OVILINGA 1:3 - Embimbiliya - Bíblia Sagrada em Umbundu

³ Kovaso yotokua yaye wa limolehisa kokuavo lomuenyo akui akuãla koloneke. Wa limolehisa okuti ka tatãliwa kuenje wa popia lavo ovina viusoma wa Suku.

OVILINGA 1:3 Iomraidhean Croise

I OLOSOMA 19:8

Wa pasuka, wa lia, wa nyua kuenje wa enda longusu yokulia kuaco akui akuãla kovotanya lakui akuãla kovoteke, toke ko Horeve omunda ya Suku.

MATEO 21:43

Oco mopia lene siti, Usoma wa Suku upiwa kokuene kuenje weciwa kofeka yima apako awo.

MATEO 28:9

Kuenje tala, Yesu wa ñualehela lavo, hati, Kalungi. Ovo vamako, vo kuata kolomãi kuenje vo fendela.

MATEO 3:2

Likekembeli akandu ene momo usoma wokilu u kasi ocipepi.

MATEO 4:2

Wa likandangiya okulia akui akuãla kovotanya lakui akuãla kovoteke, kuenje noke wa lambuka.

MARKO 16:19

Oco Ñala Yesu, eci a mala oku popia lavo, wa yeluiwa vilu, kuenje wa tumala kondio ya Suku.

YOANO 20:26

Eci pa pita oloneke ecelãla olondonge viaye via kala vali vonjo, kuenje Tomasi wa kala kumue lavo. Apito a yikiwa, puãi Yesu weya, wa talama pokati kavo, kuenje wa popia hati, Ombembua yi kale lene.

YOANO 21:1

Kovaso yovina evi Yesu wa limolehisa vali kolondonge viaye kokalunga ka Tibéria. Wa limolehisa ndomo:

YOANO 21:14

Eyi oyo onjanja yatatu Yesu a limolehisa kolondonge, eci a pinduka ku vakuavilangu.

OVILINGA 13:31

kuenje oloneke via lua, a limolehisa kuava va enda laye eci a tunda ko Galilea oku iya ko Yerusalãi, haivo cilo va linga olombangi viaye komanu.

OVILINGA 19:8

Oco Paulu wa iñila vosunangonga kuenje wa kunda kunda lutõi olosãi vitatu. Wa likumbulula lomanu kuenje wa toñomãla loku va lomboluila usoma wa Suku.

OVILINGA 28:23

Oco, eci vo tukuila eteke, va lua veya kokuaye vonjo omo a sikila, yu wa va lomboluila ondaka yaco. Wa imbila usoma wa Suku uvangi kovaso avo, kuenje wa seteka oku va tavisa ku Yesu, poku upa olondaka kovihandeleko via Mose kuenda kovaprofeto. Wa ci linga tunde omele toke oñolosi.

OVILINGA 28:31

Wa kunda kunda usoma wa Suku, kuenje wa longisa ovina via Ñala Yesu Kristu lutõi, kuenje lomue wo timbuiya.

OVILINGA 8:12

Puãi eci va tava kondaka yiwa ya kunda Filipu, eyi yi lombolola Usoma wa Suku kuenda Onduko ya Yesu Kristu, oco, lalume lakãi va papatisiwa.

VA ROMA 14:17

Momo usoma wa Suku hakuliako loku nyua, te esunga lombembua kuenda esanju ve Espiritu Sandu.

ESINUMUĨLO 9:18

Oco nda lituvika posi kovaso a Yehova ndeci nda lingile ale, kuenje haipo nda kala akui akuãla kovotanya lakuĩ akuãla kovoteke. Sia lile okulia ndaño oku nyua ovava, momo wa wenguli onyeño ya Yehova poku u lingila akandu alua levĩho lialua.

ESINUMUĨLO 9:9

Eci nda londa komunda oku tambula ovitale viovawe, okuti ovitale vi kuete ocisila cina Yehova a lisila lene, oco nda kala komunda akuĩ akuãla kovotanya lakuĩ akuãla kovoteke. Sia lile okulia ndaño oku nyua ovava.

VA KOLOSAI 1:13

Wa tu popela kuviali wowelema. Wa tu sondoluila kuviali w'Omõlaye wa soliwa.

I VA TESALONIKE 2:12

coku endaenda ndeci ca sungulukila Suku, u wo kovongeli kusoma waye lo kulamba waye.

I YOANO 1:1

Tu kasi loku vu sonehela oku vu lomboluila cimue condaka yomuenyo ci kasi tunde kefetikilo. Etu tua ci yeva, kuenda tua ci mola lovaso etu, tua ci tala, Kuenda tua ci lamba lovaka etu.