OVILINGA 10:31 - Embimbiliya - Bíblia Sagrada em Umbundu

³¹ Wa popia lame hati, A Korneliu, ohutililo yove ya yevala, loviali viove via ivalukiwa kovaso a Suku.

OVILINGA 10:31 Iomraidhean Croise

ISAYA 38:5

Kuende, ka popie la Hesekiya, huti, Ca popia Yehova Suku ya so Daviti, ceci, hati, Nda yeva ohutililo yove; nda mõla asuelẽla ove; ota, koloneke viove mbokiyako ekuĩ lianyamo kanyamo atãlo.

DANIELE 10:12

Oco wa popia lame hati, Ku ka yokoke, a Daniele, momo tunde keteke liatete eci wa kapa utima koku loñolõha, loku likapa kutito kovaso a Suku yove, olondaka viove via yeviwa. Oco ndeya, mekonda liolondaka viove.

DANIELE 9:23

Kefetikilo liolohutililo viove, ocihandeleko ca eciwa, yu ndeya oku ku sapuila, momo ove wa soliwa calua. Oco sokolola ondaka yaco, loku limbuka ocinjonde caco.

OVISILA 2:2

O ci nena komãla va Arone, ovo ovitunda. Oco o yoyamo epupu liosema yaco ya fina lulela kuenda insensu viaco viosi. Ocitunda o yi yokela kutala ndonjivaluko yaco, ocilumba covondalu, celemba li pepa ku Yehova.

OVISILA 2:9

Kuenje ocitunda cupa kocilumba caco colomema onjivaluiso yaco, ci yi yokela kutala, ocilumba covondalu, celemba li pepa ku Yehova.

OVISILA 5:12

O yi nena kocitunda, kuenje ocitunda ci yoyako epupu liaye ndonjivaluiso yaco, ci yi yokela kutala kilu liovilumba via Yehova viovondalu. Oco ocilumba cekandu.

LUKA 1:13

Puãi ungelo wa popia laye hati, A Sakariya, ku ka saluke ño, momo elombelo liove lia yevala. Ukãi wove Elisavete o ku citila omõla, kuenje u luka Yoano.

OVILINGA 10:30

Kuenje Korneliu wa linga hati, Konyima yoloneke vikuãla, ola yilo haiyo, nda kala vonjo yange oku likutilila ohutililo yokekumbi. Ocipikipiki, kovaso ange kua moleha ulume wa wala uwalo u nina.

OVILINGA 10:32

Oco tuma ko Yopa, ka pañinye Simono wa tukuiwa Petulu, wa sikila vonjo ya Simono uyaveki wovipa, yi kasi konele yokalunga.

OVILINGA 10:4

Korneliu, oku u tunguila ovaso wa lisalukako, oco hati, A Ñala, nye oco? Ungelo wa popia laye hati, Olohutililo viove loviali viove via pitila kilu ndonjivaluko kovaso a Suku.

VA FILIPOI 4:18

Ame nda tambula cosi kuenje ca supoka. Nde kuta. Nda tambula peka lia Epafrodito olombanjaile wa tumi. Kokuange via kala ndocilumba ci kuete elemba li pepa. Ocilumba caco Suku o ci panduila loku ci sanjukila.

VA HEVERU 6:10

Momo Suku hokuanyako okuti ivalako upange wene kuenda ocisola wa lekisi loku vumba olosandu vonduko yaye, ndeci vu kasi loku linga toke opo.

ESITULUILO 5:8

Eci a tambula ociña, oco oviendalomuenyo viaco vikuãla, lakulu vaco akui avali la vakuãla, va wila posi kovaso a Kameme, va kuete omunu ohalupa, omunu ohalupa, latiyela ulu e yuka insensu, o-o alombelo olosandu.