OVILINGA 1:8 - Embimbiliya - Bíblia Sagrada em Umbundu

⁸ Puãi, eci Espiritu Sandu o wili, oco vu kuata unene, kuenje vu linga olombangi viange vo Yerusalãi, lo vo Yudea yosi, lo vo Samária, kuenda toke kasulilo okilu lieve.

OVILINGA 1:8 Iomraidhean Croise

OLOSAMO 22:27

Asukiyo osi oluali a ivaluka, a pongolokela ku Yehova. Apata osi olofeka a fendela kovaso aye.

OLOSAMO 98:3

Wa ivaluka ocisola caye ka ci pui kuenda ocili caye cokepata lia Isareli. Asukiyo osi oluali a mõla eyulo lia Suku yetu.

ISAYA 42:10

Imbili Yehova ocisungo cokaliye, imbili esivayo liaye tunde kovivanja viokilu lieve. Okalunga kõle lovina viosi vi kasimo, ndaño olofeka viokokalunga lava va tungamo.

ISAYA 49:6

eye wa linga hati, Oku linga ukuenje wange okuti o katula apata a Yakoba loku tiula ocisupe ca Isareli, oco ca leluka. Hu lingisavo ocinyi cavakualofeka oco eyovo liange li kale toke kasulilo ongongo.

ISAYA 52:10

Yehova wa lekisa okuokuo kuaye ku kola ku vakualofeka viosi. Asulilo osi oluali a mõla eyovo lia Suku yetu.

ISAYA 66:19

Kuenje ñapa ondimbukiso pokati kavo. Vamue pokati kavo va popeliwa ndi va tuma kolofeka, ko Tarsisi, ko Pulu kuenda ko Ludia, kuava va nãla ohonji, kuenda ko Tuvale lo ko Yavana, kuenda kolofeka viokokalunga kupãla, vina ka via la yeva oluhimo luange, pamue oku mõla uwale wange; kuenje va sapuila vakualofeka ulamba wange.

YEREMIYA 16:19

A Yehova, a Ngusu yange, a Cikolo cange, a Civundilo cange keteke liohali, olofeka viosi, tunde kasulilo okilu lieve, viya kokuove, kuenje vi linga viti, Ovina viosi vaisietu va piñala viuhembi lika, haivio viesanda, ka vi kuatisa cimue.

MIKA 3:8

Puãi ame, ame nde yuka ongusu. Ñasi le Espiritu lia Yehova, ñasivo lesunga kuenda olohõlo vioku sapuila Yakoba okulueya kuaye, kuenda Isareli ekandu liaye.

SAKARIYA 4:6

Oco wa popia lame hati, Ondaka ya Yehova ku Seruvavele yeyi, hati, Halokuyakako, pamue lunene, te le Espiritu liange. Oco ca popia Yehova Ukualohoka.

MATEO 24:14

Kuenje ondaka eyi yiwa yusoma yi kundilua kuoha koluali, ha yi lingi uvangi kolofeka viosi, oco esulilo liya noke.

MATEO 28:19

Oco kuendi, ka tavisi olofeka viosi oco va linge olondonge. Va papatisili vonduko ya Tate la Mõla, kuenda Espiritu Sandu.

MARKO 16:15

Kuenje wa popia lavo hati, Kuendi kuosi kilu lieve. Kundi ondaka yiwa koviluvo viosi.

LUKA 1:35

Ungelo wo kumbulula hati, Espiritu Sandu o ku wila, lunene wa Tõlo u ku tuvika. Oco omõla o citiwa o tukuiwa O kola, Eye Mõla a Suku.

LUKA 10:19

Kũlĩhi okuti ndo wihi unene woku kosa olonyoha lanyenya, lowu woku nyõla ongusu yosi yunyali. Lacimue cu lingi lãvi.

LUKA 24:29

ovo puãi vo lipilikila vati, Lala letu, momo ekumbi lia enda ale, ndopo ku tekava. Oco wa iñila oku lala lavo.

YOANO 15:27

Ene vu njimbilavo uvangi, momo wa kaili lame tunde kefetikilo.

OVILINGA 1:22

oku fetikila kepapatiso lia Yoano toke keteke opiwa pokati ketu, oco ca sesamela umue wavo oku kala letu ha imbi uvangi wepinduko liaye.

OVILINGA 1:5

Momo Yoano wa papataisa lovava, puãi ene, kovaso yoloneke vimue ño, vu papatisiwa le Espiritu Sandu.

OVILINGA 13:31

kuenje oloneke via lua, a limolehisa kuava va enda laye eci a tunda ko Galilea oku iya ko Yerusalãi, haivo cilo va linga olombangi viaye komanu.

OVILINGA 2:32

Yesu u-u, Suku a pindula, etu vosi tulombangi viaco.

OVILINGA 22:15

Momo ove o linga ombangi yaye. Ovina wa mola levi wa yeva o vi imbila uvangi komanu vosi.

OVILINGA 3:15

Oco, ene wa ipayi usovoli womuenyo, Suku puãi wo pindula ku vakuavilangu. Eci, etu muẽle tua cimbila uvangi.

OVILINGA 4:33

Ovapostolo va imbaimba uvangi wepinduko lia Ñala Yesu lunene wa lua. Ocali ca lua ca va wila vosi.

OVILINGA 5:32

Etu tulombangi violondaka viaco. Espiritu Sandu, una Suku a eca komanu vosi va pokola kokuaye, layevo ombangi.

OVILINGA 6:8

Stefano, eye omunu we yuka ocali ca Suku kuenda unene, wa linga ovikomo kuenda ovilimbu vinene pokati komanu.

OVILINGA 8:1

Saulu wa tava kokufa kuaye. Oco keteke liaco kueya ekangiso lia lua kekongelo lio vo Yerusalãi, kuenje vosi va sandokaila volofeka via Yudea la Samária te lika ovapostolo.

VA ROMA 10:18

Puãi ndi pula siti, Ka va yevele hẽ? Va yeva muẽle, momo, Esapulo liao lia pitila kolofeka viosi, olondaka viao kesulilo lioluali luosi.

VA ROMA 15:19

lunene wovilimbu, lovikomo, lunene we Espiritu Sandu, Kristu a talavaya lavio viosi, okuti tunde ko Yerusalãi, ñuale-e toke ki Iliriku, nda sapula cosi condaka yiwa ya Kristu.

VA KOLOSAI 1:23

Okuinalisa kuaco kuiya nda vu pandikisa vekolelo, okuti vu sevetiwa cocili loku pama, kuenje ka vu tundi kelavoko li kasi vondaka yiwa, yina wa yevi, haiyo ya kundiwila omanu vosi voluali. Lamevo ndi Paulu ñasi loku yi kunda kunda.