OVILINGA 1:2 - Embimbiliya - Bíblia Sagrada em Umbundu

² toke keteke a tambuiwa kilu. Osimbu ka tambuiwile kilu, oku popia ondaka Espiritu o wiha, wosika ovapostolo vaye vana a nola.

OVILINGA 1:2 Iomraidhean Croise

ISAYA 42:1

Tala ukuenje wange u ndu vetatela, onoliwe yange, utima wange wo sanjukila. Ndo wĩha Espiritu liange, eye o longisa olofeka esunga.

ISAYA 48:16

Kokeli ocipepi lame, yeveleli eci: Tunde kefetikilo sia popele uyombeki, tunde kefetikilo liaco haiko ñasi. Kaliye Ñala Yehova wa numa, haicovo Espiritu liaye.

ISAYA 61:1

Espiritu lia Ñala Yehova lia mbuila, momo Yehova wa mbuavekela oku kundila vakuahali ondaka yiwa. Wa numa oku petula ava va teka itima, loku sapula eyovo kolohute loku pandulula ava va pandekua,

MATEO 12:28

Puãi nda ame ndi tundisa ovilũlu le Espiritu lia Suku oco usoma wa Suku weyale kokuene.

MATEO 3:16

Tuli Yesu a papatisiwa haico a tunda vovava kuenje ilu lio situlukila, yu wa mola Espiritu lia Suku li loka ndopomba kuenje lio vata.

MARKO 6:30

Ovapostolo va liongoluila ku Yesu kuenje vo sapuila ovina viosi va linga, lovina viosi va longisa.

LUKA 24:51

Oco, eci a kala loku va sumũlũisa eye wa litepa lavo, kuenje wa yeluiwa kilu.

LUKA 9:51

Eci oloneke viaye vioku tambuiwa kilu via kala ocipepi oco wa panga lutima waye wosi oku enda ko Yerusalãi.

YOANO 1:16

Kuenje etu vosi tuopa keyuko liaye, ocali kocali.

YOANO 13:1

Oco, osimbu ofesta yo Pascoa ka ya fetikile, Yesu wa kũlĩha ale okuti ekumbi liaye lioku tunda voluali lulo ha endi ku Isia, lieya. Ava va kala vaye muẽle voluali lulo wa va sola, kuenje wa va sola muẽle toke kefulilo.

YOANO 13:18

Si kasi loku vu vanguila vosi, ava nda nola ndi vai. Puãi ocisonehua ci lingiwe, cina ca linga citi, U wa lia lia ombolo yange eye wa njeluila ocisendemãi.

YOANO 13:3

Kuenje Yesu wa kũlĩha okuti Isia wa kundika ovina viosi povaka aye, kuenda okuti, ndeci a tunda ku Suku, haico a enda ku Suku.

YOANO 16:28

Nda tunda ku Isia, kuenje ndeya voluali, cilo nunda voluali kuenje ngenda ku Isia.

YOANO 17:13

Puãi cilo njiya kokuove, kuenje ovina evi ndi vi popela voluali, okuti onjolela yange yi telisiwila vokuavo.

YOANO 20:17

Yesu wa popia laye hati, Ku ka ndambe momo sia londele handi ku Tate. Puãi kuende ku vamanji, ka popie lavo, huti, Ñala hati, Ndonda ku Tate kuenda ku Isiene, ndonda ku Suku yange kuenda ku Suku yene.

YOANO 20:21

Yesu wa popia vali lavo hati, Ombembua yi kale lene. Ndeci Isia a numa haico ndu tumi.

YOANO 3:34

Momo u Suku a tuma o popia olondaka via Suku. Momo Suku ka eci Espiritu lonjongo.

YOANO 6:62

Nda oco, vu sima nye nda vu mola Mõlomanu o li loku londa oko a tundile?

YOANO 6:70

Yesu wa va kumbulula hati, Sio noleli hẽ ekui liomanu komanu vavali, kuenje umue pokati kene eliapu?

OVILINGA 1:11

Va linga vati, Alume va Galilea, nye vu tãilili oku vanja vilu? Yesu u wopiwa pokati kene, yu wa yeluiwa kilu, ndeci wo moli oku enda kilu, haico eya vali.

OVILINGA 1:13

Eci va iñilamo va londa kosapalalo oko va singa. Ava va kalamo vava, Petulu la Yoano la Tiago la Andereu, Filipu la Tomasi, Bartolomeu la Mateo, Tiago omõla a Alfeo, la Simono Kambili, kuenda Yuda omõla a Tiago.

OVILINGA 1:22

oku fetikila kepapatiso lia Yoano toke keteke opiwa pokati ketu, oco ca sesamela umue wavo oku kala letu ha imbi uvangi wepinduko liaye.

OVILINGA 1:9

Eci a popia ovina evi, osimbu va kala loku vanja, oco wa yeluiwa, kuenje elende lio tikuila kovaso avo.

OVILINGA 10:38

Wa yevivo ndomo Suku a waveka Yesu u Nasara le Espiritu Sandu kuenda unene. Wa kũlĩhi ndomo eye Yesu a ñuala ñuala oku linga ciwa loku sakula vosi va kuetiwe lunene weliapu, momo Suku wa kala laye.

VA GALATIA 1:1

Ame ndi Paulu ndupostolo. Sia noliwile lomunu. Sia tumbikiwile lomunu. Ndupostolo omo nda noliwa la Yesu Kristu kuenda la Suku Isia, u wo pindula kuava va fa.

VA EFESO 2:20

Ociseveto cene ovapostolo lovaprofeto, ewe liaco lievindi Kristu Yesu.

I TIMOTEO 3:16

Tua tava okuti, ocili muẽle, okulonga kuondaka yi kola yetavo li koka oku tuwa nda Suku, ku komohisa. Eye wa tukuluisua letimba. Wa tetuluiwa le Espiritu okuti ukuesunga. Wa muiwa lovangelo. Wa sapuiwa ku vakualofeka. Wa taviwa kilu lieve. Wa tambuiwa kilu kulamba.

VA HEVERU 9:24

Momo Kristu ka iñilile vocitumalo ci kola ca tungiwa lovaka, haico ca setahala eci cocili, puãi wa iñila kilu muẽle, cilo o tu molehela kovaso a Suku.

I PETULU 3:22

Yesu Kristu wa enda kilu, yu o kasi kondio ya Suku, kuenje ovangelo lolombiali lolosoma via tiamisua kokuaye.

II PETULU 3:2

okuti wivaluki olondaka via popia ale ovaprofeto va kola, locihandeleko ca Ñala, haeye Upopeli, cina wa ci popia lovapostolo vene.

ESITULUILO 1:1

Elivulu eli esituluilo lia eciwa la Suku ku Yesu Kristu. Wa li eca oku lekisa kakuenje vaye ovina vi laika oku iya ndopo. Wa tuma ungelo waye oku vi situluila kukuenje waye Yoano.

ESITULUILO 2:11

U o kasi lovatui a yevelele eci Espiritu li popia lakongelo. U o yula, okufa kuavali ka ku u nyõli.

ESITULUILO 2:17

U o kasi lovatui a yevelele eci Espiritu li popia lakongelo. U o yula ndu wiha yimue ko mana yina ya solekiwa. Ndu wihavo ewe li yela, kuenje kewe liaco kua sonehiwa onduko yokaliye, lomue o yi, te u o yi tambula.

ESITULUILO 2:29

U o kasi lovatui a yevelele eci Espiritu li popia lakongelo.

ESITULUILO 2:7

U o kasi lovatui a yevelele eci Espiritu li popia lakongelo. U o yula ndu lisa kepako liuti womuenyo u kasi vocumbo ca Suku.

ESITULUILO 21:14

Ocimbaka cimbo ca kala loviseveto ekui la vivali. Koviseveto viaco kua sonehiwa olonduko ekui la vivali viovapostolo ekui la vavali va Kameme.

ESITULUILO 3:13

U o kasi lovatui a yevelele eci Espiritu li popia lakongelo.

ESITULUILO 3:16

Oco, omo wukuakalendewuya, ndokuti oku tokota kua tokotele, ndaño oku talala kua talalele, oco hu siya vomẽla yange.

ESITULUILO 3:22

U o kasi lovatui a yevelele eci Espiritu li popia lakongelo.