OVILINGA 10:36 - Embimbiliya - Bíblia Sagrada em Umbundu

³⁶ Wa kũlĩhi ondaka Suku a tuma ku va Isareli, ndomo a kundika Yesu Kristu, haeye Ñala ya vosi, oku kunda ondaka yiwa yombembua.

OVILINGA 10:36 Iomraidhean Croise

OLOSAMO 45:11

Oco osoma yi livela unumbu wove. Omo eye cime cove, u sumbila.

OLOSAMO 45:6

Ocalo cove, a Suku, ci tumãla hũ oloneke ka vi pui. Epangati liuviali wove liesunga.

OLOSAMO 72:7

Kovava aye esunga li amameko, lombembua yi lue toke osãi yimuha.

ISAYA 55:12

Momo vu tunda lonjolela, vu songuiwa lombembua. Olomunda kuenda ovikandulukua vimbila ovisungo kovaso ene. Oviti viosi viusenge vi pandula ovaka.

ISAYA 57:19

Ca popia Yehova ceci, hati, Ombembua. Ombembua ku o kasi kupãla lu o kasi ocipepi. Ndu sakula.

ISAYA 7:14

Oco Ñala eye muẽle u wĩha ondimbukiso. Ota, ufeko o mina, o cita omõla ulume kuenje u luka Emanuele.

ISAYA 9:6

Momo omõla wa tu citilua, omõla ulume wa tu ĩhĩwa, kuenje uviali u kala kovitãi viaye. Onduko yaye, o tukuiwa Cikomo, Ndunguli, Suku Eye Fũ, Isia kapui, Soma yombembua.

HOSEA 1:7

Epata lia Yuda puãi ndi li kuatela ohenda. Ndi va popela la Yehova Suku yavo. Si va popela lohonji pamue losipata, pamue lovita, pamue lotuvalu, pamue lava vakuakuendela kotuvalu.

MIKA 5:2

Puãi ove, a-Beteleme Efarata, ove o sule pokati kapata a Yuda, kokuove ku nundila u o linga ombiali ya Isareli. Ocikoti caye ca tunda kosiãhũlu, koloneke viale.

MALAKIYA 3:1

Tala! Ndi tuma omunga yange okuti o mongiyila onjila, kuenje Yehova, u wu sanda sanda, iya ocipikipiki konembele yaye. Ocili, una wa sanjukili, haeye omunga yocisila, iya muẽle. Oco ca popia Yehova Ukualohoka.

MATEO 10:6

Puãi cinene, kuendi kolomeme via nyelela viepata lia Isareli.

MATEO 11:27

Ovina viosi via ñundikiwa la Tate. Lomue wa kũlĩha Omõla te Isia, haico lomue wa kũlĩha Isia te Omõla, kuenda undeti Omõlaco a panga oku u situluila Isia.

MATEO 28:18

Kuenje Yesu weya kokuavo, wa popia lavo hati, Uviali wosi wokilu lowu wokilu lieve wa nyihiwa.

LUKA 1:79

ocinyi cayo ha ci tuila ava va tumala vowelema lo vulembo wokufa, loku songuila olomãi vietu vonjila yombembua.

LUKA 24:47

citivo okulikekembela akandu kuenda okuecelua ku kundilua vonduko yaye kolofeka viosi oku fetikila ko Yerusalãi.

OVILINGA 10:37

Wa kũlĩhivo okuti ondaka yaco ya sapuiwa vo Yudea yosi, ya fetikila vo Galilea lepapatiso Yoano a kunda.

OVILINGA 11:19

Ava va sandokaila ekangiso lina lia fetikila ku Stefano, va enda toke ko Foinike lo ko Kupro lo ka Antiokea. Ka va kundilile ondaka yaco omanu vakuavo te va Yudea lika.

OVILINGA 13:32

Etu tu vu sapuila ondaka yiwa yokuti ohuminyo yina Suku a likuminya lolosekulu vietu,

OVILINGA 13:46

Oco Paulu la Barnaba va popia lutõi, vati, Ca sungulukile okuti ondaka ya Suku yu kundiwili ene tete. Puãi, omo wa yi likali, kuenje wa lisimili hoti, Ka tua posokelele omuenyo ko pui, cilo tu enda ku vakualofeka.

OVILINGA 2:36

Oco, epata liosi lia Isareli li limbuke okuti ocili, u Yesu, una ene wa valeli kekulusu, Suku wo lingisa Ñala kuenda Kristu.

OVILINGA 5:31

haeye Suku a kemalisila kondio yaye ha lingi Njalu kuenda Upopeli oku eca ku va Isareli oku likekembela akandu longecelo yao.

VA ROMA 14:9

Momo, eci Kristu a fila, leci a kasilili vali lomuenyo, ceci okuti, o linga Ñala yava va fa lava va kasi lomuenyo.

VA ROMA 5:1

Oco, omo, eci tu kuete ekolelo tu tendiwa nda vakuesunga, oco tu kuete ombembua la Suku, Mitakati yaco Ñala yetu Yesu Kristu.

I VA KORINDO 15:27

Momo Suku wa pokuisila viosi vemẽhi liolomãi viaye. Puãi eci ci popiwa citi, Viosi via pokuisua, ca lomboloka okuti Suku, u wa vi pokuisa ku Kristu, eye muẽle wa supapo.

I VA KORINDO 15:47

Omunu watete wa tunda posi, ukuaposi; omunu wavali wa tunda kilu.

VA FILIPOI 2:11

kuenda okuti alimi osi a tava okuti Yesu Kristu eye Ñala, loku muisa Suku Tate ulamba.

VA KOLOSAI 1:20

Suku wa pangavo okuti Kristu inalisila kokuaye ovina viosi vioposi levi viokilu. Kristu wa nena ombembua losonde yaye yina ya pesekela kekulusu.

VA HEVERU 1:2

Koloneke vilo via sulako puãi, wa popia letu l'Omõlaye, una a nola ha lingi kapiñala kovina viosi, haeye a lulika laye oluali.

VA HEVERU 13:20

Kaliye Suku yombembua, u wopa kuava va fa ungombo unene wolomeme, Ñala yetu Yesu Kristu, losonde yocisila ka ci pui,

I PETULU 3:22

Yesu Kristu wa enda kilu, yu o kasi kondio ya Suku, kuenje ovangelo lolombiali lolosoma via tiamisua kokuaye.

ESITULUILO 1:18

haime ñasi lomuenyo. Nda file kuenje cilo ñasi lomuenyo woloneke ka vi pui, haime ñuete olosapi viokufa levi vionjembo.

ESITULUILO 1:5

kuenda ku Yesu Kristu, eye ombangi yocili, haeye nuñulu yava va fa, kuenda eye ombiali yolosoma viokilu lieve. Ku-u o tu sole kuenje wa tu pandulula kakandu etu losonde yaye,

ESITULUILO 17:14

Vi katuila Kameme ovita, kuenje Kameme o vi yula, momo eye Ñala yoloñala haeye Soma yolosoma, lava va kasi laye ovo va lalekua loku noliwa, haivo vakuepandi vekolelo.

ESITULUILO 19:16

Eye o kuete onduko ya sonehiwa konanga yaye lo kocikalo caye, yokuti Soma yolosoma haeye Ñala yoloñala.