OVILINGA 10:4 - Embimbiliya - Bíblia Sagrada em Umbundu

⁴ Korneliu, oku u tunguila ovaso wa lisalukako, oco hati, A Ñala, nye oco? Ungelo wa popia laye hati, Olohutililo viove loviali viove via pitila kilu ndonjivaluko kovaso a Suku.

OVILINGA 10:4 Iomraidhean Croise

II ASAPULO 32:24

Koloneke viaco, Hesekiya wa vela, wa si oku fa, yu wa likutilila ku Yehova, leye wo tambulula kuenje wo lekisa ocikomo.

II ASAPULO 6:33

ove, kilu, kocitumãlo cove, yevelela, kuenje cosi ukombe waco a ku pinga, u ciha. Oco omanu vosi vokilu lieve va kulihe onduko yove ha va ku sumbi ndeci ca ku sumba omanu vove va Isareli, loku kuliha okuti onjo yilo nda tunga, yi tukuiwa londuko yove.

OLOSAMO 141:2

Ohutililo yange kokuove yi linge ndinsensu. Okutulika kuovaka ange ku linge ndocilumba coñolosi.

OLOSAMO 20:3

A ivaluke alembe ove. A tambule ovilumba viove vioku yoka.

ISAYA 43:26

Njivaluke, tu livangule pamuamue. Sapula ondaka yove okuti o yovoka.

ISAYA 45:19

Sia popele uyombeki, pamue vofeka yowelema. Sia popele lombuto ya Yakoba siti, Sandiliyi vesanda. Ame ndi Yehova, mopia ocili, sapula ovina viesunga.

DANIELE 10:11

Eye wa popia lame hati, A Daniele, olume wa soliwa calua, yevelela olondaka mopia love, talama vilu, momo kaliye nda tumiwa kokuove. Eci a popia lame ondaka yaco nda talama loku luluma.

OVISILA 2:2

O ci nena komãla va Arone, ovo ovitunda. Oco o yoyamo epupu liosema yaco ya fina lulela kuenda insensu viaco viosi. Ocitunda o yi yokela kutala ndonjivaluko yaco, ocilumba covondalu, celemba li pepa ku Yehova.

MALAKIYA 3:16

Oco, ava va sumba Yehova va livangola pokati, Yehova wa va yevelela, kuenje co lomboloka. Oco kuo sonehĩwĩla eliwulu lionjivaluko yava va sumba Yehova, haivo va sokolola onduko yaye.

MATEO 26:13

Ocili mopia lene siti, Kuosi ondaka yiwa yi kundilua voluali luosi, eci ca linga ukãi u ci sapuiwa ndonjivaluko yaye.

LUKA 1:29

Puãi Maria wa salukila ondaka yaco, kuenje wa sokolola vutima waye hati Ocilamo eci ca lomboloka ndati?

LUKA 24:5

Kuenje osimbu akãi va lisalukako loku petamela posi, oco alume vaco va popia lavo vati, Nye vu sandela u o kasi lomuenyo pokati ka vakualufa? Mulo kemo, wa pinduka.

OVILINGA 10:31

Wa popia lame hati, A Korneliu, ohutililo yove ya yevala, loviali viove via ivalukiwa kovaso a Suku.

OVILINGA 14:9

Eye wa yeva Paulu eci a kunda. Paulu wo vanja sui kuenje wo limbuka okuti o kasi lekolelo liokuti, ñaya.

OVILINGA 22:10

Nda pula siti, A Ñala, ndinga nye? Kuenje Ñala wa ñumbulula hati, Votoka. Iñila vo Damasko, kuenje omo va ku sapuila ovina viosi via ku tukuilua oku vi linga.

OVILINGA 3:4

Petulu, oku u vanja sui, kumue la Yoano, wa linga hati, Tu vanje.

VA FILIPOI 4:18

Ame nda tambula cosi kuenje ca supoka. Nde kuta. Nda tambula peka lia Epafrodito olombanjaile wa tumi. Kokuange via kala ndocilumba ci kuete elemba li pepa. Ocilumba caco Suku o ci panduila loku ci sanjukila.

VA FILIPOI 4:6

Lacimue ko ka ci kuateli ohele, puãi kovina viosi apingilo ene a sapuiwe ku Suku lolopandu volohutililo viene lalombelo ene.

VA HEVERU 13:16

Ko ka ivaliko oku lingainga ciwa, loku lia vela pokati, momo Suku o sanjukila ovilumba ndevi.

VA HEVERU 6:10

Momo Suku hokuanyako okuti ivalako upange wene kuenda ocisola wa lekisi loku vumba olosandu vonduko yaye, ndeci vu kasi loku linga toke opo.

ESITULUILO 8:4

Owisi winsensu wa tunda peka liungelo kuenje wa londela kilu ku Suku kumue lolohutililo violosandu.

I SAMUELE 3:10

Kuenje Yehova weya vali, wa talama, wa kovonga vali ndolonjanja vikuavo hati, A Samuele, a Samuele. Samuele yu wa kumbulula hati, Popia ño. Ukuenje wove o yevite.