OVADIYA 1:18 - Embimbiliya - Bíblia Sagrada em Umbundu

¹⁸ Onjo ya Yakoba yi linga ondalu, lonjo ya Yosefe yi linga ulienge, kuenda onjo ya Esau yi linga ovinene. Va va yoka loku va mãla pe. Ka ku supi ndaño umosi kepata Ha Esau. Momo Yehova wa popia.

OVADIYA 1:18 Iomraidhean Croise

II SAMUELE 19:20

Omo nda limbuka okuti nda lueyele. Oco ndeyilila etali okuti kepata liosi lia Yosefe ame tete ñualehela love, u cime cange.

ETUNDILO 5:12

Oco omanu va sandukila kuosi kofeka ye Egito oku sanda asĩla owangu oku luvikiya owangu.

ISAYA 10:17

Ocinyi ca Isareli ci linga ondalu, kuenda U waye o kola o linga ulienge, kuenje u yoka loku lia olosongo viaye kuenda olosanyanya viaye veteke liongongo.

ISAYA 31:9

Ewe liaye limũha locinjoko. Olosayendo viaye vi tila epandela loku luluma. Oco ca popia Yehova, ondalu yaye yi li vo Siono, ofolono yaye yi li vo Yerusalãi.

ISAYA 47:14

Tala, va soka ndovinene, ondalu yi va lia. Ka va tẽla oku lipopela kongusu yulienge wondalu. Ondalu eyi handaluko yoku yota pamue yoku suñinyila.

ISAYA 5:24

Oco ndeci ulienge wondalu u lia ofukutu pamue owangu u linga etiko vulienge, haico olumbombo luavo lu vola, kuenda onẽlẽho yavo yi linga oneketela. Momo va likala okulonga kua Yehova Ukualohoka, haivo va pembula ondaka yu o kola wa Isareli.

ISAYA 9:18

Momo evĩho li taima ndondalu, yi lia olosanyanya kuenda olosongo; yi timĩha ovisaki kuenje vi tumũha avonge owisi.

ISAYA 9:19

Ofeka yi pia lonyeño ya Yehova Ukualohoka; omanu vaco va linga ndolohui viondalu, lomue o tava oku popela ndaño manjaye.

YEREMIYA 11:23

Pokati kavo lomue o sialapo. Momo va Anatote ndi va nenẽla cĩvi vunyamo weyambulo liavo.

ESEKIELE 37:16

A Mõlõmunu, nyañula uti umue, sonẽhãko huti, Yuda lomãla va Isareli va tiama kokuaye. Noke nyañula uti ukuavo, sonẽhako huti, Yosefe, uti wa Efarimi lepata liosi lia Isareli li tiama kokuaye.

ESEKIELE 37:19

ove, popia lavo huti, Ca popia Ñala Yehova ceci, hati, Tala, ame ndopo nyañula uti wa Yosefe lapata a Isareli a tiama kokuaye, una u kasi peka lia Efarimi, nokeka lawo uti wa Yuda ha vi lingila uti umosi peka liange.

YOELI 2:5

Ndeci ci yevala onjuvungo yakãlu ovita, pamue okuõla kuovilienge viondalu yi lia ovinene vovapia otiliku, haico ci yevala okulupuka kuavo kolomunda. Veya ndolohoka via pama via malẽhẽla oku yaka.

AMOSI 1:8

Ñundula olonungi via Asidode. Ñundulavo u o kuete epangati liuviali wa Asikelone. Mongoluila eka liange ke Ekerone. Lava va supa ku va Filisiti va nyõlẽha. Oco ca popia Ñala Yehova.

AMOSI 5:15

Suvuki evĩho. Soli esunga. Kali lesunga kolombundi, sanga Yehova Suku yovailu o linga ohenda ocisupe ca Yosefe.

AMOSI 6:6

haivo va nyuila ovinyu polombasiya kuenje va liwaveka lulela wa velapo, puãi okunyõlẽha kua Yosefe ka va ku sumuĩla,— ngongo yavo!

OVADIYA 1:16

Momo ndeci wa nyuila komunda yange yi kola, haico olofeka viosi via ku ñuala vi nyuanyua. Vi nyua, kuenje vi nyengenga, vi linga ndomanu ka va la kala lomuenyo.

MIKA 5:8

Kuenda ocisupe ca Yakoba ci kala vokati kolofeka. Ci kala pokati komanu va lua ndohosi pokati kovinyama viovusenge, pamue ndeyove liohosi pokati koviunda violomeme; nda li pitamo li vi kosa, lisuvolola, kuenje ka kuli u o vi popela.

NAHUMI 1:10

Va liwa ndolosongo via litanga. Va pia ndovisaikiti via kukuta.

SAKARIYA 12:6

Eteke liaco ndingisa vakuapata a Yuda ndondalu yovusenge, pamue ndumĩhi kasita. Kondio lokepĩli va nyõla omanu vosi va va ñuala, osimbu Yerusalãi yi kala vali vocitumãlo cayo muẽle, cokuti vo Yerusalãi.

MALAKIYA 4:1

Momo, tala, kuiya eteke li taima ndofolono, kuenje vosi vakuakulipanda lava va linga lãvi va linga ndasila otiliku. Eteke liaco li kasi oku iya li va yoka, kuenje kokuavo ka ku siala ndaño olumbombo, ndaño ocanja. Oco ca popia Yehova Ukualohoka.

I VA KORINDO 3:12

Nda umue o tungila kociseveto caco ulu, pamue opalata, pamue ovawe a tĩla, pamue oviti, pamue owangu, pamue ovisila viaño,