OVADIYA 1:7 - Embimbiliya - Bíblia Sagrada em Umbundu

⁷ Akamba vove vosi va ku limbika, va ku lupuisila toke kongave. Vana va linãla love va ku pakula. Akamba vove va koleliwa va ku tela onjanjo. Ndomo ca pita ka mua lombolokele.

OVADIYA 1:7 Iomraidhean Croise

OLOSAMO 41:10

Ove puãi, a Yehova, ndinge ohenda mbotole, okuti ndi va fetuluinya.

OLOSAMO 41:9

Ndaño ekamba liange nda kolela, haeye wa lia lia ombolo yange, eye muẽle wa njeluila ocisendemai.

ISAYA 27:11

Eci ovianja viaco vi kukuta kuenje vi teka, oco akãi va vi tiaña, kuenje va vi siakãla, Omo omanu vaco ka va kuete olondunge, oco u wa va lulika ka va kuatela ohenda, kuenje u wa va sovola ka vamẽla.

YEREMIYA 20:10

Njevite okuloñola kua lua. Kolonẽle viosi ku li eci ci lingisa usumba. Akamba vange vosi vati, U sokoli, letu tu u sokolavo!— Va ndavulula nda he ñupuka, vati, Mbi o limbikiwa oco tu u yula, kuenje tu u fetuluinya.

YEREMIYA 30:14

Vosi va ku solele va ku ivala, ka va ku pula pula vali. Omo evĩho liove lia lua kuenda akandu ove a lova, oco nda ku tota ombole ndunyãli kuenje nda ku yambula ndunyãli ka kuete ohenda.

YEREMIYA 38:22

Nda mõla akãi vosi va siala vonjo ya Soma ya Yuda okuti va kasi loku upiwamo loku eciwa kolombuale via Soma ya Bavulono. Kuenje akãi vaco va popia vati, Akamba vove va koleliwa va ku kemba loku ku lingisa, kuenje cilo, omo olomãi viove via fa vonata, oco va ku sia.

YEREMIYA 4:30

Kaliye, ove wa nyolẽha, ove wa sima ndati eci o wala ohusu leci o limiangulula lovingẽlengẽle viulu loku vokiya ovaso ove lolotinda? Momo o likavisa ño. Olombaisi viove via ku sepula, via sanda omuenyo wove.

YEREMIYA 49:7

Owanji wa imbiwila Edome. Ca popia Yehova Ukualohoka, ceci, hati, Vo Temane nga ka muli vali olondunge? Alungulo a vakualondunge hẽ a imũha? Olondunge viavo nga via takata?

ASIÕSUILO 1:19

Nda kovongele vakuacisola cange, puãi va ñemba. Ovitunda viange lakulu vange va nyõlehẽla vimbo osimbu va sanda okulia ha va tati omuẽnyo.

HOSEA 13:13

Olongembia ndeci viukãi o kasi loku cita vio kuata. Eye puãi oñaña ya huka. Momo otembo ya pitila puãi ka yiya konjila yoku citiwa.

HOSEA 7:11

Efarimi wa soka ndopomba, wa wulua, ka kuete olondunge, O vilikiya Egito, enda ka Asuria.

YOANO 13:18

Si kasi loku vu vanguila vosi, ava nda nola ndi vai. Puãi ocisonehua ci lingiwe, cina ca linga citi, U wa lia lia ombolo yange eye wa njeluila ocisendemãi.