OVILINGA 11:1 - Embimbiliya - Bíblia Sagrada em Umbundu

¹ Ovapostolo la vakuetavo vo vo Yudea va yeva okuti vakualofeka lavovo va tava kondaka ya Suku.

OVILINGA 11:1 Iomraidhean Croise

EFETIKILO 49:10

Ombueti yonanelo ka yi tundi ku Yuda, ndaño onganji kovitumbulukila viaye, toke Ukuambembua iya, kuenje omanu va pokola kokuaye.

OLOSAMO 22:27

Asukiyo osi oluali a ivaluka, a pongolokela ku Yehova. Apata osi olofeka a fendela kovaso aye.

ISAYA 11:10

Eteke liaco olumbombo lua Jese lu linga ndepandela ku vakualofeka. Olofeka vi lipungikila kokuaye, kuenje ocitumãlo caye ci linga culamba.

ISAYA 32:15

toke Espiritu o tunda kilu o tu sukumũhĩla, kuenje ekalasoko li linga epia liwa, lepia liwa li linga esisi.

ISAYA 42:1

Tala ukuenje wange u ndu vetatela, onoliwe yange, utima wange wo sanjukila. Ndo wĩha Espiritu liange, eye o longisa olofeka esunga.

ISAYA 42:6

Ame ndi Yehova, nda ku kovongela esunga. Nda ku kuata peka, nda ku silamẽla. Nda ku kapa ndocisila komanu kuenje o linga ocinyi colofeka,

ISAYA 49:6

eye wa linga hati, Oku linga ukuenje wange okuti o katula apata a Yakoba loku tiula ocisupe ca Isareli, oco ca leluka. Hu lingisavo ocinyi cavakualofeka oco eyovo liange li kale toke kasulilo ongongo.

ISAYA 52:10

Yehova wa lekisa okuokuo kuaye ku kola ku vakualofeka viosi. Asulilo osi oluali a mõla eyovo lia Suku yetu.

ISAYA 60:3

Kuenje olofeka viya kocinyi cove, lolosoma kokutua kuokutunda kuove.

ISAYA 62:2

Olofeka vi mõla esunga liove, kuenda olosoma viosi ulamba wove. Kuenje ove o lukiwa onduko yokaliye, eyi yi tukuiwa lomẽla wa Yehova.

YEREMIYA 16:19

A Yehova, a Ngusu yange, a Cikolo cange, a Civundilo cange keteke liohali, olofeka viosi, tunde kasulilo okilu lieve, viya kokuove, kuenje vi linga viti, Ovina viosi vaisietu va piñala viuhembi lika, haivio viesanda, ka vi kuatisa cimue.

HOSEA 2:23

Eye ndu likũlĩsila ame muẽle vofeka. Ndingila ohenda Kasangiohenda, Mopia la Hamanuvangeko, siti, Vumanu vange. Leye o nukula hati, Ove vu Suku yange.

MIKA 5:7

Oco ocisupe ca Yakoba ci kala vokati kolofeka vialua ndowume wa Yehova, pamue ndombela kowangu ka yi talamẽla omanu pamue omãla vomanu.

SOFONIYA 2:11

Yehova o linga lavo eci ci linga usumba; oco muẽle, a nyõla olosuku viosi violuali, kuenje olofeka viosi viomanu viu kekamẽla, eyi kocitumãlo cayo, eyi kocitumãlo cayo.

SOFONIYA 3:9

Oco muẽle, kotembo yaco mongolola upopi womanu, ho pui esanda, okuti vosi yavo oco va vilikiya onduko ya Yehova, loku u vumba lutima umuamue.

SAKARIYA 2:11

Eteke liaco vakualofeka via lua vongolokela ku Yehova. Va linga omanu vange kuenje ame numãla vokati kove.

MALAKIYA 1:11

Momo, tunde kutundilo wekumbi toke kutakelo walio onduko yange yi kemãlã pokati kolofeka. Vofeka yosi insensu yi timĩhĩwila onduko yange, locilumba ci ndumbiwila ci yela, momo onduko yange yi kemãlã pokati kolofeka. Oco ca popia Yehova Ukualohoka.

MATEO 2:1

Eci Yesu a citiwa vo Beteleme yo vo Yudea voloneke viosoma Herode, oco olonoño viokutundilo vieya ko Yerusalãi kuenje via popia, viti,

MATEO 8:11

Mopia lene siti, Va lua va tunda kutundilo kuenda kutakelo, veya kuenje va tumala kumue la Avirahama la Isake kuenda Yakoba vusoma wokilu,

MARKO 16:5

Kuenje eci va iñila veleva, oco va mola ukuenje wa tumala kondio, wa wala uwalo u yela, kuenje va saluka.

LUKA 2:32

hailio li linga ocinyi ci tuila vakualofeka, kuenda ulamba womanu vove, va Isareli.

OVILINGA 1:15

Owiñi waco wa tẽla ocita kakui avali komanu. Koloneke viaco Petulu wa votoka pokati koloñame, kuenje wa linga hati,

OVILINGA 11:29

Oco olondonge via likapela oku eca omunu omunu ndeci a tẽla, loku tuma otumbongo tuoku kuatisa vakuetavo va kala vo Yudea.

OVILINGA 14:27

Eci va pitila, vongolola ekongelo kuenje va sapula cosi Suku a linga lavo, vati, Suku wa yuluila vakualofeka epito liekolelo.

OVILINGA 15:3

Oco, eci va katuiwa lekongelo, va pita vo Foinike lo vo Samária kuenje va sapula epongoloko lia vakualofeka. Ca sanjuisa ca lua vosi vakuomanji waco wa Kristu.

OVILINGA 28:15

Vamanji tua sangako, eci va tu yeva, oco veya toke kocitanda ca Ápiu kuenda kolovenda vitatu oku ñualehela letu. Eci Paulu a va mola, wa pandula Suku yu wa kuata utõi.