OVILINGA 10:22 - Embimbiliya - Bíblia Sagrada em Umbundu

²² Ovo va kumbulula vati, Kesongo lietu, Korneliu, wa lunguiwa lungelo umue o kola oku ku tumila okuti wenda konjo yaye, momo o yongola yeva ondaka yove. Eye omunu wa sunguluka, haeye wa sumbila Suku, kuenje va Yudea vosi vo wimbila uvangi uwa.

OVILINGA 10:22 Iomraidhean Croise

HOSEA 14:9

Wosi ukualondunge, ovina evi viu lomboloke. Wosi wa loñolõha, a vi limbuke. Momo olonjila via Yehova via suñama kuenje vakuesunga va endelamo. Olondingãivi puãi vi kupukilamo.

HAVAKUKI 2:4

Tala! Ukuotima ka wa sungulukile o tokoka, puãi, ukuesunga o muila omuenyo kekolelo liaye, nda o kuamelela lalio.

MATEO 1:19

Kuenje omo veyaye Yosefe ukuesunga, yu ka yonguile oku u sepuisa, oco wa sokele oku u wimbapo uyombeki.

MATEO 2:12

Oco, omo va lunguiwa lonjoi okuti ka va tiukila ku Herode, va enda lonjila yiñi kofeka yavo.

MARKO 6:20

momo Herode wa kuatela Yoano usumba. Omo wa kũlĩha okuti Yoano ukuesunga haeye o kola, oco wo lava ciwa. Oco, eci o yeva, wa sakalala, puãi haimo wo yeva lonjolela.

MARKO 8:38

Momo u o ñuetele osõi vocitumbulukila cilo ca vakahongo haico ca vakuakandu, Mõlomanu u kuatelavo osõi eci eya vulamba wa Isiaye kumue lovangelo vaye va kola.

LUKA 2:25

Vo Yerusalãi mua kala ulume, onduko yaye Simeone, eye ukuesunga, haeye ukuakusumbila Suku, kuenje wa lavoka okulembelekua kua Isareli. Espiritu Sandu wa kala laye.

LUKA 23:50

Kua kala ulume umue, onduko yaye Yosefe, eye u Arimateya, imbo limue lia va Yudea, haeye wa tiama konjango yakulu. Omunu waco wa sunguluka, haeye ukuesunga.

LUKA 9:26

Momo u o ñuetele osõi kuenda o kuetele olondaka viange osõi Mõlomanu u kuatelavo osõi eci eya vulamba waye lu wa Isiaye lu wovangelo va kola.

YOANO 13:20

Mopia lene siti, Ocili, ocili, u o hindikisa umue nda tuma, ame a hindikisa, kuenje u o hindikisa ame, o hindikisa u wa numa.

YOANO 17:20

Si va likutilila ovo lika, puãi ndi likutililavo ava va laika oku ñolelela ondaka yavo,

YOANO 17:8

Momo olondaka wa nyiha nda va vi iha kuenje va vi tava, yu va kũlĩha okuti ocili, nda tunda kokuove, kuenje va kolela okuti ove wa numa.

YOANO 5:24

Mopia lene siti, Ocili, ocili, u o yeva ondaka yange, kuenje o kolela u wa numa, o kuete omuenyo ko pui. Keya koku tetuluiwa, puãi wa iluka ale vokufa, wa iñila vomuenyo.

YOANO 6:63

Espiritu olio li muisa omuenyo, etimba ka li tẽla cimue. Olondaka nda popia lene ovio espiritu, haivio omuenyo.

YOANO 6:68

Simono Petulu wo kumbulula hati, A Ñala, kulie tu enda? Ove, ove o kasi lolondaka viomuenyo ko pui.

OVILINGA 10:2

Eye omunu wa sunguluka, wa sumbila Suku kumue la vakuanjo yaye vosi, wa eca eca oviali komanu, kuenje wa tuwa oku likutilila ku Suku.

OVILINGA 10:21

Oco Petulu wa lokila kalume vaco, yu wa linga hati, Ota, ame muẽle vu kasi loku mbanjiliya. Weyilili nye?

OVILINGA 10:30

Kuenje Korneliu wa linga hati, Konyima yoloneke vikuãla, ola yilo haiyo, nda kala vonjo yange oku likutilila ohutililo yokekumbi. Ocipikipiki, kovaso ange kua moleha ulume wa wala uwalo u nina.

OVILINGA 10:33

Oco nda ku kovongela lonjanga. Wa linga ciwa omo weya. Oco cilo, etu vosi tu kasi mulo kovaso a Suku oku yeva viosi Ñala a ku iha oku popia.

OVILINGA 10:6

Wa sikila vonjo ya Simono uyaveki wovipa. Onjo yaco yi kasi konele yokalunga.

OVILINGA 11:14

Eye o popia love olondaka o popelua lavio, ove lonjo yove yosi.

OVILINGA 22:12

Ulume umue Ananiya, ukuambili yokovihandeleko, haeye va Yudea vosi va kalako va wimbila uvangi wa posoka, weya kokuange.

OVILINGA 24:15

Ame ñuete elavoko ku Suku hailio ovo va kuetevo, okuti kuli epinduko lia vakuesunga lava havakuesungako.

OVILINGA 6:3

Oco a vamanji, pokati kene nolipo alume epanduvali va kolelua, ve yuka Espiritu lolondunge, ha tu va tukuila upange waco.

VA ROMA 1:17

Momo, vondaka yaco, omo mua situlukila esunga lia Suku, kuenje, tunde kefetikilo toke kefulilo te lekolelo, ndeci ca sonehiwa okuti, Ukuesunga o muila omuenyo kekolelo.

II VA KORINDO 5:18

Cosi eci ci tunda ku Suku u wa tu inalisa kokuaye la Mitakati Yesu Kristu, kuenje wa tu kundika upange woku inalisa.

ESINUMUĨLO 30:13

Ndaño kesinya liokalunga hakoko, okuti o linga huti, Helie o tu yokila okalunga, ha tu ci nenẽla, loku tu ci yevisa, okuti tu ci linga?

I TIMOTEO 3:7

Kuenda vali wa sesamela uvangi uwa wava ka va tavele, sanga o pembuiwa kuenje o fa vonjanjo yeliapu.

VA HEVERU 10:38

Puãi Ukuesunga wange o muila omuenyo kekolelo. Nda o ci tokoka, utima wange ka u u sanjukila.

VA HEVERU 11:2

Olosekulu via mola lalio oku panduiwa la Suku.

VA HEVERU 12:23

Wa pitili kohongele yolonuñulu via sonehiwa kilu, kuenda ku Suku onganji ya vosi. Wa pitili kovilelembia via vakuesunga va puisua eko,

II PETULU 3:2

okuti wivaluki olondaka via popia ale ovaprofeto va kola, locihandeleko ca Ñala, haeye Upopeli, cina wa ci popia lovapostolo vene.

III YOANO 1:12

Ndeci Demétrio, vosi vo wimbila uvangi uwa, ndaño Ocili lacovo cu wimbila uvangi uwa. Etu letuvo tu wimbila uvangi uwa kuenje ene wa kũlĩhi okuti uvangi wetu wocili.

ESITULUILO 14:10

eye o nyuavo kovinyu ka via savele vionyeño ya Suku, evi vi li vokopo yonyeño yaye. O yambuiwa londalu lelemba liofuofuo kovaso ovangelo va kola kuenda kovaso a Kameme.