovina vi lingiwa noke.

OVILINGA 1:15

Owiñi waco wa tẽla ocita kakui avali komanu. Koloneke viaco Petulu wa votoka pokati koloñame, kuenje wa linga hati,

OVILINGA 10:23

Oco wa va iñisa vonjo kuenje wa va yekisa. Hẽla yaco wa katuka, wa enda lavo, kuenje vamue vakuetavo vo ko Yopa vo sindikila.

OVILINGA 10:45

Vakuevamba veya la Petulu, haivo va linga ale vakuetavo, va komoha ndomo ocali ce Espiritu Sandu ca eciwavo ku vakualofeka.

OVILINGA 11:13

Eye wa tu sapuila ndomo a mola ungelo wa talama vonjo yaye, lomo ungelo a popia hati, Tuma ko Yopa, kope Simono wa tukuiwa Petulu.

OVILINGA 13:2

Osimbu va kala loku likutilila ku Ñala loku likandangiya okulia, oco Espiritu Sandu wa linga hati, Nepelipo Barnaba la Saulu ha va lingi upange nda va kovongela.

OVILINGA 13:4

Oco va tumiwa le Espiritu Sandu. Oku fetika ungende va lokila ko Selukia, oku tunda ko Selukia va endela vonaviyu toke ko Kupro.

OVILINGA 15:7

Oco, eci va lihoya ca lua, Petulu wa votoka kuenje wa popia lavo hati, Ene a vamanji, ene vu ci okuti, tunde koloneke viefetikilo, Suku pokati kene wa nolapo ame okuti, komẽla wange, oko vakualofeka va yevela ondaka yiwa, kuenje va yi tava.

OVILINGA 15:9

Eye ka pañuile pokati ketu lavo, puãi wa yelisa ovitima viavo lekolelo.

OVILINGA 28:15

Vamanji tua sangako, eci va tu yeva, oco veya toke kocitanda ca Ápiu kuenda kolovenda vitatu oku ñualehela letu. Eci Paulu a va mola, wa pandula Suku yu wa kuata utõi.

OVILINGA 8:29

Oco Espiritu wa popia la Filipu, hati, Kuende, amela kekãlu olio.

VA ROMA 3:22

Esunga liaco lia Suku li sangiwa la vosi va kolela Yesu Kristu. Momo ka kuli oku litepa,

II VA TESALONIKE 2:2

ka vu tatamisua lombili vovitima, pamue oku yokokisua, ndaño locitumasuku, ndaño londaka, ndaño lukanda ndu wa tunda kokuetu oku sapula okuti eteke lia Ñala li kasi ocipepi.

ESITULUILO 22:17

Espiritu la Ndombua va linga vati, Enju. U o yeva a linge hati, Enju. U o kuete enyona eye, lu wa yongola ovava omuenyo a a tambule ocali.