OVADIYA 1:12 - Embimbiliya - Bíblia Sagrada em Umbundu

¹² Puãi ka ca sungulukile ndomo wa fuanguila manjove keteke liohali yaye. Ka ca ku sesamẽlẽle ndomo wa yola epembe va Yuda eteke liokunyõlẽha kuavo. Ka ca sungulukile ndomo wa lipanda veteke lielamba liavo.

OVADIYA 1:12 Iomraidhean Croise

YOVI 18:20

Vakuotundilo va komõhela eci ca pita laye, kuenje vakuotakelo va ci lulumila.

YOVI 31:29

Nda nda sanjukilile okunyõlẽha ku wa suvuka, pamue nda nda yolelele eci cĩvi co sanga,—

OLOSAMO 22:17

Nẽla oku tenda akepa ange osi. Va mbanja, va nunguila ovaso.

OLOSAMO 31:18

Olomela viuhembi vi uhe, haivio vi lundila vakuesunga lepela lepembe.

OLOSAMO 35:15

Ovo puãi va yolela okulikonjoka kuange, vongolokela pamosi. Ovisokui via limungikila kuenje sia ci kũlĩhile. Ka va liwekele oku sokola.

OLOSAMO 37:13

Puãi Yehova o yola ondingaĩvi, momo o lete okuti eteke liaye lio liya.

OLOSAMO 54:7

Momo wa mopela kohali yosi. Ovaso ange a mola eci ca wila kovanyali vange.

OLOSAMO 59:10

Suku yange o ñualẽhela lame locisola caye ka ci pui. Suku yange o mbanjisa eci ci wila kovanyali vange.

OLOSAMO 92:11

Ovaso ange a mõla okunyõleha kuava va ndavekela. Ovatui ange a yeva ekundu liava va ñatukila.

OLOSAPO 17:5

U o fuanguila osuke o savula usovoli waye. U o sanjukila ohali yukuavo ka yovoka.

ISAYA 37:24

Wa sawula Yehova, kuenje wa popia huti, Nda londa kilu liolomunda lakãlu ange a lua. Nda pitila vokati ka Levanone; nda timbula ovinendele viaco viosi kuenda akoma aco a fina. Nda pitila toke konumbuko yaco ya sulako, ndaño vovisitu viaco.

ASIÕSUILO 2:16

Ovanyãli vene vosi vo fuanguĩli; va sika ovilua; vo litakĩlĩli ovayo; va vilikiya vati, Tua li nyõla. Ewa! Lilo olio eteke tua livelele; cilo lieya; tu li lete!

ASIÕSUILO 4:21

Yolela ño, loku sanjuka, ofeko we Edome, wunungi yofeka ya Usi. Haimo lumue, okopo yi pitilavo kokuove, love o kolua loku sulũla uwalo, hu kala epõlõla.

ESEKIELE 35:12

Kuenje o limbuka okuti ame ndi Yehova, ame nda yeva atonãi osi wa popia lao olomunda via Isareli, huti, Via kunduka, via tuĩhĩwa ndovilisilo vietu.

ESEKIELE 35:15

Ndeci ove wa sanjukila oku kunduka kuocipiñalo cepata lia Isareli haico ndinga love. Lovevo o kunduka, amunda ya Seire, kuenda Edome yosi muẽle. Oco va limbuka okuti ame ndi Yehova.

ESEKIELE 36:5

ca popia Ñala Yehova ceci, hati, Lutima wa sanya lonyeño misa olofeka vi lisungue lene. Misavo Edome yosi, vana va kuata ofeka yange lovitima vie yuka esanju, letombo lia piãla okuti yi linga yavo oku punda.

MIKA 4:11

Cilo olofeka via lua via ku likongela viti, A vĩhĩsue, ovaso etu a mole Siono.

LUKA 19:41

Eci a sumĩhĩla ocipepi, kuenje wa mola imbo, oco wa li lilila.

TIAGO 3:5

Haico elimi, okacimatamata katitotito ketimba, haimo li lipandela ovina vinene. Sokololi ndomo usenge unene u mihiwa lokandalu katitotito.

II PETULU 2:18

Momo, oku lipanda lolondaka violonambelo, va yonja lovipango vietimba lumbondo ava ndopo va litepa la vakuakandu.

YUDA 1:16

Omanu vaco vakuakuñuñula, haivo vakuakulisiõsiõla. Va kuama kuama oloñeyi viavo. Ovimẽla viavo vi popia popia oku lipanda. Va sumbilila omanu okuti va likokela oku kuatisiwa locame.

ESITULUILO 13:5

Kuenje omẽla ya eciwa kocinyama okuti ci popia olonambelo latonãi, kuenje ca ihiwa omoko akui akuãla kolosãi kolosãi vivali.

I SAMUELE 2:3

Ko ka vanguli vali lepela lia lua. Emande ka li ka tunde kimẽla viene. Momo Yehova eye Suku yukũlĩhiso. Ovilinga vi pesaliwa laye.