OVILINGA 1:16 - Embimbiliya - Bíblia Sagrada em Umbundu

¹⁶ Ene a vamanji, ocisonehua cina condaka ya popia ale Espiritu Sandu lomẽla wa Daviti, haiyo ya tukula Yuda una wa songuila ava va kuata Yesu, ka ci tava okuti ka ci lingiwa.

OVILINGA 1:16 Iomraidhean Croise

II SAMUELE 23:2

Espiritu lia Yehova li popia, ame ndinga Mitakati. Ondaka yaye yi kasi kelimi liange.

II OLOSOMA 15:12

Eyi oyo ondaka ya Yehova yina a popele la Yehu hati, Toke kocitumbulukila cakuãla omãla vove va tumãla kocalo ca Isareli. Kuenje ceya ocili.

OLOSAMO 41:9

Ndaño ekamba liange nda kolela, haeye wa lia lia ombolo yange, eye muẽle wa njeluila ocisendemai.

MATEO 26:14

Oco umue pekui la vavali, haeye Yuda Isikariote, wa enda kovitunda vinene.

MATEO 26:47

Osimbu a kala loku popia, Yuda, umue pekui la vavali, weya. Weya lowiñi wa lua wava va tumiwa lovitunda vinene lakulu vofeka. Vambata olosipata lolombueti.

MATEO 26:54

Puãi nda oco, ovisonehua hẽ, vi tẽlisua ndati? Momo via popia viti, Ci lingiwa ndoco.

MATEO 26:56

Puãi eci cosi ci kasi ndoco okuti oco ovisonehua viovaprofeto vi lingiwe. Oco olondonge viosi vio sia kuenje via tila.

MARKO 12:36

Eye muẽle Daviti, wa popia la Espiritu Sandu hati, Ñala wa popia la Ñala yange hati, Tumala kondio yange, toke ndinga ovanyali vove ocilatelo colomãi viove.

MARKO 14:43

Osimbu a kala loku popia, haico Yuda eya, haeye umue pokati kekui liaco la vavali. Weya lowiñi wambata olosipata lolohunya, wa tunda kovitunda vinene lo ku vakuavisonehua lo kakulu.

LUKA 22:47

Eci a kala loku popia kueya owiñi. U wa tukuiwa Yuda, haeye umue pekui la vavali, eye wa va pitila kovaso. Wa amela ocipepi la Yesu ho sipula.

YOANO 10:35

Nda omanu va yeva ondaka ya Suku va tukuiwa olosuku, kuenje ka ci tava oku nyõla ocisonehua,

YOANO 13:18

Si kasi loku vu vanguila vosi, ava nda nola ndi vai. Puãi ocisonehua ci lingiwe, cina ca linga citi, U wa lia lia ombolo yange eye wa njeluila ocisendemãi.

YOANO 17:12

Osimbu ame nda kala lavo, nda va lavela vonduko yove eyi wa nyiha. Nda va vetatela, kuenje pokati kavo lomue wa nyõlehapo te omõla enyõleho, oco ocisonehua ci lingiwe.

YOANO 19:36

Ovina evi via lingiwila oku tẽlisa ocisonehua cina ca linga citi, Lalimue ekepa liaye li teyiwa.

OVILINGA 1:20

Momo velivulu liolosamo mua sonehiwa hati, Ocilombo caye ci linge epile. Lomue ka ka tungemo. Mua sonehiwavo hati, Umue wiñi a tambule omangu yaye.

OVILINGA 13:15

Kovaso yoku tanga ovihandeleko lovaprofeto oco akulu vosunangonga va tuma kokuavo vati, Akuetu, nda vu kuete ondaka yoku lungula, kundi ño.

OVILINGA 13:38

Oco akuetu, limbuki okuti komunu waco oko ku u sapuilui ongecelo yakandu,

OVILINGA 15:13

Eci va liweka Tiago wa kumbulula hati, A vamanji, njeveleli.

OVILINGA 15:7

Oco, eci va lihoya ca lua, Petulu wa votoka kuenje wa popia lavo hati, Ene a vamanji, ene vu ci okuti, tunde koloneke viefetikilo, Suku pokati kene wa nolapo ame okuti, komẽla wange, oko vakualofeka va yevela ondaka yiwa, kuenje va yi tava.

OVILINGA 2:23

Yesu yaco, haeye wa pakuiwa ndocipango ca Suku co tukuiwila ale, kuenje Suku wa ci kũlĩha, ene muẽle wo valelisi kekulusu, kuenje wo wipaisi lovaka omanu ka va kasi lovihandeleko.

OVILINGA 2:37

Oco, eci va ci yeva va tomiwa vovitima, kuenje va popia la Petulu lovapostolo vakuavo, vati, Akuetu, tu linga nye?

OVILINGA 22:1

A vamanji, lene vu vo tate, yeveleli uvangi wange ndi popia lene cilo.

OVILINGA 23:1

Paulu wa imba ovaso konjango, kuenje wa popia hati. A vamanji, omuneyo wange wosi nda vumba Suku lutima wa pua eko toke etaili lilo.

OVILINGA 23:6

Puãi, eci Paulu a limbuka okuti vamue va Sandukeo, kuenda vamue va Fariseo, oco a popia lonjango lolukandi hati, Akuetu, ame ndu Fariseo, haime ndimõla a va Fariseo. Ñasi loku sombisilua elavoko liepinduko lia vakualufa.

OVILINGA 28:17

Oco eci pa pita oloneke vitatu wa pañinya akulu va va Yudea va kalako. Eci va liongolola eye wa popia lavo hati, Akuetu, ndaño sia lingile omanu vetu cimue, pamue oku sama ovihõlo viavakukululu, haimo ko Yerusalãi va makuila povaka a va Roma.

OVILINGA 28:25

Eci ka va litavelele pokati kavo, leci Paulu a popia lavo ondaka yimuamue, oco va enda. Ondaka ya popia Paulu yeyi, Espiritu Sandu wa popia ciwa kolosekulu vietu lomẽla wuprofeto Isaya eci a linga hati,

OVILINGA 7:2

Stefano wa kumbulula, hati, Ene akuetu, lene alosekulu, njeveleli, Suku ukuolamba wa tukulukilile ku kukululu yetu, Avirahama, cina a kaile vo Mesopotamia, osimbu ka tungile handi vo Harana.

I PETULU 1:11

Va puliliya oku kũlĩhisa ndomo ci kala, kuenda otembo ye ya tukuiwa le Espiritu lia Kristu, lina lia kala loku talavaya vokati kavo, eci lia imba owanji wotokua ya Kristu kuenda ulamba u yi kuama.

II PETULU 1:21

momo la-umue owanji wovaprofeto weya locipango comunu, puãi omanu va kola va vetiyiwa le Espiritu Sandu va popia ondaka ya tunda ku Suku.

II PETULU 2:21

Momo ovo, hise nda ka va kũlĩhile onjila yesunga, oku konyoha ocihandeleko ci kola ca eciwa kokuavo, haico va ci kũlĩha ale, oco cĩvi enene.