OVADIYA 1:17 - Embimbiliya - Bíblia Sagrada em Umbundu

¹⁷ Puãi komunda ya Siono ku kala vamue va puluka, kuenje ku kola. Epata lia Yakoba li kala vali lovikuata vialio muẽle.

OVADIYA 1:17 Iomraidhean Croise

OLOSAMO 69:35

Momo Suku o popela Siono, loku tungisa vali ovaimbo a Yuda. Kuenje omanu vaye va tungamo loku a piñala.

ISAYA 1:27

Siono li yovuiwa lesunga, kuenda omanu vaco ava va litavela va yovuiwa lesunguluko.

ISAYA 4:2

Keteke liaco ocinjovelela ca Yehova ci posoka lulamba, kuenje epako liofeka li linga eposo lia va Isareli ava va puluka; li lingavo ulamba wavo.

ISAYA 46:13

Okuyula kuange ku kasi ocipepi, ka ku kasi kupãla, kuenje eyovo liange ka li pañela. Ñapa eyovo liange vo Siono. Isareli ndu wĩha ulamba wange.

ISAYA 60:21

Omanu vove vosi va linga vakuesunga; va piñala ño hũ ofeka. Va linga ndomeko nda tuika, pamue ndupange wovaka ange okuti muĩsua ulamba.

ISAYA 65:9

Ku Yakoba njupa ombuto kuenda ku Yuda njupa vakapiñala kolomunda viange. Ava va nolĩwa lame va piñalãko, lakuenje vange va tungako.

YEREMIYA 31:23

Ca popia Yehova Ukualohoka, Suku ya Isareli, ceci, hati, Eci ndi va tiula kumandekua wavo, oco vofeka ya Yuda kuenda vovaimbo ayo mu yevala vali olondaka evi, viti, Anjo yesunga, amunda yi kola! Yehova a ku sumuluise.

YEREMIYA 44:14

Kocisupe ca va Yuda ceya oku tunga vofeka ye Egito lomue o puluka. Lomue o supapo okuti o tiukila vofeka ya Yuda omo va livela oku tiukila loku tungamo. Momo ka va tiukila muẽle te lika vamue vañamiñami va yomboloka.

YEREMIYA 44:28

Ava va puluka kosipata va tunda vofeka ye Egito kuenje va tiukila kofeka ya Yuda, puãi va kala vañamiñami lika. Kuenje noke ocisupe cosi ca Yuda ceya ke Egito oku tungako, ci kũliha ondaka ya linga yocili, nda yange, nda yavo.

YEREMIYA 46:28

A Yakoba, okuenje wange, ku ka kuate usumba; momo ame ñasi love. Nyõla pe olofeka viosi oko nda ku sandui lile, ove puãi siu ku nyõli. Hu yambula ndeci wa soka laco. Si tava okuti o puluka eyambulo. Oco ca popia Yehova.

ESEKIELE 36:12

Ocili muẽle ngendisa omanu vange kokuene, okuti omanu vange va Isareli. Ovo vo fuki, ene vu lingi ocipiñalo cavo, ene ka vu va pumbisa vali omãla.

ESEKIELE 7:16

Ndaño vamue va puluka, va kala kolomunda ndolopomba viovimbota. Vosi va leñaila, omunu evĩho liaye, omunu evĩho liaye.

DANIELE 7:18

Puãi olosandu via Tõlo vi tambula usoma, haivio vi kala hũ lusoma waco oloneke ka vi pui.

YOELI 2:32

Kuenje vosi va tukula onduko ya Yehova va popeliwa. Momo vomunda Siono kuenda vo Yerusalãi mu kala ava va popeliwa, ndeci Yehova a popia. Pokati kava va popeliwa pa kala ava va kovongiwa la Yehova.

YOELI 3:17

Oco vu kũlĩha okuti ame Yehova, ame Suku yene, haime nda tunga vomunda yange yi kola Siono. Kuenje Yerusalãi li linga imbo li kola. Vakualofeka lalimue vali eteke va pitamo.

YOELI 3:5

Momo wambati opalata yange lulu wange, kuenda evi viange via posoka ndi vi sole wa vi kapi volonembele viene.

AMOSI 9:8

Ota! Ovaso a Ñala Yehova a kasi kuviali waco wevĩho. Ndu nyõla kilu lieve, puãi si nyõli pe epata lia Yakoba. Oco ca popia Yehova.

SAKARIYA 8:12

Momo mbuaya ombembua loku salala. Uyuva wima epako liawo losi yeca ovaima ayo. Kovailu ku loka owume. Kuenje muisa ocisupe comanu ava ovina evi viosi.

SAKARIYA 8:3

Yehova hati, Niukila ko Siono. Numãla vokati ka Yerusalãi. Kuenje Yerusalãi yi tukuiwa Imbo liesunga, lomunda ya Yehova Ukualohoka yi tukuiwa Omunda yi kola.

ESITULUILO 21:27

Lacimue ca vĩha ci iñilamo, ndaño yu o lingainga lãvi pamue uhembi, te ava va sonehiwa velivulu liomuenyo lia Kameme.