NEHEMIYA 9:6 - Embimbiliya - Bíblia Sagrada em Umbundu

⁶ Esera wa popia hati, Ove, ove lika, u Ñala. Ove wa tunga ilu lilu liovailu, lolombungululu viosi vi kasiko; haive wa tunga oluali lovina viosi vi kasimo, kuenda okalunga lovina viosi vi kasimo. Ove o vi tata tata ha vi kala kala lomuenyo. Avanda osi okilu a ku fendaila.

NEHEMIYA 9:6 Iomraidhean Croise

EFETIKILO 1:1

Poku fetika Suku wa sovola ilu losi.

EFETIKILO 1:9

Suku yu wa linga hati, Ovava a kasi vemẽhi lilu a likongele pamosi, ongongo yi mõlẽhe. Haico ca lingiwa.

EFETIKILO 2:1

Oco ilu losi lovina viosi vi kasimo via malusuka oku lulikiwa.

EFETIKILO 32:2

Eci a vi mõla Yakoba wa linga hati, Usoko wa Suku owo, kuenje wa luka onduko yusenge waco hati, Visoko.

I OLOSOMA 22:19

Mikaya hati, Oco yevelela ondaka ya Yehova. Nda mõla Yehova wa tumãla kocalo caye, kuenda olohoka viosi viokilu vi tãi kondio yaye lokepili liaye.

I OLOSOMA 8:27

Puãi ocili Suku o tava hẽ oku tunga kilu lieve? Ota, vilu lovilu liovailu ku suimo! Oco hẽ, vonjo eyi nda ku tungila o suamo ndati?

II OLOSOMA 19:15

Hesekiya wa likutilila ku Yehova hati, A Yehova Suku ya Isareli, ukuakutumala pokati ka vakeruvi, ove lika, ove Suku yovosoma osi okilu lieve, haive wa panga ilu losi.

II OLOSOMA 19:19

Kaliye, a Yehova Suku yetu, hu livondela, tu popele peka liaye, oco ovosoma osi okilu lieve a limbuke okuti ove Yehova Suku, ove lika wove.

NEHEMIYA 9:5

Kuenje va Lewi, kuenda Yesiua la Kadimiele la Bani la Hasiaviya la Siereviya la Hodiya la Siebaniya la Petahiya, va popia vati, Votoki loku sivaya Suku yene ukualoneke viosi hoti, Onduko yove yi kola haiyo ya piãla olopandu viosi lesivayo liosi, yi tumbangiyiwe.

OLOSAMO 102:25

Konahululua wa seveta oviseveto violuali. Ovailu laovo upange wovaka ove.

OLOSAMO 103:21

Sivayi Yehova, ene alohoka viaye viosi. Wuvakuenje vaye wakuakulinga ocipango caye.

OLOSAMO 115:15

Yehova, u wa lulika ilu longongo, o sumũlũisi.

OLOSAMO 124:8

Okuohelua kuetu ku kasi vonduko ya Yehova, U wa lulika ilu longongo.

OLOSAMO 146:6

u wa lulika ilu longongo, lokalunga lovina viosi vi kasimo, eye wa sumũlũha. Yehova ukuacili ka ci pui,

OLOSAMO 24:10

Helie Soma yaco yulamba? Yehova Ukualohoka Eye Soma yulamba.

OLOSAMO 33:6

Ilu lia lulikiwa londaka ya Yehova. Ovina viosi lofela yomela waye

OLOSAMO 36:6

Esunga liove lia soka ndolomunda via Suku. Olonimbu viove via soka ndelondo linene. A Yehova, ove o tekola omanu kuenda ovinyama.

OLOSAMO 86:10

Momo ove wa kemala haive o lingainga ovikomo. Ove lika Suku.

ISAYA 37:16

A Yehova Ukualohoka, Suku ya Isareli, o kasi kilu lia va Keruvi; ove lika wove u Suku yovoviali osi o kilu lieve; ove wa lulika ilu losi.

ISAYA 37:20

Kaliye a Yehova, a Suku yetu, tu popele peka liaye oco ovoviali osi okilu lieve a limbuke okuti ove, ove lika, u Suku.

ISAYA 43:10

Yehova hati, Vulombangi viange, vukuenje wange. Nda ku nõla okuti o ñulĩha kuenje o ñolẽla, loku limbuka okuti, Ame ame muẽle. Konyima yange ka kua la lulikiwa Suku yimue, ndaño kovaso yange ka ku kala.

ISAYA 44:6

Ca popia Yehova Soma ya Isareli, haeye onjovoli yaye, haeye Yehova Ukualohoka, ceci, hati, Ame Tete haime Kuasula; ka ku li Suku yikuavo, te ame.

ISAYA 44:8

Ku ka kale lohele, ku ka kuate usumba. Sia ku ci sapuilile hẽ tunde kosiãhũlu loku ci lombolola? Ene muẽle vulombangi viange! Kuli nga Suku yikuavo, okuti ame hameko lika? Ka ku li Esenje likuavo, ame sia kulihile limue.

ISAYA 45:12

Ame muẽle nda lulika ongongo, haime nda sowilamo omanu. Ovaka ange muẽle a yala ovailu, haime nda tuma olohoka viao viosi.

YEREMIYA 32:17

A Ñala Yehova! Ove wa lulika ilu kuenda ongongo lunene wove kuenda lokuokuo kuove kuolõha. Ka kuli eci ca tĩla okuti ove ku ci tẽla.

ESEKIELE 20:11

Nda va ĩha ovihandeleko viange. Nda va lekisa ovisila viange, ovisila vina omunu a mõla lavio omuenyo poku vi linga.

YONA 1:9

Kuenje wa va kumbulula hati, Ame ndu Heveru. Nda sumbila Yehova Suku yovailu, haeye wa tunga okalunga losi.

YOANO 10:30

Ame la Isia tuamuamue.

OVILINGA 4:24

Ovo, eci va ci yeva, vosi va likutilila ku Suku lutima umuamue, vati, A Suku, a Cime cetu, ove wa lukila ilu, losi, lokalunga, lovina viosi vi kasimo,

ESINUMUĨLO 10:14

Ota, ku Yehova, Suku yove, ku tiama ilu, lilu liovailu kuenda oluali la cosi ci kasimo.

ESINUMUĨLO 32:39

Oco cilo limbuki okuti Ame, Ame muẽle, Suku yocili. Ka kuli Suku yikuavo te ame. Ame njipaya, haime ngeca omuenyo. Ame ndi tota, haime sakula. Lomue o tẽla oku popela omunu peka liange.

ESINUMUĨLO 6:4

A Isareli, yevelela. Yehova eye Suku yetu kuenje eye Suku lika waye.

VA HEVERU 1:3

Omõlaco o tuisa ocinyi culamba wa Suku. Ovituwa viaye haivio ovituwa via Suku. O tata ovailu loluali londaka yunene waye. Eci a mala oku yelisa akandu, oco a tumala kondio ya Tõlo kilu.

VA HEVERU 1:6

Kuenda vali, eci o nena vali koluali nuñulu, o linga hati, Ovangelo vosi va Suku vo fendele.

ESITULUILO 14:7

Wa popia lolukandi hati, Sumbili Suku. U wihi ulamba, momo owola yaye yoku tetulula yeya. Fendeli u wa lulika ilu losi lokalunga kuenda olono viovava.

ESITULUILO 4:11

A Ñala yetu, a Suku yetu, wa posokela oku muisua ulamba lesumbilo lunene. Momo ove wa sovola ovina viosi. Vi kasilili ocipango cove, haico via lulikiwa laco.