OVILINGA 10:43 - Embimbiliya - Bíblia Sagrada em Umbundu

⁴³ Ovaprofeto vosi vo wimbila uvangi, vati, Vosi va tava kokuaye va mola ongecelo yakandu vonduko yaye.

OVILINGA 10:43 Iomraidhean Croise

ISAYA 53:11

O mõla epako liomuenyo waye kuenje o sanjuka. Lukulihiso waye ukuenje wange ukuesunga o muisa valua esunga; eye muẽle ambata olongole viavo.

YEREMIYA 31:34

Kuenje ka va longisa vali, omunu u a lisungue laye, omunu u a lisungue laye, pamue omunu oku longisa manjaye, vati, Kũlĩha Yehova, momo vosi va ñulĩha tunde ku o sule pokati kavo toke ku unene. Momo ngecela evĩho liavo, lakandu avo si a ivaluka vali. Oco ca popia Yehova.

DANIELE 9:24

Akũi epanduvali kolosemana vianyamo via tukuiwila epata liove kuenda imbo liove li kola, oku sulisa evĩho loku imũla akandu; oku tuvika ohole loku nena esunga ka li pui; oku yika ocinjonde kuenda ocitumasuku loku waveka U o kola koku kola.

MIKA 7:18

Helie Suku wa soka ndove, u ecela olohõle, haeye ivala okulueya kuocisupe cocipiñalo caye? Eye ka kala ño-o hũ lonyeño yaye momo o sanjukila ohenda locisola.

SAKARIYA 13:1

Keteke liaco kepata lia Daviti lolonungi via Yerusalãi ku tombokela ono yovava a va yelisa kakandu avo kuenda kokuliña kuavo.

MALAKIYA 4:2

Ene puãi wu sumbi onduko yange, Ekumbi liesunga liu tundili, lovolosongo vialio mu kala unene woku sakula. Lene wendi loku tomboaka ndolonãle via kunduluiwa vocunda.

MARKO 16:16

U o kolela kuenje o papatisiwa, o popeliwa, puãi u ka kolela, o pisiwa.

LUKA 24:47

citivo okulikekembela akandu kuenda okuecelua ku kundilua vonduko yaye kolofeka viosi oku fetikila ko Yerusalãi.

YOANO 1:45

Filipu wa sanga Nataneli, kuenje wa popia laye hati, Tua sanga una Mose a tukula vovihandeleko, kuenda ovaprofeto vo tukulavo, okuti Yesu, omõla a Yosefe ukuimbo lia Nasara.

YOANO 20:31

Puãi ovina evi via sonehiwila okuti vu kolela okuti Yesu eye Kristu, haeye Mõla a Suku, kuenje, omo wa koleli, oco vu muila omuenyo ko pui vonduko yaye.

YOANO 5:24

Mopia lene siti, Ocili, ocili, u o yeva ondaka yange, kuenje o kolela u wa numa, o kuete omuenyo ko pui. Keya koku tetuluiwa, puãi wa iluka ale vokufa, wa iñila vomuenyo.

OVILINGA 15:9

Eye ka pañuile pokati ketu lavo, puãi wa yelisa ovitima viavo lekolelo.

OVILINGA 2:38

Kuenje Petulu wa popia lavo hati, Ene vosi omunu omunu, likekembeli akandu ene, papatisilui ongecelo yakandu vonduko ya Yesu Kristu, oco vu mola ocali ce Espiritu Sandu.

OVILINGA 26:18

oku patulula ovaso avo. O va patulula okuti va tunda kowelema ha va sangi utanya, loku tunda kuviali wa Satana ha va tiama ku Suku. Veya ku Suku okuti va mola ongecelo yakandu kuenda ocipiñalo pokati kava va yelisua omo va ñolela.

OVILINGA 26:22

Omo nda kuatasaiwa la Suku toke etaili oco ñasilili kulo oku imba uvangi wange kovaso omanu vatito lava vanene. Lacimue mopia te eci ovaprofeto la Mose va cimbila ale owanji.

OVILINGA 3:16

Onduko yaye, kuenda oku kolela onduko yaco, oco ca pamisa undeti vu lete haeye wa kũlĩhi. Ekolelo lia eciwa la Yesu olio lia muisa ulume u uhayele wocili kovaso ene vosi.

OVILINGA 3:18

Puãi, eci Suku a cimbila ale owanji limẽla viovaprofeto vaye vosi, cokuti Kristu waye o tala ohali, oco wa ci tẽlisa.

VA ROMA 10:11

Ovisonehua vi popia viti, Lomue u kolela o kutisua osõi.

VA ROMA 3:21

Cilo puãi, kua tukuluka esunga lia Suku ka li kuete cimue lovihandeleko, kuenje ovihandeleko lovaprofeto va li imbila uvangi.

VA ROMA 5:1

Oco, omo, eci tu kuete ekolelo tu tendiwa nda vakuesunga, oco tu kuete ombembua la Suku, Mitakati yaco Ñala yetu Yesu Kristu.

VA ROMA 6:23

Momo onima yekandu okufa, puãi ocali ca eciwa la Suku oco omuenyo ko pui vu Kristu Yesu Ñala yetu.

VA ROMA 8:1

Oco kaliye, ka kuli episo kuava va kasi vu Kristu Yesu.

VA ROMA 8:34

u o pisa elie? Kristu Yesu hẽ, u wa fa haeye wa pinduiwa kuava va fa, kuenje o kasi kondio ya Suku oku tu livondelelako, eye nga o pisa?

VA GALATIA 3:22

Puãi ovisonehua vi lombolola okuti cosi ci kasi vokayike kakandu, okuti eci ca likuminyiwa kuava va kolela Yesu Kristu ceciwa ocili kokuavo.

VA EFESO 1:7

V'Omõlaye, okuti vosonde y'Omõlaye, omo tu kuetele eyovo longecelo yakandu. Via tunda kokulua kuocali caye,

VA KOLOSAI 1:14

V'Omõlaye omu tu kuetele eyovo, olio ongecelo yakandu.

VA HEVERU 13:20

Kaliye Suku yombembua, u wopa kuava va fa ungombo unene wolomeme, Ñala yetu Yesu Kristu, losonde yocisila ka ci pui,

I PETULU 1:11

Va puliliya oku kũlĩhisa ndomo ci kala, kuenda otembo ye ya tukuiwa le Espiritu lia Kristu, lina lia kala loku talavaya vokati kavo, eci lia imba owanji wotokua ya Kristu kuenda ulamba u yi kuama.

ESITULUILO 19:10

Oco nda kupukila posi kolomãi viaye oku u fendela, puãi eye wa popia lame hati, Ku ka ci linge. Ame ndindingupange kumue love lava vasitue love, haivo va kolela uvangi wa imbiwa la Yesu. Fendela Suku. Momo uvangi wa imbaiwa la Yesu owo utima wovaprofeto.