OVILINGA 10:3 - Embimbiliya - Bíblia Sagrada em Umbundu

³ Eteke limue kekumbi eye wa mola owima. Ungelo wa Suku wa moleha, weya kokuaye, wa popia laye hati, A Korneliu.

OVILINGA 10:3 Iomraidhean Croise

OLOSAMO 55:17

Loñolosi lomele lekumbi pongunji ndi litetela loku lisiõsiõla, kuenje o yeva ondaka yange.

ETUNDILO 33:17

Yehova wa sapuila Mose hati, Eci wa popia ndi ci linga omo o kasi ciwa lame, kuenje nda kũlĩha onduko yove.

ISAYA 45:4

Mekonda liukuenje wange Yakoba, kuenda Isareli onõlĩwe yange, nda ku tukula londuko yove, nda ku luka ndaño kua ñulĩhĩle.

MATEO 27:46

Kuenje eci ca soka ndola yecea Yesu wa vilikiya londaka yinene hati, Eli, Eli, lama sabakatani? Ca lomboloka hati, A Suku yange, a Suku yange, wa njandulukila nye?

LUKA 1:11

Kuenje ungelo wa Ñala wo tukulukila, wa talama kondio yutala winsensu.

LUKA 2:13

Haico owiñi wolohoka viokilu wa kala kumue lungelo, kuenje va sivaya Suku, vati,

OVILINGA 10:17

Osimbu Petulu a kala loku tatãla vutima waye, hati, Ocinjoinjoi nda mola ca lomboloka ndati? oco alume va tumiwa la Korneliu, omo va pula ale onjo ya Siono, vava, va tãilili pombundi.

OVILINGA 10:19

Osimbu Petulu a kala loku sokolola ocinjonde oco Espiritu wa popia laye hati, Ota, alume vatatu va kasi loku ku vanjiliya.

OVILINGA 10:30

Kuenje Korneliu wa linga hati, Konyima yoloneke vikuãla, ola yilo haiyo, nda kala vonjo yange oku likutilila ohutililo yokekumbi. Ocipikipiki, kovaso ange kua moleha ulume wa wala uwalo u nina.

OVILINGA 10:9

Hẽla yaco, eci va kala vonjila, kuenje va kasi ale ocipepi limbo, oco Petulu wa londa kilu lionjo oku likutilila. Ca kala ekumbi pongunji.

OVILINGA 11:13

Eye wa tu sapuila ndomo a mola ungelo wa talama vonjo yaye, lomo ungelo a popia hati, Tuma ko Yopa, kope Simono wa tukuiwa Petulu.

OVILINGA 27:23

Momo uteke wetali kua nukulukila ungelo wa Suku yange u ndi vumba.

OVILINGA 3:1

Petulu la Yoano va kala loku lamanela konembele kola yoku likutilila, ola yaco yatatu kekumbi.

OVILINGA 5:19

Puãi pokati kuteke, ungelo wa Ñala wa yikulula apito okayike, wa vopamo kuenje wa popia hati,

OVILINGA 9:10

Vo Damasko mua kala ondonge yimue onduko yaye Ananiya. Ñala wa popia laye konjoi hati, A Ananiya. Eye hati, A Ñala, ame ulo.

OVILINGA 9:4

Oco wa kupukila posi, kuenje wa yeva ondaka ya popia laye yiti, A Saulu, A Saulu, nye o ñangisila?

VA HEVERU 1:14

Havosiko hẽ, aspiritu vakuakuvumba va tumiwila oku vumba ava va piñala eyovo?

VA HEVERU 1:4

Wa tumala tupu wa velapo ovangelo ndeci onduko a piñala ya velapo olonduko viavo.